အခန်း (၂၁)

(၂၁)

လမ်းတဖက်တချက်တွင် တမျှော်တခေါ် လူတန်းရှည်ကြီးပြည့်နေ၏။ သွားမရ၊ လာမရ။ ရဲများက လမ်းတလျှောက်စုန်ချီ ဆန်ချီ သွားကာ လူအုပ်ကို နောက်ဆုတ်ရန် တဟဲ့ဟဲ့ အော်နေရသည်။ အောက်လူအုပ်ပေါ် ပြုတ်ကျမည်စိုး၍ သစ်ပင်ပေါ်မှ ကလေးများကိုလည်း ဆွဲချရသေး။

နေရာတကာတွင် တလူလူလွင့်နေသော အလံများ။ ဟိုနေရာ ဒီနေရာတွင် ခရီးဦးကြိုဆိုသော ပန်းမုခ်ဦးကြီးများ။ ယနေ့သည် တောင်ပိုင်းပြည်နယ် တပ်စုများ ပြန်လည်တွေ့ဆုံပွဲ၏ အထွတ်အထိပ်နေ့။ ဗိုလ်ချုပ်ကြီး၏ ကွယ်ပျောက်စ ပြုပြီဖြစ်သော တပ်ြွကင်းတပ်ကျန်များ နှစ်ပတ်လည် စစ်ရေးပြတော့မည်။

မစ္စက်ဝေလင်၏ အိမ်သည် စစ်ရေးပြလမ်းကြောင်းပေါ်တွင် တည်ရှိသည်။ အိမ်မကောင်းလှသော်လည်း ကြီးသည်။ သက်တောင့်သက်သာ ထိုင်နိုင်သည့် ဆင်ဝင်အောက်ကလေးရှိသည်။ ရှင်သန်သော တိုင်းပြည် (အမေရိကန် ပြည်ထောင်စု) နှင့် သေလွန်သော တိုင်းပြည် (တောင်ပိုင်းပြည်နယ်စု)၏ အလံနှစ်မျိုးလုံးကို လွှင့်ထူထားသည်။

မစ္စက်ဝေလင်၏ အိမ်ဆင်ဝင်ဆောင်ကလေးသို့ ရှာလီဝေလင်၏ အထူးဖိတ်ကြားချက်အရ ကွိ ရောက်လာသည်။
ရှာလီက ဆီးကြို နှုတ်ဆက်သည်။
]]ရှင် မမေ့ဘူးနော်}}
]]ကျွန်တော် ခုနစ်နှစ်သားတုန်းက ညစာအတွက် ဝက်ပေါင်ခြောက် ကြော်ထားတာ ကြည့်လိုက်လို့ တင်မ်က မှာပြီး အပြင်ခဏထွက်သွားတယ်။ ကျွန်တော် စာအုပ်ဖတ်နေတော့ မေ့သွားတယ်။ တင်မ် ပြန်လာတော့ ဝက်ပေါင်ခြောက်က မီးသွေးခဲ ဖြစ်နေပြီ။ အဲဒီနေ့ကစပြီး ကျွန်တော် ဘာမှ မမေ့တတ်တော့ဘူး။ ဒီနေ့ ခင်ဗျားတို့ရုံးလဲ ပိတ်သလား}}

]]ဒီနေ့ ကျွန်မတို့ အလုပ်လုပ်မယ်လို့များ ထင်သလားရှင်}}
ရှာလီက သူ့ကို မိခင်ဖြစ်သူနှင့် မိတ်ဆက်ပေးသည်။ မစ္စက်ဝေလင်က သူ့ကို ခြေဆုံးခေါင်းဆုံး အကဲခပ်နေ၏။
ရှာလီက လက်နှစ်လုံးခန့် အလံကလေးတခု ယူလာသည်။
]]ရှင်လဲ ကျွန်မတို့ဘက်တော်သားပဲ မဟုတ်လား။ ရှင့်ဖို့ ကျွန်မ အလံကလေး ယူလာတယ်}}
]]ဘာအဓိပ္ပာယ်နဲ့ ရင်ဘတ်မှာ ထိုးရမှာလဲ}}
]]တောင်ပိုင်းကို ရှင်မြတ်နိုးတယ်ဆိုတဲ့ အဓိပ္ပာယ်နဲ့ပေါ့ရှင်}}
]]ကောင်းပါပြီလေ။ ခင်ဗျား ထိုးစေချင်လဲ ထိုးရတာပေါ့}}

ရှာလီက သူ့မိခင်၏ မျက်စိရှေ့အောက်မှာပင် ကွိ အင်္ကျီ၌အလံထိုးပေးသည်။ ထို့နောက် မြက်ဖျာကလေး ယူလာပြီး ဆင်ဝင်လှေကားပေါ်၌ ကွိနှင့်အတူ ယှဉ်ထိုင်လိုက်သည်။
]]လူတွေ ကြည့်လိုက်စမ်းပါရှင်။ သိန်း သန်း ကုဋေပဲ}}
]]ဗိုလ်မှူးကြီးကောင်းသာရှိရင် သိပ်ကျေနပ်မှာပဲ}} ကွိက ပြောသည်။
နောက်ထပ်ရောက်လာသော ဧည့်သည်များဆီသို့ ရှာလီထသွားပြီး နှုတ်ဆက်သည်။ ဆင်ဝင်ပေါ်တွင် လူနှစ်ဆယ် အစိတ်ခန့်ရှိသည်။

ရှာလီပြန်လာပြီး သူ့ဘေးတွင် ထိုင်သည်။
]]မစ္စတာကွိ။ ပို့စ် ဒါရိုက်တာတွေ ဆုံးဖြတ်တာ ရှင်ကျေနပ်ရဲ့လား}}
]]ကျေနပ်ပါတယ်။ တခြားလူကို ရွေးရင်တော့ မထီမဲ့မြင်လုပ်တာလို့ ကျွန်တော် ထင်မိချင် ထင်မိမှာ။ မစ္စတာဝက်စ်ဆိုတော့ ဘာမှ ပြောစရာမရှိပါဘူး။ ကျွန်တော်ကတော့ စောင့်မှာပဲ။ ခင်ဗျားလဲ မှတ်မိမှာပေါ့။ ဒီနှစ်ထဲမှာ အယ်ဒီတာဖြစ်ရမယ်လို့ ကျွန်တော်ပြောတာမှ မဟုတ်ပဲ}}
]]သိပါတယ်။ ဒါပေမယ့် သူတို့က ရွေးရင်တော့ ကျွန်မကို ရှင်ပြောဖူးသလို အဲဒီအလုပ်ကို လွှင့်ပစ်ဦးမှာလားဟင်}}
]]မပစ်တော့ပါဘူး။ လက်ခံဖို့ စိတ်ပိုင်းဖြတ်ထားပြီးပြီ}}
ရှာလီ စိတ်ထဲက ပြုံးလိုက်သည်။
]]ရှင်ဒီအလုပ်ကို စိတ်ဝင်စားနေပြီလား ဟင်}}
]]ဘယ်လောက်စိတ်ဝင်စားတယ်ဆိုတာ ပြောပြဖို့တောင် ခက်တယ်}}
]]အယ်ဒီတာ ဖြစ်ရမယ်ဆိုတဲ့ ရှင့်စကားကို မဟြွာကားလုံးကြီးလို့ ကျွန်မပြောခဲ့တာ မှတ်မိမှာပေါ့။ ရှင် ကျွန်မထက်သာသွားပြီလို့ ဝန်ခံရတော့မယ် ထင်တယ်}}
]]ကျွန်တော် ထင်တယ်}} ကွိက တိုးတိတ် ညင်သာဆုံး လေသံဖြင့် ပြောသည်။ ]]ကျွန်တော်က ခင်ဗျားထက် သာသလား။ ခင်ဗျားက ကျွန်တော့်ထက် သာသလားဆိုတာ ပြောဖို့ စောလွန်းသေးတယ်}}

ရှာလီက လမ်းပေါ်သို့ မျှော်ကြည့်ရင်း
]]တနေ့ကျရင် ရှင်အယ်ဒီတာဖြစ်မှာက ကျိန်းသေနေပြီပဲရှင်}}
]]ကျွန်တော်သတိရသလောက်တော့ အဲ့ဒီနေ့ညက ကျွန်တော်တို့ပြောကြတာ ခေါင်းကြီး ကိစ္စတခုထဲ မဟုတ်ပါဘူး}}
]]အို၊ နားထောင်စမ်း}}
အဝေးမှ ဒစ်ဇီ သီချင်းသံ ကြားရသည်။ ဩဘာသံများ ရှည်လျားကျယ်လောင်စွာ ပေါ်လာသည်။ ရှာလီက ဧည့်သည်တဦးကို ထနှုတ်ဆက်ပြီး ပြန်ထိုင်သည်။

ဒစ်ဇီ။ ။ ၁၈၅၉ တွင် ဒီ-ဒီ-အမ်မက်ဆိုသူ ရေးစပ်သော သီချင်း။ တောင်ပိုင်းပြည်နယ်စု စစ်တပ်များ၏ စစ်သီချင်းအဖြစ်ကျော်ကြားသည်။ ၁၈၆၁ ဖေဖော်ဝါရီ ၁၈ တွင် ကျင်းပသော တောင်ပိုင်းပြည်နယ်ပေါင်းစု သမ္မီတဂျက်ဖာဆန်ဒေးဗီး၏ ကျမ်းသစ္စာကျိန်ဆိုပွဲတွင်လည်း ထိုသီချင်းကိုပင် သီဆို တီးမှုတ်ခဲ့သည်။

ကွိက စကားပြောင်းလိုက်ပြီး
]]ခင်ဗျားတို့ စစ်ပြန်ကြီးတွေ အကြောင်းပါမောက္ခနီကိုလိုဗီးယပ်ပြောပုံ ခင်ဗျား ကြားစေချင်တယ်}}
]]အမနာပတွေ ဖြစ်မှာပေါ့}}
]]ဒီလူတွေက နှစ်ပေါင်း လေးဆယ်လောက် ယူနီဖောင်းဝတ်ပြီး တောင်းစားနေတာတဲ့။ တိုင်းပြည်အတွက် သူတို့ အကျိုးပြုနိုင်တာကတော့ မြန်နိုင်သမျှ မြန်မြန်သေပေးဖို့ပဲတဲ့။ ခင်ဗျားသာကြားရင် ဒီလူကြီး အရင်က ပြည်ထောင်စု စစ်ဗိုလ်ဖြစ်ခဲ့မှာပဲလို့ ထင်မှာ}}

]]သူ့အကြောင်း ရှင်အကုန်သိတယ်ဆို ရှင့်}}
]]သူပြောတာသာ သိတာပါဗျာ}} ကွိက ရိုးရိုးသားသား ဝန်ခံသည်။
]]ရှာလီ}} သူ့မိခင်က လှမ်းမေးသည်။ ]]ကျောက်ပြားပေါ်ထိုင်နေတာလား}}
]]ဖျာခင်းထိုင်နေတာပါ မေမေရဲ့}}
]]ပြည်ထောင်စုစစ်ဗိုလ်တောင် ဟုတ်မှာ မဟုတ်ပါဘူး။ သူ့လိုစိတ်အချဉ်ပေါက်နေတဲ့ လူတွေက ဘယ်အထဲမှာမှ မပါတဲ့ သရဲဘောကြောင်သူတွေသာ များပါတယ်။ ကြည့်၊ မစ္စတာ ကွိ။ ကြည့်လိုက်စမ်း}}

တလမ်းလုံး ဝရုန်းသုန်းကားဖြစ်သွားသည်။ အော်သံဟစ်သံများ ပိုမိုကျယ်လောင်လာသည်။ စစ်ကြောင်းတပ်ဦးကို နှစ်လမ်းကျော်တွင် လှမ်းမြင်ရသည်။ ကွိ မျှော်ကြည့်လိုက်သည်။ သူ့စိတ်ထဲတွင် လှိုက်ဖိုသွားသည်။

အခန်း (၂၀)

(၂၀)

တနင်္လာနေ့၌ ပို့စ်သတင်းစာ ဒါရိုက်တာအဖွဲ့အစည်းအဝေးကျင်းပသည်။ ချားလ်ဂါဒင်နီယာဝက်စ် တင်သွင်းသော ဗိုလ်မှူးကြီးကောင်းအား ချီးကျူးကြောင်း မှတ်တမ်းတင် အဆိုကို ပထမဆုံး စဉ်းစားဆုံးဖြတ်သည်။ ထို့နောက် သတင်းစာဖွဲ့စည်းပုံကို ပြင်ဆင်သည်။ ကွယ်လွန်သူ ဗိုလ်မှူးကြီးကောင်း ထမ်းဆောင်ခဲ့သည့် ကြီးလေးသော တာဝန်များကို နှစ်ခန်း နှစ်ကဏ္ဍခွဲလိုက်ပြီး အုပ်ချုပ်မှု အယ်ဒီတာအမည်ဖြင့် ရာထူးသစ်တခုတီထွင်သည်။ ထိုပုဂ္ဂိုလ်က သတင်းဌာနကို တာဝန်ယူ၍ အယ်ဒီတာက အာဘော် စာမျက်နှာကို တာဝန်ယူသည်။ သတင်းအယ်ဒီတာ အီဗန်မွန်တေဂူကို အုပ်ချုပ်မှု အယ်ဒီတာ ခန့်သည်။ အကောင်းဆုံး သတင်းထောက်တစ်ဦးကို သတင်းအယ်ဒီတာ ရာထူးသို့ တိုးမြှင့်လိုက်သည်။

ထို့နောက် ဒါရိုက်တာ အဖွဲ့ ဥက္ကဌ စတီးဝပ်ဘတ်က အယ်ဒီတာ ရာထူးအတွက် အမည်စာရင်းတင်သွင်းရန်ဖိတ်ခေါ်သည်။
ဒါရိုက်တာတဦးဖြစ်သူ မစ္စတာဟော့ပကင်က ကိုယ့်နယ်သားမှသာ အယ်ဒီတာခန့်မည်ဟူသော အစွဲမရှိသင့်ကြောင်း၊ ပို့စ်သတင်းစာ ဩဇာကြီးမားလာနေပြီ ဖြစ်၍ ကြံရည် ဥာဏ်ရည် အကောင်းဆုံး အယ်ဒီတာကိုသာ ခန့်သင့်ကြောင်း၊ ထိုအယ်ဒီတာမျိုးကို နယူးရောက်တွင်ဖြစ်စေ၊ ဘော့စတန်တွင်ဖြစ်စေ၊ ဆန်ဖရန်စစ်စကိုတွင်ဖြစ်စေ ရှာဖွေသင့်ကြောင်း တင်ပြသည်။

ဒါရိုက်တာ တဦးဖြစ်သူ မစ္စတာဘော့ကမူ တနယ်သား အယ်ဒီတာမှ သင့်တော်သူဖြစ်မည်ဟု မယူဆစေလိုပါ။ အယ်ဒီတာ ရာထူးနှင့် အလွန်သင့်တင့်သူတဦးမှာ မိမိတို့မြို့တော်တွင် ရှိနေရုံမက မိမိတို့ သတင်းစာတွင်ပင်ရှိနေပါသည်။ ဗိုလ်မှူးကြီးကောင်း ကွယ်လွန်ချိန်မှ စ၍ တနေ့ ၁၄ နာရီ အလုပ်လုပ်နေပါသည်ဟု တင်ပြသည်။

]]မစ္စတာဘော့ တင်ပြတာ အလွန် အချက်ကျပါတယ်။ ကျွန်တော့ အိမ်မှာ ရီယူနီယန်စစ်ရေးပြပွဲတက်ဖို့ ဆီးနိတ် လွှတ်တော် အမတ်တယောက် လာတည်းနေတယ်။ သူက ပို့စ်သတင်းစာခေါင်းကြီးတွေကို ဖတ်ပြီး အလွန်အမင်း ချီးကျူးနေတယ်။ ရေးတဲ့ ပုဂ္ဂိုလ်ကိုလည်း မေးနေတယ်။ အမတ်မင်းက သူ့နယ်က သတင်းစာမှာဆိုရင်၊ သူ့နယ်ဆိုတာ ဘော်စတန်ကိုပြောတာပါ။ မစ္စတာဟော့ပကင်၊ ဖတ်ကြည့်ရလောက်အောင် တန်ဖိုးတန်တာမပါလို့ ဖတ်ကို မဖတ်ဘူးလို့ ပြောပါတယ်}}

မစ္စတာ ရှော့တာနှင့် မစ္စတာပေါ်တာတို့က မစ္စတာဟစ်ကော့၏ တင်ပြချက်ကို သဘောတူကြသည်။ မစ္စတာ ဝီလ်မာဒင်က ဗိုလ်မှူးကြီးကောင်းက ထိုလူငယ်သည် မိမိကို ဆက်ခံနိုင်လောက်သည့် အရည်အချင်း ပြည့်ဝသူဖြစ်သည်ဟု ပြောဖူးကြောင်း၊ ထိုလူငယ်အား တာဝန်များ လွှဲပေးပြီး အနားယူတော့မည်ဟုပင် မကွယ်လွန်မီက ပြောဖူးကြောင်းရှင်းပြသည်။ ထို့ကြောင့် မစ္စတာကွိကို အယ်ဒီတာခန့်ရန် ဝမ်းသာအားရ အဆိုပြုလိုကြောင်း ရှင်းပြသည်။

မစ္စတာ ရှော့တာနှင့် မစ္စတာပေါ်တာတို့က အဆိုကို ထောက်ခံကြောင်း တင်ပြကြသည်။
မစ္စတာ ချားလ်စ်ဂါဒင်နီယာဝက်စ်က မစ္စတာကွိအား ချီးကျူးကြခြင်းကို ကြားသိရ၍ များစွာ ကျေနပ်ကြောင်း၊ မစ္စတာကွိကို မိမိပင် ရှာဖွေတွေ့ရှိခဲ့ကြောင်း၊ ယင်းသို့ ထက်မြက်သော အယ်ဒီတာကို ချီးကျူးခြင်းသည် သတိသမ္ပဇဉ်ရှိရှိ ဆောင်ရွက်သော ဒါရိုက်တာ (မိမိ) ကို ချီးကျူးရာရောက်ကြောင်း (ပြုံးကြသည်။) မစ္စတာကွိ၏ လုပ်ကိုင်ဆောင်ရွက်မှုများသည် အထူးသဖြင့် မကြာမီ လများအတွင်းက အလွန်အဆင့်အတန်းမြင့်မားကြောင်း၊ ဗိုလ်မှူးကြီးကောင်းသာ တနှစ်တန်သည် နှစ်နှစ်တန်သည် အသက်ရှည်မည်ဆိုလျှင် ယခု ဒါရိုက်တာကြီးများတင်ပြနေသည့်အတိုင်း ဆောင်ရွက်ရေးမှာ ဘာမျှ ဆိုဘွယ်ရာမရှိကြောင်း၊ သို့သော် မစ္စတာကွိကို စင်တော်ကောက်ခဲ့သူတစ်ဦးအဖြစ် အချက်နှစ်ချက် စဉ်းစာရန် မိမိတင်ပြလိုကြောင်း၊ ပထမအချက်မှာ အသက်အရွယ် ငယ်လွန်းသေးခြင်းဖြစ်ကြောင်း၊ ဒုတိယအချက်မှာ ဤပြည်နယ်တွင် နှစ်နှစ်မျှသာ နေဖူးသေးသူဖြစ်၍ ပြည်နယ်အကြောင်းကို နှိုက်နှိုက်ချွတ်ချွတ် မသိသေးခြင်းဖြစ်ကြောင်း၊ ထို့ကြောင့် ကြီးမားသော တာဝန်များ မပေးမီ လေ့လာချိန် ပေးသင့်ကြောင်းတင်ပြသည်။

ဝက်စ်၏ ဆွေးနွေးချက်ကို ဒါရိုက်တာများ သဘောကျကြသည်။ ဆွေးနွေးမှုအရှိန်လျော့သွားသည်။ ဥက္ကဌက မဲခွဲ ဆုံးဖြတ်ရန် အသ့်ဖြစ်မဖြစ်မေးသည်။

]]နေပါဦး၊ နေပါဦး။ တခြား အဆိုတင်စရာ ရှိချင်ရှိနေဦးမှာပေါ့}}
အခြားအဆိုတင်မည့်သူ မရှိ။ ဒါရိုက်တာကြီးများကလည်း နာရီတကြည့်ကြည့် ဖြစ်နေကြပြီ။
]]မစ္စတာဝက်စ်}} ဒါရိုက်တာအဖွဲ့၏ အသက်အငယ်ဆုံး ဒါရိုက်တာဖြစ်သူ သီယိုဒိုဖိုင်းက ပြောသည်။ ]]ခင်ဗျားပဲ အယ်ဒီတာလုပ်ဖို့ တိုက်တွန်းပါရစေလား။ ကောလိပ်ဥက္ကဌ ရာထူးက ထွက်လိုက်ဗျာ}}

မစ္စတာဝက်စ်က ထိုအကြံပေးချက်ကို မလိမ်မိုး မလိမ်မာ မကြံပေးချက်ပမာ လက်ဟန်ဖြင့် ပယ်ချသည်။ သို့သော် ဒါရိုက်တာများက မစ္စတာဖိုင်း၏ အကြံပေးချက်ကို စိတ်ဝင်စားကြသည်။
မစ္စတာဝက်စ်က ငြင်းသည်။
]]ဒီလိုဆိုရင် မစ္စတာဝက်စ် အမည်တင်သွင်းတဲ့ အဆိုကို အဆိုရှင်က ပြန်ရုပ်သိမ်းဖို့ တာဝန်ရှိပါတယ်}} မစ္စတာဟစ်ကော့က ပြောသည်။

သို့သော် ဝက်စ်အမည်ကို ပြန်လည်ရုပ်သိမ်းရန် မလွယ်။ ဒါရိုက်တာများက ဇွတ်တိုက်တွန်းကြသည်။ နောက်ဆုံးတွင် ဝက်စ်က ထပ်ဆင့် ရှင်းလင်းချက် ထုတ်ရပြန်သည်။

သူ့ ရှင်းပြချက်မှာ ပို့စ်သတင်းစာ အယ်ဒီတာလုပ်ရန် မည်သည့်အခါမျှ ကြံရွယ်ချက်မရှိကြောင်း၊ လက်ရှိအခြေအနေတွင် သူ့အား အမည်စာရင်းတင်သွင်းခြင်းကို သဘောမတူညီနိုင်ကြောင်း၊ ဒါရိုက်တာများက ကျားကုပ်ကျားခဲ ဆက်လက်၍ စဉ်းစားနေကြဦးမည်ဆိုလျှင် အစည်းအဝေး ရွှေ့ဆိုင်းရန် အကြံပေးလိုကြောင်း စသဖြင့် ဖြစ်သည်။

မစ္စတာဟစ်ကော့က သဘောမတူသော်လည်း အများစု ဆန္ဒအရ အစည်းအဝေးကို တရက်ခြားသို့ ရွှေ့ဆိုင်းလိုက်သည်။
နောက်တစ်နေ့တွင် မစ္စတာဝက်စ် ဘလိန်းဥက္ကဌ ရာထူးမှ နုတ်ထွက်လိုက်ကြောင်း ပို့စ်သတင်းစာတွင် သတင်းပါလာသည်။ ထိုနေ့ထုတ် ပို့စ်သတင်းစာက ဘလိန်းကောလိပ်အတွက် မစ္စတာဝက်စ်၏ အကျိုးပြုချက်များအကြောင်းကို ခေါင်းကြီးရေးသည်။ ခရော်နီကယ် သတင်းစာကမူ
]ဘလိန်းကောလိပ်မှ လူတန်းစားဝါဒကို ဆန့်ကျင်သည့် တိုက်ပွဲကြီး၌ ခရော်နီကယ်သတင်းစာ အောင်ပွဲခံပြီ} ဟု ရေးသည်။

တတိယနေ့တွင် ပို့စ် ဒါရိုက်တာ အစည်းအဝေးပြန်လည်ကျင်းပသည်။ မစ္စတာဝက်စ် အစည်းအဝေးမတက်။ မစ္စတာဟော့ပကင်က အစည်းအဝေး ဆက်လက်ကျင်းပပြီး လုပ်စရာရှိသည့် ကိစ္စကို ပြီးပြန်အောင်လုပ်ရန် သူ့သဘောထားကို တင်ပြသည်။

]]မစ္စတာကွိကို အမည်စာရင်းတင်သွင်းခဲ့တဲ့ ဒါရိုက်တာကြီးကို အဆိုပြန်လည်ရုပ်သိမ်းဖို့ ကျွန်တော် မေတ္တာရပ်ခံချင်ပါတယ်။ ကျွန်တော်တို့ ဆုံးဖြတ်ချက်ဟာ ကန့်ကွက်သူမရှိ တညီတညွတ်ထဲ ဖြစ်သင့်ပါတယ်။ မစ္စတာကွိကို အမည်စာရင်း တင်ထားမြဲ တင်ထားရင်တော့ ကျွန်တော် သူ့ကို မဲပေးရမှာပဲ}} ဟု မစ္စတာဟစ်ကော့က ပြောသည်။

ကွိ၏ အမည်ကို တာဝန်သိစွာ ရုပ်သိမ်းလိုက်ပြီးနောက် ဒါရိုက်တာအားလုံးက ဝက်စ်ကို ပို့စ်သတင်းစာ အယ်ဒီတာခန့်လိုက်သည်။ အထူးဆုံးဖြတ်ချက်အဖြစ် အယ်ဒီတာမရှိချိန်တွင် စွမ်းစွမ်းတမန် ဆောင်ရွက်ခဲ့သည့်အတွက် မစ္စတာကွိအား ကျေးဇူးတင်ကြောင်းနှင့် မစ္စတာကွိ၏ လစာငွေကို တနှစ်ဒေါ်လာ ၁၈၀ဝ သို့ တိုးမြှင့်ကြောင်း ဆုံးဖြတ်လိုက်သည်။

မစ္စတာဟစ်ကော့မှတပါး အခြားဒါရိုက်တာများကများစွာ ကျေနပ်အားရဖြစ်ကြသည်။ ပြည်နယ်အတွင်း စွမ်းရည်အထက်မြက်ဆုံး၊ အရည်မွန်ဆုံး၊ လူသိအများဆုံး လူငယ်များအနက် တဦးကို မိမိတို့ သတင်းစာအတွက် အယ်ဒီတာအဖြစ်ခန့်ထားနိုင်လိုက်သဖြင့် ကိုယ့်အချင်းချင်းပင် ချီးကျူးနေမိကြသည်။

ပို့စ်သတင်းစာ၏ ပရိသတ်တဦးကမူ သူတို့ဆုံးဖြတ်ချက်ကို မကျေမနပ်ဖြစ်နေသည်။ မစ္စရှာလီဝေလင်ဖြစ်၏။ ရှာလီက ကွိကို မဆိုင်းမတွ အယ်ဒီတာခန့်သင့်သည်ဟု ယူဆသည်။ မစ္စတာဝက်စ်လည်း အယ်ဒီတာကောင်းတစ်ယောက်လောက်လောက်လားလား ဖြစ်နိုင်သော်လည်း ဘလိန်းကောလိပ် ဥက္ကဌရာထူးမှ မထွက်သင့်ဟု သူထင်သည်။

ထိုသဘောထားကို ရှာလီကြာရှည်စွည နှလုံးသွင်းနေရန် မလို။ အယ်ဒီတာသစ် ဝက်စ်ကိုယ်တိုင် သူ့ဆီသို့ မြူးတူးတက်ြွကစိတ်အားထက်သန်စွာ ရောက်လာသည်။

]]ကောလိပ်ကြီးတော့ ခေါင်းပေါ်ကကျသွားပြီ။ ဟူး။ ကျောင်းပိတ်ရက် အစမှာ ကျောင်းသားကလေး ပျော်သလို ပျော်တယ်ဗျာ။ စိတ်လွတ်လူလွတ်ဖြစ်သွားတာပဲ။ ပို့စ်အတွက် အင်အားတွေ၊ စိတ်ဓာတ်တွေ၊ စီမံကိန်းတွေ ကျွန်တော့မှာ တပြုံကြီးရှိတယ်}}

]]မစ္စတာကွိကော စိတ်ပျက်နေသလား}} ရှာလီက မေးသည်။
ထိုမေးခွန်းကြောင့် ဝက်စ် အံ့အားမသင့်။ သို့သော် ကွိအယ်ဒီတာရာထူးရသင့်သည့် အခွင့်အရေး ရှိသည်ဟု ရှာလီထင်နေကြောင်း သူ့လေသံမှာ ပေါ်နေသည်ဟု ထင်မိ၏။
]]စိတ်ပျက်မယ် မထင်ပါဘူး}} ဝက်စ်က ပြတ်ပြတ်ဖြေသည်။
]]ဘာကြောင့် စိတ်ပျက်ရမှာလဲ။ သူစောင့်ရလှ တနှစ်၊ အများဆုံး နှစ်နှစ်ပေါ့။ ကျွန်တော်ကလဲ ပို့စ်မှာ တသက်လုံး လုပ်မှာ မဟုတ်ပါဘူး}}

ဝက်စ်က အခြေအနေကို အကြမ်းဖျင်း ပြောပြနေသည်။
]]သူ့တက်လမ်းကို ကျွန်တော် မပိတ်ပါဘူး။ သူမြန်မြန်တက်နိုင်သလောက် တွန်းတင်ပေးချင်တာပါ။ ကျွန်တော်တို့ ခင်ဗျားနဲ့ ကျွန်တော်ပေါ့။ သူ့ကို ရှာတွေ့ထားတာမဟုတ်လား။ သူက သိပ်ထက်မြက်ပေမယ့် သိပ်ငယ်သေးတယ်။ အတွေ့အကြုံကလဲ သိပ်နည်းသေးတယ်။ အချိန် နည်းနည်းလိုသေးတယ်။ အချိန်မကျသေးပဲ တာဝန်ကြီးကြီး သွားပေးရင် နလံမထူနိုင်တဲ့အမှားမျိုးလုပ်မိမှာသေချာတယ်။ ကျွန်တော်က ဘုရင်မဟုတ်ပါဘူးဗျာ။ ဘုရင်အရွယ်မရောက်ခင် ရင်ခွင်ပိုက် နန်းစံရတဲ့လူပါ}}

ရှာလီက မတရားအထင်လွဲမိလေခြင်းဟု တွေးမိသည်။
]]ရှင်က ကျွန်မထက် အလိမ္မာလည်းကြီးပါပေတယ်။ အမြင်လဲ ကျယ်ပါပေတယ်ရှင်}}
]]တော်စမ်းပါ}}
]]ကျွန်မပါရဂူကလေးမှာ ဒီလိုမိတ်ဆွေကောင်းရှိတာ ဝမ်းသာပါတယ်။ ဒါပေမယ့် သူက ပါရဂူလည်း မဟုတ်တော့ဘူး။ ကလေးလည်းမဟုတ်တော့ဘူး}}
]]တခြားလူ ဆိုရင်လည်း ကျွန်တော့လိုပဲ လုပ်မှာပါ}}
]]တခြားလူဆိုရင် ဒီလိုသဘောထား ကြီးချင်မှ....}}
ဤစကားကိုလည်း ဝက်စ် လက်မခံ။
]]ရှင်အယ်ဒီတာလုပ်ရမှာ သဘောတော့ ကျပါတယ်နော်}}

]]သိပ်သဘောကျတယ်။ ဒီအလုပ်ထက် မြင့်မြတ်တဲ့အလုပ်ဘယ်မှာရှိမှာလဲ။ ဘလိန်းကောလိပ်မှာဆိုရင် ကျောင်းသားလက်ဆုပ်စာလောက်ကိုသာ လက်လှမ်းမီတာ။ သတင်းစာ ဆိုတော့ ဧရာမ နယ်ကျယ်တာပေါ့။ တနေ့ကို လူတသိန်းလောက် နောက်လိုက်ရှိနေတာ။ မနက်တိုင်း တိုးတက်မှုတွေ၊ မြှော်မှန်းချက်တွေ၊ ရဲရင့်မှု၊ ရိုးသားမှု၊ ကြင်နာမှု၊ ယုံကြည်မှုတွေကို တရားဟောဖို့ ပရိသတ်ရှိနေတာပဲ။ သူတို့ရဲ့ အမြင်တွေ၊ ယုံကြည်ချက်တွေ၊ မြှော်မှန်းချက်တွေ၊ တွေးခေါ်ပုံအလေ့အထတွေကို ပှုံလောင်းပေးနိုင်မှာ}}

ဝက်စ်သည် ည ၁၁ နာရီထိ စကားထိုင်ပြောသည်။ ရှာလီကလည်း အထင်တကြီး နားထောင်သည်။ ဝက်စ် ပြန်သွားချိန်တွင် ကွိ မကျေမလည်များဖြစ်နေမလား ဟူသော စနိုးစနောင့် စိတ်ကလေးသညူ် ရှာလီ၏ ရင်ထဲတွင် ကျန်ခဲ့သည်။ ရက်အတန်ကြာ၍ ကွိကို တွေ့မှ ထိုစနိုးစနောင့်စိတ်ကလေးပျောက်ကွယ်သွားသည်။

ကွိတွင် လောကကို ထောင်းချင်သည့် သဘောထား တပြားသားမျှ မရှိ။

အခန်း (၁၉)

(၁၉)

ဗိုလ်မှူးကြီးကောင်း၏ နာရေးသတင်းကို ဖတ်ရသူတိုင်း၏ စိတ်ထဲတွင် သူ့ခမျာ ရီယူနီယန် နဲ့ လွဲရရှာတယ် ဟူသော အတွေးပေါ်မိ၏။
ရက်များ မကြာမီအတွင်း ပြိုကွဲသွားသော စစ်တပ်များမှ စစ်ပြန်များ၏ နှစ်စဉ် ပြန်လည် တွေ့ဆုံပွဲကို မြို့တော်တွင် ကျင်းပတော့မည်ဖြစ်၏။
ဗိုလ်မှူးကြီးကောင်းသည် နှစ်ပေါင်း ၃၀အတွင်း ထိုပွဲများကို တကြိမ်မျှ မလွတ်တမ်း ပါဝင်ဆင်နွှဲခဲ့၏။
မြို့လူထုသည် စစ်သားဟောင်းကြီးကို ကောင်းမွန်စွာ သဂြိုလ်ကြသည်။ မျက်ရည်ကျကြသည်။ သူ့လက်ထောက် အယ်ဒီတာသည် သူတန်ဖိုးထားသော အကြံပေးပုဂ္ဂိုလ်တဦး၊ မိတ်ဆွေ တဦး ဆုံးရှုံးရလေခြင်း ဟူသော စိတ်ဖြင့် သင်္ချိုင်းမှ အိမ်သို့ ပြန်လာခဲ့၏။

သူပြန်လာသောအိမ်မှာ မစ္စက်ပိန်တာ၏ အိမ်မှ ပိဋကတ်ခန်းကလေး မဟုတ်။ မြို့စားကြီး ဂလောက်စက်စတာလမ်းပေါ်ရှိ အိမ်ကောင်းကလေးတလုံးဖြစ်၏။ အကြောင်းမူ ပါမောက္ခနီကိုလိုဗီးယပ်သည် သူကြိုတင်ကြံရွယ်ထားခဲ့သည့်အတိုင်း မေလဆန်းတွင် အိမ်ပြောင်းထားခဲ့ပြီး ကွိလည်း သူနှင့်အတူ လိုက်ပြောင်းလာခဲ့ခြင်းကြောင့် ဖြစ်သည်။

ရီယူနီယန်။ ။ အမေရိကန် ပြည်တွင်းစစ်တွင် တောင်ပိုင်းပြည်နယ်စု တပ်များဘက်က ဝင်ရောက်တိုက်ခိုက်ခဲ့ကြသည့် စစ်ပြန်များ၏ ပြန်လည် တွေ့ဆုံပွဲ စစ်ရေးပြအခမ်းအနား။

ညနေ ၆ နာရီခွဲအချိန်ဖြစ်၏။ ကွိသည် အိမ်တံခါးကို သူ့ကိုယ်ပိုင်သော့ဖြင့် ဖွင့်ကာ အပေါ်ထပ်သို့ တက်လာသည်။ နီကိုလိုဗီးယပ်သည် ဧည့်ခန်းပြတင်းပေါက်အနီးတွင် ဆေးလိပ်ထိုင်သောက်ရင်း စာဖတ်နေသည်။
]]ပြန်လာပီကိုး။ ခါတိုင်းထက် နောက်ကျပါလားလို့ ကျုပ်တွေးနေတာ}}
]]ဗိုလ်မှူးကြီးကောင်း အသုဘ လိုက်ပို့နေလို့ပါ။ လူတော်တော် စည်တယ်ဗျာ}}
]]အော်}}
ကွိသည် ကုလားထိုင် တလုံးပေါ်တွင် ထိုင်ချလိုက်သည်။ ဤအိမ်အသစ်တွင် သူ့နေရေးထိုင်ရေး အလွန်သက်တောင့်သက်သာရှိသည်။ တပတ်လျှင် ခုနှစ်ဒေါ်လာခွဲသာ ငွေထည့်ရ၍ သက်တောင့် သက်သာ ရှိလွန်းသည်ဟုပင် ဆိုရမလား မသိ။ နီကိုလိုဗီးယပ်သည် အိမ်ကို အစွမ်းကုန် မွမ်းမံပြုပြင်ထားသည်။

]]တချို့လူတွေဆိုရင် ဘုရားရှိခိုးကျောင်းထဲကိုတောင် မဝင်နိုင်လို့ အပြင်မှာ ရပ်နေကြရတယ်}}
]]သူ့အတွေးအခေါ်နဲ့ သူတော့ လူတော် တယောက်ပါပဲလေ}} နီကိုလိုဗီးယပ်သည် ပြတင်းပေါက်ပြင်ပသို့ ငေးကြည့်ရင်း ပြောသည်။
]]နီးနီးကပ်ကပ် သိလာမှ သူ့အတွေးအယူတွေဟာ အတော်မြင့်မားမှန်း သိရတယ်}}
နီကိုလိုဗီးယပ်က ဆေးလိပ် ဆက်သောက်နေသည်။
နှစ်ယောက်စလုံး တိတ်ဆိတ်ခြင်းကို အရသာ ခံနေကြသည်။ ညစာစားဝိုင်းများတွင်လည်း သူတို့ ငြိမ်ငြိမ်စားလေ့ရှိသည်။ တခါတရံ စကားတလုံးတလေမျှပင် ဟဟမပြောမိကြ။

]]သူ့နေရာ လူရွေးဖို့ ပို့စ် ဒါရိုက်တာတွေ ဘယ်တော့ စည်းဝေးကြမှာလဲ}}
]]မသိပါဘူး။ အမြန်ဆုံးတော့ လုပ်ကြမှာပေါ့}}
]]ခင်ဗျားကို ရွေးမှာသေချာတယ်လို့ပဲ ကျုပ်ထင်နေတယ်}}
နီကိုလိုဗီးယပ်က ပြောသည်။

]]မဖြစ်နိုင်ပါဘူး။ ကျွန်တော်ကတော့ ပေးရာတာဝန် ယူမှာပဲ}}
ကွိက နာရီကြည့်ပြီး ထလိုက်သည်။
]]ခဏလေးများ နားပါဦးလားဗျာ။ ကျုပ်နဲ့လဲ အဖော်အလှော် လုပ်ရတာပေါ့}}
]]ကျွန်တော့် စာအုပ်အတွက် တာဝန်က ရှိသေးလို့ပါ}} ကွိက တုံ့ဆိုင်းဆိုင်း ဖြေသည်။
ကပ်လျက်ရှိ သူ့အိပ်ခန်းသို့ ဝင်သွားကာ တံခါးပိတ်လိုက်ပြီးမှ အဖိုးကြီးနှင့် စကားစမြည် ပြောရန် အချိန်ပို ပေးသင့်သည်ဟု သူတွေးမိ၏။

တကိုယ်ကောင်းစိတ်ဖြင့် ကြည့်လျှင် သူ့အိမ်တွင်းရေး အစီအမံမှာ ဟန်ကျရှိလှသည်ဟု မဆိုနိုင်။ သက်တောင့်သက်သာ ပို၍ ရှိသော်လည်း သူ့အလုပ်က သက်တောင့်သက်သာနေရေးထိုင်ရေးပေါ်၌သာ တည်သည်မဟုတ်။ မစ္စက်ပိန်တာအိမ်တွင် နေစဉ်က အိမ်စရိတ်ပေးရသလောက်ပင် ယခုပေးနေရသော်လည်း လွတ်လွတ်ကျွတ်ကျွတ် နေရချိန် နည်းလှသည်။ အဖိုးကြီးအပေါ် ကိုယ်ရေးကိုယ်တာ တာဝန်ရှိရမလိုလို ဖြစ်နေသည်မှာ စိတ်အနှောင့်အယှက် ဖြစ်စရာကောင်းသည်။

မစ္စတာပိန်တာအိမ်ရှိ ပိဋကက်ခန်းလေးသို့ ပြန်ပြေးချင်စိတ်ပေါ်နေကြောင်း သူ့ကိုယ်သူ သိ၏။ ကမ္ဘာပေါ်တွင် အလွတ်လပ်ဆုံး လူသည် ယခုမလွတ်လပ်တော့။ ပါမောက္ခကြီးကို သူ အိမ်ပြောင်းတော့မည်ဟု ပြောရန်ခက်သည်။ အဖိုးကြီးက ငိုကြီးချက်မ လုပ်ချင်လုပ်မည်။ ဒေါသဖြစ်စရာ ကောင်းဆုံးမှာ နီကိုလိုဗီးယားသည် သူ့လိုပင် တကောင်ြွကပ် ဖြစ်သော်လည်း တကိုယ်ရေ တကာယထဲနေရခြင်းကို မကျေမနပ် ဖြစ်နေရုံမက သူ့ကို မှီခိုအားထားနေခြင်းပင်ဖြစ်သည်။

မည်သို့ပင်ဖြစ်စေ၊ ဤအိမ်တွင် သူကျေနပ်သည်။ သူ့စာအုပ်အလွန်တွင်ကျယ်သည်။ သို့သော် ကံကြမ္မာသည် သူ့အချိန်ဇယားသစ်ကြီးကို ဗုံးပစ်ခွင်းပြန်ပြီ။ ဗိုလ်မှူးကြီး ကွယ်လွန်သွားပြီဖြစ်၍ ဒါရိုက်တာများက သူ့ကို အစားထိုး ခန့်ချင် ခန့်မည်။ ခန့်ချင်မှလည်း ခန့်မည်။ သို့သော် သူ့ကို အယ်ဒီတာ အဖြစ်ရွေးချယ်လျှင် လက်ခံမည်ဟု သူ ယတိပြတ် စိတ်ဆုံးဖြတ်လိုက်လေသည်။

သတင်းစာနှင့် ပတ်သက်၍ ကွိသည် ဝိညာဉ်လောကနှင့် ကဝေလောကကို ]]ဖွင့်ချ}}မည်ဟု တက်ထောင်မောင်းနင်း ပြောပြီး နောက်ဆုံးတွင် နတ်ဝင်သည်တို့၏ ဖောက်သည်ကောင်းကြီးဖြစ်သွားရသည့် ဒိတ်ဒိတ်ကျဲ သိပ္ပံပညာရှင်အချို့၏ အဖြစ်မျိုး ကြုံနေသည်။

အယ်ဒီတာဘဝကို ယခင်က သူ သရော်မော်ကားပြုခဲ့သော်လည်း တဖြည်းဖြည်းနှင့် ယခု အကြီးအကျယ် လေးစားလာသည်။ သတင်းစာ အလုပ်က သူ့ကို အံ့မခန်း ကျုံးသွင်းသည်။ ဤပညာသည် ထူးထူးဆန်းဆန်း စွဲမက်စရာ ကောင်းသော လက်ငင်း လက်တွေ့သိပ္ပံပညာဖြစ်သည်။

ဗိုလ်မှူးကြီးကောင်း နာမကျန်းဖြစ်နေစဉ်နှင့် ကွယ်လွန်ပြီးသည့်နောက် အယ်ဒီတာ တာဝန်ကို သူလုံးလုံးလျားလျားဆောင်ရွက်ရသည့် အချိန်အတွင်း သူ့တသက်တွင် ကြုံဖူးသမျှ အာရုံခံစားမှုများထက် သူ့ကို သာလွန်ညှို့ငင်နိုင်သော ပှုဂ္ဂိုလ်ရေး ဩဇာအာဏာ သဘောကို သူကြုံတွေ့လာရလေသည်။

ထိုဆွဲဆောင်မှုမျိုး သက်သက်မျှဖြင့်ကား သူ့စ္ဂာအုပ်ကြီးကို သူ စိမ်းကားနိုင်မည် မဟုတ်။ သူ့ကို အယ်ဒီတာခန့်လျှင် လက်ထောက်တဦးလည်း ခန့်မည်ဖြစ်၍ နံနက်ပိုင်းအချိန်များသည် သူ့ကိုယ်ပိုင်အချိန်ဖြစ်မည်။ ထိုအချိန်သည် တနေ့လေးနာရီမျှ ရှိမည်။ တနေ့ လေးနာရီနှုန်းနှင့်ဆိုလျှင် သူ့စာအုပ်ကြီးကို လေးနှစ်ခွဲအတွင်း ပြီးစီးနိုင်မည်။

ကွိသည် စားပွဲ၌ ထိုင်လိုက်သည်။ စာရွက်များ၊ စာအုပ်စာတန်းများ၊ ခဲတံ ခဲဖျက်များ စသည် သူအသုံးလိုသမျှ ပစ္စည်းများက အသင့်ရှိနေကြသည်။ သို့သော် သူ ဘာတခုကိုမျှ မကိုင်။ နာရီကို ကြည့်လိုက်သည်။ သူ့စိတ်သည် မူလအတွေးသို့ ပြန်ရောက်သွားပြီး ဧည့်ခန်းသို့ ပြန်ထွက်လာခဲ့သည်။

နီကိုလိုဗီးယပ်သည် သူ့နေရာတွင် ထိုင်မြဲ ထိုင်နေသည်။
]]အား၊ ဥာဏ်မီးမတောက်တော့ဘူး ထင်တယ်}}
]]ဒါလဲ တကြောင်းပေါ့လေ}}
]]ကျုပ် ပျင်းနေမှာစိုးလို့ ထွက်လာတာများလားဗျာ}}
ကွိက ကုလားထိုင်တွင် မရွှင်မပျ ထိုင်ချလိုက်သည်။ စကားတခွန်းမျှ ပြန်မပြော။
]]ပို့စ်ထဲမှာ ဖတ်ရတယ်}} နီကိုလိုဗီးယပ်က စကားဆက်သည်။
]]ဗိုလ်မှူးကြီးကောင်းက ရောဂါသက်သာနေပြီးမှ ရီယူနီယန်လို့ သူတို့ပြောနေတဲ့ ကိစ္စကို လုပ်ရင်း အိပ်ရာထဲ ပြန်လဲတာဆိုပဲ။ ဒီလို သူတောင်းစားအုပ်အတွက် ကိုယ့်အသက်များ အဆုံးခံရတယ်လို့ဗျာ}}
]]စစ်ပြန်တွေကို ခင်ဗျား ဒီလိုပဲ မြင်နေသလား}}
]]သူတို့ ဝတ်ပုံစားပုံတွေကို ခင်ဗျား တွေ့ဖူးသလား}}
]]ဟင့်အင်း}}
]]ကျုပ်က ဒီမှာ နေတာကြာတော့ သူတို့အကြောင်း သိသင့်သလောက် သိတယ်။ ရှေ့အပတ်ဆိုရင် ခင်ဗျား တွေ့ရတော့မှာပါ။ လေ့လာကြည့်ပေါ့}}
]]ကျွန်တော်လဲ စီစဉ်ထားပါတယ်}}
ကွိကို ရှာလီဝေလင်က သူတို့အိမ် ဆင်ဝင်ပေါ်မှ လာကြည့်ရန် ဖိတ်ခေါ်ထားသည်။

]]ခင်ဗျားတွေ့ပါလိမ့်မယ်ဗျာ။ တသက်လုံး ရိုးရိုးသားသားအလုပ်ဆိုလို့ ဘာအလုပ်မှ မလုပ်ခဲ့တဲ့ စုတ်တီးစုတ်ဖတ် အိုနာကျိုးကန်းတွေ}}
နီကိုလိုဗီးယပ်သည် ဆေးလိပ်ကို ကုန်အောင် သောက်ပြီး စကားပြန်ဆက်သည်။
]]လယ်ထွန်ရတာထက် ကောင်းတယ်ဆိုပြီး ငယ်ငယ်က စစ်ထဲ ဝင်ခဲ့တဲ့ လူတွေပေါ့။ ဒါမှမဟုတ် တခြားလုပ်စရာမရှိလို့ရင်လဲ ဖြစ်မယ်။ အတင်းစစ်ထဲ ဆွဲသွင်းခံရလို့ရင်လဲ ဖြစ်မယ်။ စစ်ပြီးတော့ သမိုင်းမှာ ဒုစရိုက်အပွေဆုံးလူတွေ ဖြစ်လာတော့တာပဲ။ မြင်ဇောင်း စောင့်တဲ့လူက သူရဲကောင်းကြီး ဖြစ်လိုဖြစ်။ ဒီတော့ တသက်လုံးထိုင်စားဖို့ပဲ ကျန်တော့တာပေါ့။ လူတွေကြည့်တော့ သန်သန်မာမာပဲ။ ဒါပေမယ့် သူတို့ ချစ်တယ်ဆိုတဲ့ ပြည်နယ်နဲ့ အိတ်ထဲက ဒေါ်လာသန်းပေါင်းများစွာကို မျိုဆို့ပစ်ကြတာပဲ။ နိုင်ငံရေးပါတီတွေကလဲ သူတို့ကို ရရာအလုပ်ပြန်လုပ်ကြဖို့ ပြောဝံ့တဲ့သတ္တိ မရှိကြဘူး။ တယောက်မကျန် သေကုန်တော့မှ ကိစ္စ ငြိမ်းတော့မှာပဲ}}

ကွိသည် သိပ္ပံပညာရှင်စိတ်ရှိသူဖြစ်၍ အခြားသူပြောစကားနှင့် မကျေနပ်။ ကိုယ်တိုင်ကိုယ်ကျ လေ့လာသည်။ ဤပြည်နယ်နှင့် အမေရိကန်တောင်ပိုင်း ပြည်နယ်များ၏ သမိုင်းမှတ်တမ်းများကို လေ့လာနေခဲ့သည်မှာ တနှစ်ရှိပြီ။ ထို့ကြောင့် နီကိုလိုဗီးယပ်က စစ်ပြန်ဆယ်ယောက်တွင် တယောက်ရှိမည့် လူစားမျိုးကို ပြယုဂ်လုပ်ပြီး သမိုင်းကို ပုံပျက်ပန်းပျက်ဖြစ်အောင် ပြောနေကြောင်း သူသိသည်။ ဘာကြောင့်ပါလိမ့်ဟုလည်း တွေးနေမိသည်။

]]ကျွန်တော်ဖတ်ထားတဲ့ တောင်ပိုင်းပြည်နယ်တွေရဲ့ သမိုင်းကြောင်းနဲ့ ခင်ဗျားအမြင်ကတော့ တခြားစီပဲ}}

]]ကျုပ်ပြောတာ ယုံလာအောင် ရှေ့ဆက်ဖတ်ဦးပေါ့}}
]]ခင်ဗျားကျတော့ ဖတ်ကို မဖတ်ဘူး မှုတ်လား}}
ပါမောက္ခက ရယ်၍
္ခ]]ဖတ်ပီလားဗျာ။ ဗိုလ်မှူးဘရွတ် ပါးစပ်ဖျားမှာ ဖတ်တယ်။ သတင်းစာတွေမှာ ဖတ်တယ်။ ဖြစ်ပေါ်နေတဲ့ သမိုင်းကိုဘယ်ရှောင်လို့ရမလဲ။ ကဲ၊ ညစာ ခေါင်းလောင်းတီးနေပီ။ ဆင်းကြစို့}}
ညစာစားပြီးကြသောအခါ ကွိက
]]မနေ့ညက ခင်ဗျား အိပ်လို့ မပျော်ဘူးထင်တယ်}}
]]အင်း ရောဂါဟောင်းပေါ့ဗျာ။ ခဏပါပဲ။ ဘာပဲဖြစ်ဖြစ် ကျုပ်တယောက်ထဲ မဟုတ်ဘူးဆိုတာ သိနေတော့ ရောဂါပေါ်တဲ့အချိန်မျိုးမှာ အားရှိတယ်}}

]]အကူအညီလိုလဲ ခေါ်လိုက်ပေါ့ဗျာ}} ကွိက ပြောသည်။
]]ကျေးဇူးပါပဲ}}

နီကိုဗီးယပ်က မျက်လုံးနက်များဖြင့် သူ့ကို ဆန်းဆန်းပြားပြား ကြင်နာစွာ ကြည့်နေသည်ကို ကွိ တွေ့လိုက်ရ၏။

ကွိ ညပိုင်းအလုပ်သို့ သွားသောအခါ စိတ်စနှောင့်စနင်းဖြစ်ရသော အတွေးနှစ်ခုက သူ့ကို အာရုံ ရှုပ်ထွေးစေသည်။ အတွေးတခုမှာ ပါမောက္ခကြီးက သူ့ကို လက်ကတုံးတောင်ဝှေး လုပ်လာခြင်းဖြစ်၏။ ဒုတိယအတွေးမှာ အိုင်ယာလန် လွတ်လပ်ရေးတိုက်ပွဲမှ ပြေးလာခဲ့သူက အမေရိကန်တောင်ပိုင်း စစ်ပြန်များကို သွားပုပ်လေလွင့်ပြောနေ၍ ဆန်းနေခြင်း ဖြစ်၏။

ထိုအတွေးနှစ်ခု သည် သူ့ခေါင်းထဲတွင် သံမှိုနှက်သလို စွဲနေလေ၏။

အခန်း (၁၈)

(၁၈)

ဘလိန်းကောလိပ်၏ ခရီးလမ်းသည် မဖြောင့်ဖြူး။ ဥက္ကဌဝက်စ်၏ ထြွကနိုးကြားသော စိတ်ဓာတ်ကို ပွန်းပဲ့စေသည့် အနှောင့်အယှက်များ တဆောင်းလုံးပေါ်နေခဲ့သည်။

ကောလိပ်က စိတ်ပျက်စရာနှင့်ဖွင့်သည်။ ကျောင်းသား တိုးလာသည်။ သို့သော် တိုးလာသည့် အရေအတွက်မှာ ၉ ယောက်ထဲသာ။ ဝက်စ်က ကျောင်းသား ၅၀ တိုးမည်ဟုမှန်းသည်။ ကျောင်းသားဦးရေ စုစုပေါင်း ၁၆၇ ဦး စာရင်းကို အောက်တိုဘာ အစည်းအဝေးတွင် တင်ပြသောအခါ ဂေါပကအဖွဲ့က တပတ်ရိုက်ခံရသလို သဘောထားသည်။ ကြော်ငြာအတွက် ငွေကုန်ကြေးကျများသည်။ ဥက္ကဌအလုပ်လုပ်ချိန် နှောင်းသည် စသဖြင့် အပြစ်တင်ကြသည်။

]]ကုန်ကျစရိတ် ဆယ်ရာခိုင်နှုန်းတက်ပြီး ကျောင်းသားအသစ် ၉ ယောက်ထဲတိုးတယ်}} ဂေါပက တဦးက တုံးတိ အပြစ်တင်သည်။

ထိုပုဂ္ဂိုလ်မှာ ဂျိမ်းစ်အီးဝင်းတားဆိုသူဖြစ်သည်။ မြို့တော်၏ ကိုယ်စားလှယ်ဖြစ်သည်။ ကောလိပ်အတွက် မြို့တော်က နှစ်စဉ် ဒေါ်လာ ခုနှစ်သောင်း ငါးထောင် ထောက်ပံ့ရ၍ ကောလိပ်ဂေါပကအဖွဲ့သို့ အဖွဲ့ဝင်သုံးဦး ကိုယ်စားလှယ် လွှတ်ခွင့်ရှိသည်။

ဝင်းတား၏ မိတ်ဆွေကြီး မစ္စတာဖိုင်းရှိသေးသည်။ မစ္စတာဖိုင်းသည် ကောလိပ်အတွက် ဒေါ်လာငါးသောင်း လှူခဲ့သည်။ ထိုငွေကို ရန်ပုံငွေ ဖွင့်ထားသည်။

ဝက်စ်ကို ဥက္ကဌရွေးရာ၌ ဂေါပကအဖွဲ့က တညီတညွတ်တည်း မဆုံးဖြတ်နိုင်ခဲ့။ ခုနှစ်မဲ ငါးမဲနှင့် ရွေးခဲ့ရသည်။ ထိုအကွဲသည် သက်စိုး ရှည်နေလေသည်။ ပို၍ပင် နက်ရှိုင်းလာသေး၏။ ဝက်စ်တင်ပြလာသည့် ထောက်ခံအကြံပေးချက်မှန်သမျှကို စဉ်းစားရာ၌ ခုနှစ်မဲ ငါးမဲ ကွဲမြဲ ကွဲနေပြန်၏။
ဝက်စ်၏ စွမ်းအင်နှင့် စိတ်ဓာတ်ကား ကြီးမားခိုင်မြဲလျှက်ပင်ရှိသည်။ အချို့ကိစ္စတွင် အလားအလာ မကောင်းသော်လည်း ကောလိပ်လုပ်ငန်းသည် လူမှုမြှင့်တင်ရေးလုပ်ငန်း၏ တကယ့်လက်နက်ကရိယာဖြစ်သည်ဟု သူခံယူမြဲ ခံယူသည်။

မဟာဌာနများ၏ ဆရာစာရင်းကို စစ်ဆေးသည်။ ကျေနပ်စရာမတွေ့။ ပါရဂူဘွဲ့ရသူ သုံးဦးသာ ပါဝင်သည်။ ဆရာတို့၏ ပျမ်းမျှ ပညာရည်သည် အလယ်အလတ်အဆင့်ထက်ပင် နိမ့်ကျနေသည်။ အပေါစားကောလိပ်အတွက် အပေါစားဆရာများသာ ဖြစ်နေလေသည်။ ဤဆရာအဖွဲ့မျိုဖြင့်ဆိုလျှင် ဘလိန်းကောလိပ်ကို ထူးချွန်ပြောင်မြောက်သော အဆင့်အတန်းသို့ မပင့်တင်နိုင်။

ဝက်စ်၏အကြံမှာ ပညာရည်ညံ့သောဆရာများကို တသုတ်စီ ဖြုတ်ပစ်ပြီး ပညာရည်ချွန်သူများဖြင့် အစားထိုးသွားရန်ဖြစ်သည်။ သို့သော် အဟန့်အတားကြီးက ရှိနေပြန်၏။ ပထမတန်းစားပညာရှင်များက ပထမတန်းစား လစာရိက္ခာကိုတောင်းကြသည်။ ဘလိန်းကောလိပ်၏ လက်ရှိအခြေအနေက ထိုလစာရိက္ခာမျိုးကို ပေးနိုင်စွမ်း မရှိ။

ပထမဆုံး ဆရာများနှင့် တွေ့ဆုံပွဲတွင်ပင် ဝက်စ် လက်မခံနိုင်သူ ဆရာတစ်ဦးပေါ်လာ၏။ တနှစ် ဒေါ်လာတထောင်ပေးထားရသည့် သင်္ချာလက်ထောက်ပါမောက္ခ ဟတ်ကလေယန်း ဆိုသူဖြစ်သည်။ သူ့အပြုအမူ အပြောအဆိုက ပညာရှင်နှင့် မတူဟု ဝက်စ်ထင်သည်။ သူ့ကို ရာထူးနှင့် မတန်သူဟု ဝက်စ်က ဆုံးဖြတ်လိုက်သည်။ ဒီဇင်ဘာလလယ်တွင် လက်ထောက်ပါမောက္ခ ယန်းထံ အကြောင်းကြားစာ ပို့လိုက်သည်။ ခရစ်စမတ်ကျောင်းပိတ်ရက်အပြီးတွင် ဖြုတ်ပစ်တော့မည်။

လက်ထောက်ပါမောက္ခက လူကြီးလူကောင်းလို အသာခေါင်းလျှိုပြီး ထွက်မသွား။ ဘလိန်းကောလိပ်နှင့် ဥက္ကဌ ဝက်စ်ကို တရားစွဲသည်။ တနှစ်အတွက် လစာအပြည့် လျော်ကြေးတောင်းသည်။ သူ့တွင် ကလေးခြောက်ယောက်ရှိပါသည်။ ဤအလုပ်ပေါ်တွင် မှီခို စားသောက်နေရပါသည်ဟု ရုံးတော်တွင် လျှောက်သည်။

ယန်းသည် ကောလိပ်တွင် ကျောင်းသားနှင့်လည်း မတည့်။ လုပ်ဖော်ကိုင်ဖက်ချင်းနှင့်လည်း မသင့်သူဖြစ်သည်။ သို့သော် ဂေါပကအဖွဲ့တွင် ဝင်းတားအုပ်စုက ပါမောက္ခယန်းခမျာ ပတ်ကြမ်းတိုက်ခံရရှာသည်ဟု ယူဆသည်။ လူထု အကျိုးစီးပွား ပြဿနာမဟုတ်၊ လူတန်းစား တခု၏ အကျိုးစီးပွား ပြဿနာဟု သူတို့က အကဲဖြတ်သည်။

အဖိနှိပ်ခံများနှင့်လူထုကြီးဘက်က ရပ်တည်သည်ဟုြွေကးကြော်သော ခရော်နီကယ် ညနေသတင်းစာက ပါမောက္ခယန်း၏ ကြေညာချက်ကို ဖော်ပြကာ သတင်းကို ပုံကြီးချဲ့ ရေးသည်။ ]]လက်သီးပုန်း ကောလိပ်}} ခေါင်းစဉ်ဖြင့် ခေါင်းကြီးရေးကာ ဝေဖန်တိုက်ခိုက်သည်။

ကောလိပ်၏ ဥပဒေအတိုင်ပင်ခံများက ပူညံ ပူညံလုပ်နေသော ပါမောက္ခလေးအား လျော်ကြေး ဒေါ်လာသုံးရာပေး၍ အမှုကျေအေးရန် အကြံပေးသောအခါ ဝင်းတားက ဗြောင်ဝေဖန်တော့သည်။ ဆရာအပြောင်းအလဲများကို ဂေါပက အဖွဲ့၏ ကြိုတင်ခွင့်ပြုချက်မရဘဲ မလုပ်ရန် ဥက္ကဌအား ချုပ်ချယ်သည့် အဆိုတင်သွင်းသည်။ သို့သော် ခုနှစ်မဲ ငါးမဲဖြင့်ပင် ရှုံးသွား၏။

မစ္စတာဖိုင်းက ]]ဥက္ကဌ ရဲ့ ဆုံးဖြတ်ချက်ကို ယုံကြည်မှု မရှိရင်လဲ ခင်ဗျားတို့ ယုံကြည်မှုရှိတဲ့ ဥက္ကဌအသစ် ရှာပေါ့ဗျာ}} ဟု ဒေါသတကြီးပြောသည်။

]]အဲဒါ ကျွန်တော်တို့ ပြောနေတာပေါ့}} ဂျိမ်းစ်အီးဝင်းတားက ခွန်းတုံ့ပြန်သည်။

ဝက်စ်သည် ဆရာအဖွဲ့ နောက်ထပ် အပြောင်းအလဲများကို ရှေ့နှစ်အထိ ရွှေ့ဆိုင်းထားလိုက်လေသည်။ ကောလိပ်ငွေရေး ကြေးရေး အခြေခိုင်ရန်၊ ပိုလျှံနေသော သူ့ကိုယ်စွမ်း ဥာဏ်စွမ်းများကို ဇောက်ချအသုံးချရန် ဆုံးဖြတ်သည်။ သို့သော် ထိုလုပ်ငန်းတွင်လည်း ဂေါပကအဖွဲ့ထဲမှ တယ်တို့၏ တံတိုင်းထူထူကြီးနှင့် ဝင်တိုးမိပြန်သည်။

ဝက်စ်သည် အသက်အရွယ် နုသေးသော်လည်း မြို့တော်တွင် အပြောကောင်း၊ အဟောကောင်းအဖြစ် လူသိများသည်။ သူ့ဟောပြောချက်ကို ပွဲတောင်းသည့် ဖိတ်စာများ တဖွဲဖွဲ ရောက်လာသည်။ ဒီဇင်ဘာလတွင် တိုးတက်ရေး ဘုတ်အဖွဲ့များ အဖွဲ့ချုပ်တွင် သူစကားပြောရသည်။ ချီးမွမ်းထောပနာ ပြုခံရသည်။ နောက်တစ်လတွင် ထင်ရှားသော အမေရိကန် အထက်တန်းပညာရေး မြှင့်တင်မှုအသင်းကြီး၏ နှစ်ပတ်လည် အစည်းအဝေးတွင် သူ စကားပြောခွင့်ရ၏။ သူနှင့်အတူ စကားပြော စင်မြင့်ပေါ်၌ထိုင်သည့် အမေရိကန် ငွေကြေးလုပ်ငန်းရှင်ကြီး တဦးက ဘလိန်းကောလိပ်အကြောင်းကို မေးခွန်းပေါင်း များစွာ ထုတ်သည်။ ဥက္ကဌဝက်စ်သည်ြွကြွကရွရွ စိတ်ဓာတ်ဖြင့်ပြန်လာသည်။ သို့သော် ဂေါပကအဖွဲ့က ရင်ဝ ဆီးကန်သလို လုပ်လေသည်။

ဂျန်နဝါရီလ ဂေါပက အစည်းအဝေးတွင် ဝင်းတားက
]]ဥက္ကဌကြီး ဒီလို ဧည့်ခံပွဲတွေ တက်နေတာ အဓိပ္ပာယ်ရှိရင် ဘာအဓိပ္ပာယ်လဲလို့ မေးချင်တယ်}} ဟု မေးခွန်းထုတ်သည်။
ဝက်စ်က အပြုံးမပျက်။ ဝင်းတားသည် ရန်စွယ်ငေါငေါ အဖွားအိုကြီးပမာ မဖွယ်မရာ နိုင်လွန်းသည်ဟု သူထင်သည်။

]]အဓိပ္ပာယ်ကတော့ ရန်ပုံငွေ ရရေးပါပဲ။ လက်ရှိအခြေအနေနဲ့ဆိုရင် ခေတ်မီကောလိပ်ကြီးတွေနဲ့ ပြိုင်နိုင်မှာ မဟုတ်ဘူး။ ဒါကြောင့် ဘလိန်းကောလိပ်ကို စေတနာရှင်ကြီးတွေ မျက်မှန်းတန်းမိအောင် လုပ်တာပါ}}

]]အဓိပ္ပာယ်မရှိပါဘူး ခင်ဗျာ}} ဝင်းတားက သူ၏ ကန်ထရိုက်တာ လက်သီးကြီးကို စားပွဲပေါ်တွင် ဒိုင်းကနဲ ထုလိုက်ပြီး ကျားလို ဟိန်းလိုက်သည်။ ]]ဒါတွေဟာ ဘလိန်းကောလိပ်ရဲ့ အစဉ်အလာနဲ့ ဆန့်ကျင်ပါတယ်။ ဘလိန်းကောလိပ်ဟာ အလှူခံစားနေတာ မဟုတ်ပါဘူး။ ယန်ကီးကောလိပ်တွေလို သူတောင်းစား ကောလိပ်မဟုတ်ပါဘူး။ ရော့ကဲဖဲလာ လို သဌေးတွေ ဆီမှာ ဘလိန်းကောလိပ် ဥက္ကဌက လက်ဝါးဖြန့်တောင်းနေတာ သိက္ခာကျပါတယ်}}

ရော့ကဲဖဲလာ ဂျွန်ဒေဗီဆန် (၁၈၃၉-၁၉၃၇) ။ ။ အမေရိကန် ရေနံသဌေးကြီး။ ၁၈၆၅ ခုနှစ်တွင် ရေနံချက်စက်ရုံကြီး ထူထောင်ပြီး စဘင်းဒတ် ရေနံကုမ္ပဏီဖွဲ့သည်။ သူ့အလှူငွေဖြင့် ချီကာဂို တက္ကသိုလ်များသို့ ဒေါ်လာသန်း ၅၀ဝ ကျော် လှူခဲ့သည်။

အပံ့ပိုးခံ ပညာရေးအကြောင်းကို ထပ်တလဲလဲ ဆွေးနွေးကြသည်။ ဝင်းတားက အဆိုတင်ရန် အသင့်ပြင်ထားခြင်းမရှိ၍ အဆိုမတင်သော်လည်း အများစုဆန္ဒမှာ ဘလိန်းကောလိပ် (၁၈၉၄ ခုနှစ်တွင် တည်ထောင်သည်) ကို ငွေရေး ကြေးရေး ကင်းကင်းရှင်းရှင်းပင် နေစေလိုသည်။

ဝက်စ်သည် ဂေါပကအဖွဲ့ကို အော့နှလုံးနာသွားသည်။ သို့သော် စိတ်ကောင်း သဘောကောင်း အရှိဆုံး လူတဦးဖြစ်၍ သူ မကျေမချမ်း ဖြစ်သမျှ မကြာမီ ကွယ်ပျောက်သွား၏။

ရန်ပုံငွေရရှိရန် အခြား မြို့ကြီးပြကြီးများသို့ သူမချဉ်းကပ်တော့သော်လည်း ကိုယ့်မြို့တော်တွင်မူ သူကြိုးစားမြဲ ကြိုးစားသည်။ သို့သော် ရန်ပုံငွေ တိုးမလာ။

ကောလိပ်ဥက္ကဌကြီး၏ ဩဇာတိက္ကမသည် မြို့ပေါ်၌ ကြီးမားတိုးတက်နေ၍ ဝက်စ်အဖို့ ကျေနပ်စရာဖြစ်သည်။ သူ့ပညာရေးအယူအဆများသည် မြို့တော်တွင် ゞင်း၊ တပြည်လုံးတွင် ゞင်းလူရာမဝင်ခဲ့သော်လည်း ပို့စ်သတင်းစာက ဝက်စ်နှင့် တွေ့ဆုံ မေးမြန်းပြီး ထိုအယူအဆများကို အကျယ်တဝင့် ဖော်ပြခဲ့သည်။

ကျေနပ်စရာအကောင်းဆုံးမှာ သူနှင့်ကျောင်းသားများ၏ ဆက်ဆံရေးဖြစ်၏။ ကျောင်းသားများက သူ့ကို မြတ်နိုး ကိုးကွယ်ကြသည်။ သူလမ်းလျှောက်ပုံ၊ သူအင်္ကျီဝတ်ပုံ၊ သူခေါင်းဖီးပုံက အစ ကျောင်းသားများက အတုယူကြသည်။ ကျောင်းသားများကို သူ ညစာ ဖိတ်ကျွေးသည်။ အင်္ဂါနေ့နှင့် သောကြာနေ့တိုင်း ကျောင်းသားများအား ဘလိန်းကောလိပ်၏ ရည်မှန်းချက်များကို ရှင်းပြသည်။ ထိုရှင်းပွဲများမှာ မတက်မနေရ မဟုတ်သော်လည်း အမြဲ အခန်းလျှံသည်။ ဩဘာသံညံသည်။ ဘောလုံးပွဲများတွင် သူ့ကို ကျောင်းသားထုက တခဲနက်ဩဘာပေးကြ၍ မစ္စအေဗာရီနှင့် မစ္စဝေလင်ကိုပင် တလှည့်စီတွဲ၍ ပွဲထုတ်မိသေးသည်။

ယင်းသို့ အစစအရာရာ အဆင်ပြေနေချိန်တွင် ပြဿနာကောက်ရိုးစ ကလေးတစ လေထဲ လွင့်လာသည်။ မကြာမီ ကောက်လှိုင်းစည်းကြီးဖြစ်လာသည်။ ထို့နောက် ကောက်ရိုးပုံကြီးဖြစ်လာသည်။ ဧပြီလ မကုန်တတ်သေး။ ဘလိန်းကောလိပ် ပွက်လောရိုက်နေလေတော့၏။

ဤဖြစ်ရပ်မျိုးသည် သမိုင်းတွင် အနမတက္ကရှိသည်။ အဦးအစတွင် အသေးအဖွဲဖြစ်သည်။ လိုရာဆွဲကြသည်။ ဆိတ်ကိုဆင် ဖြစ်အောင်လုပ်ကြသည်။ နောက်ဆုံးတွင် နိုင်ငံအချင်းချင်း လက်နက်စွဲကာ တဦးလည်ပင်း တဦး လှီးကြတော့သည်။

ဘလိန်းကောလိပ်ကျောင်းသားကြီးနှစ်ဦးက ကျောင်းသားသစ်ကလေးတဦးကို သူတို့အခန်းသို့ခေါ်ပြီး ဝက်ဆီနှင့် သံလွင်ဆီရောတိုက်သည်။ ကျောင်းသားသစ်ကလေးခမျာ အစာအိမ် မကောင်းရသည့် အထဲ ထိုဆီဦးထောပတ်များကို ကင်းမြီးတောက် ထောင်၍ သောက်မျိုရရှာသဖြင့် အသည်းအသန်ဝေဒနာခံစားရရှာသည်။ သို့ဖြင့် မိဘများသိ၊ ကောလိပ်အာဏာပိုင်များနားပေါက်ကြား ဖြစ်ကုန်သည်။

ကျောင်းသားသစ်ကလေးက တရားခံများကို မဖော်ထုတ်သော်လည်း ကြံရာပါတဦးကို အာဏာပိုင်များက စုံစမ်းသိရှိရ၍ ဝက်စ်ထံသို့ ပို့သည်။ ထိုကျောင်းသားက ကြံရာပါမိပါသည်ဟု ဝန်ခံသော်လည်း တစ်တရားခံမှာ သူမဟုတ်ဟု ငြင်းသည်။ တစ်တရားခံကို အမည်ဖော်သည်။

တစ်တရားခံဆိုသူကို ဝက်စ်ခေါ်မေးပြန်သည်။ သူက ဝန်မခံ၊ တရားခံဖော်ထုတ်ရန်လည်း ငြင်းသည်။
ဝက်စ်ထံသို့ စာများရောက်လာသည်။ တယ်လီဖုန်းများ ခေါ်သည်။ ထိုသို့ မတရားညှဉ်းပန်းမှု၏ တစ်တရားခံကို ပြင်းပြင်းထန်ထန် အရေးယူရန် တိုက်တွန်းကြသည်။ ပို့စ်သတင်းစာကလည်း မည်သည့် အကျိုးဆက်များ ပေါ်နိုင်သည်ဖြစ်စေ၊ စည်ကမ်းကို တင်းတင်းကြပ်ကြပ်
ကိုင်သင့်ကြောင်း တိုက်တွန်းရေးသား၏။ ပို့စ်ခေါင်းကြီးမှာ ဗိုလ်မှူးကြီး၏ အကောင်းဆုံးရေးဟန်ဖြင့် ရေးထားသော်လည်း ကွိ၏ လက်ရာ ဖြစ်လေသည်။

ဝက်စ်သည် အမြန်ဆုံးနှင့် အပြတ်သားဆုံး အရေးယူရတော့မည်။ ထိုနေ့က မည်သူ့ကိုမျှ အတွေ့မခံဘဲ အခန်းတံခါးပိတ်ကာ တရားမျှတ၍ မှန်ကန်သော ဆုံးဖြတ်ချက်ကိုချရန် စဉ်းစားသည်။ စာရေးသူက ရေး၊ တယ်လီဖုန်းနှင့် ပြောသူကပြော၍ အကြံပေးကြသည့် အချက်များကို သူသုံးသပ်သည်။

ဂေါပကအဖွဲ့က မှာကြားထားသည့် စောင့်ထိန်းအပ်သော ဘလိန်းကောလိပ် အစဉ်အလာကောင်းများနှင့် ပို့စ်သတင်းစာရေးသားချက်များကလည်း တသဘောတည်း ဖြစ်နေသည်။ တရားလွန် နောက်ပြောင်းမှုကို မည်သည့်နည်းနှင့်မျှ လက်ပိုက် ကြည့်မနေနိုင်။ တယောက်ယောက်တော့ ခေါင်းဖြတ်ရတော့မည်။

မူလက ပြင်းပြင်းထန်ထန် အရေးယူရန် ဝက်စ် စိတ်ကူးမထည့်ခဲ့။ သို့သော် မြို့လူထုက အပြင်းထန်ဆုံး အရေးယူလိမ့်မည်ဟု မြှော်လင့်နေသည်။ အများ ဆန္ဒက မတွန့်တမ်း မဆုတ်တမ်း ပြတ်ပြတ်သားသား အရေးယူစတမ်းြွေကးကြော်နေသည်။ ထို့ကြောင့် တာဝန်ရောက်လာလျှင် ဖြစ်ချင်ရာဖြစ် သူပြတ်သားကြောင်း ပြရတော့မည်။

ဝက်စ်သည် ကြံရာပါမိပါသည်ဟု ဝန်ခံသည့် ကျောင်းသားကို ပြင်းထန်စွာ သတိပေးပြီး တရားခံဖော်ထုတ်ရန် ငြင်းဆိုသည့် ကျောင်းသားကို ကျောင်းထုတ်ပစ်လိုက်လေ၏။

ထိုအမိန့်များသည် မွန်းတည့်ချိန်မှ စ၍ အာဏာတည်သည်။ ညနေ ၄ နာရီတွင် တိုက်ပွဲစတော့၏။ အီဗနင်းခရော်နီကယ် သတင်းစာ ညနေ ၄ နာရီတွင် စက်ပေါ်မှ ပူပူနွေးနွေးထွက်လာသည်။ ကျောင်းထုတ်ခံရသည့်ကျောင်းသားသည် ရေပိုက်ဆက် အလုပ်သမားတဦး၏သား ဖြစ်သည်။ ထိုရေပိုက်ဆက် အလုပ်သမားသည် သာမန်အလုပ်သမားမဟုတ်။ သူ့ရပ်ကွက်တွင် လူသိများသူ။ နိုင်ငံရေးလှုပ်ရှားသူဖြစ်သည်။ အီးဗနင်း ခရော်နီကယ် သတင်းစာက ထိုသတင်းကို သုံးကော်လံခေါင်းတပ်၍ ဖော်ပြသည်။

မျက်နှာမွဲ ကျောင်းသားလေး
ဥက္ကဌကြီး ဝက်စ်၏ ကန်ထုတ်ခံရ

သတင်းနှင့်အတူတွဲ၍ ကာတွန်းတပုံလည်း ဖော်ပြလိုက်သေးသည်။ ကာတွန်းတွင် အထက်တန်းလွှာပုံစံ ဝတ်စားဆင်ယင်ထားသည့် ဥက္ကဌ ဝက်စ်က ကျောင်းသားကလေးတဦးကို တံခါးပေါက်မှ ကန်ထုတ်နေပုံဖြစ်သည်။ ကျောင်းသားကလေး၏ လည်ပင်းတွင် ]အလုပ်သမားသား} ဆိုသည့် စာတန်းကလေး ဆွဲပေးထားသည်။ ကာတွန်းအောက်တွင် ]သူ့ဝါဒ} ဆိုသော စာတကြောင်းလည်း ထည့်ထားသေးသည်။ စာမျက်နှာ ၄ တွင် ]ပိုးသား ခြေစွပ်ထဲမှ တရားမျှတမှု} ခေါင်းစဉ်ဖြင့် ခေါင်းကြီးရေးလေသည်။

ဤအထိမှာ နိဒါန်းပျိုးရုံသာ ရှိသေးသည်။ နောက်တနေ့ထုတ် ပို့စ်သတင်းစာတွင် ကောလိပ်အရေးအခင်းနှင့် ပတ်သက်၍ တလုံးတပါဒမျှ မပါ။ သီးထပ်သီးညှပ်အကြောင်းနှင့် လွှတ်တော် ရွေးကောက်ပွဲ အကြောင်းကိုသာ ဝေဖန်ဆွေးနွေးသည်။

ထိုနေ့နံနက် ကျောင်းသား စုဝေးပွဲသို့ သူ ဝင်သွားသောအခါ စူးစူးဝါးဝါး အော်ဟစ်ဆူပူသံများကို ကြားရသည်။ ဆူပူအော်ဟစ်သူများမှာ လူနည်းစု ဖြစ်သော်လည်း အမှုမထား၍ မဖြစ်လောက်အောင် ကျယ်လောင်သည်။ ညနေ ၄ နာရီ ခရော်နီကယ် သတင်းစာထွက်လာသောအခါ ကျောင်းသားထုက ကောလိပ် ဥက္ကဌ ဝက်စ်ကို သရော်ကြောင်း၊ လှောင်ကြောင်း၊ စာလုံးမဲကြီးဖြင့် ခေါင်းတပ်လျက် သတင်းဖော်ပြသည်။ ခေါင်းကြီးပိုင်းကလည်း မြို့လူထုထောက်ပံ့ထားသည့် ကောလိပ်တွင် ဤသို့ ကသောင်းကနင်း ဖြစ်နေသည်ကို ဥပေက္ခာ ရှုထားမည်လောဟု ပယ်ပယ်နယ်နယ် ဝေဖန်ရေသားလိုက်သည်။

ညပိုင်း ကလပ်သို့ရောက်သောအခါ သူ့မိတ်ဆွေအားလုံးက ဤပြဿနာကို အချီအချ ဆွေးနွေးကြသည်။ အားလုံးက သူမှားသည်ဟု ယူဆကြ၏။ ကျောင်းထုတ်စား ထုတ်လျှင် တရားခံ ဖော်သူရော မဖော်သူပါ ထုတ်သင့်သည်။ အကောင်းဆုံးမှာ လုံးဝ ကျောင်းမထုတ်ခြင်း ဖြစ်သည်ဟု ထင်မြင်ချက်ပေးကြလေသည်။

တညလုံး သူ အိပ်မပျော်။ ကျောင်းထုတ်ပစ်တာ မှန်ရဲ့လား။ ဆန္ဒစွဲဖြင့် ကျောင်းထုတ်ပစ်မိသလား။ သူသည် တွေးတော့ တမျိုး၊ လုပ်တော့ တမျိုး လူစားလား။ သံသယများသည် သူ့အား အိပ်ရာထဲ၌ တလူးလူး တလွန့်လွန့် ဖြစ်စေသည်။

နောက်တနေ့တွင် ဆုံးဖြတ်ချက် အသစ်ဖြင့် သူ အိပ်ရာမှ ထသည်။ ကျောင်းထုတ်ထားသူကို ပြန်လည် လက်ခံမည်။ လူသိရှင်ကြား ဖြစ်ရသည်နှင့်ပင် ထိုကျောင်းသားအဖို့ နောင်ကြဉ်လောက်ပြီ။ အခြားအလားတူ ကျောင်းသားများလည်း သတိတရားရလောက်ပြီ။ ဤဖြေရှင်းနည်းသည် လွယ်လွန်းရှင်းလွန်း၍ စောစောက မစဉ်းစားမိခဲ့သည်ကိုပင် အံ့ဩနေမိသေး၏။

အချိန်မသင့်စေတော့ဘဲ ကျောင်းထုတ်ခံ ကျောင်းသား၏ ဖခင်ထံ လူလွှတ်၍ အကြောင်းကြားစာပို့သည်။ ကျောင်းသား၏ဖခင်က စာကို ထက်ပိုင်းဆုတ်ပြီး ထိုစာပို့သူနှင့်ပင် ဝက်စ်ထံပြန်ပေးလိုက်သည်။ ထို့နောက် သူလုပ်ပုံကို ခရော်နီကယ်သတင်းစာသို့ သတင်းပို့သည်။

ခရော်နီကယ်က အထုတ်ခံကျောင်းသားဖခင်၏ ပြောကြားချက်ကို ငါးကော်လံခေါင်းဖြင့် ဖော်ပြသည်။ ကျောင်းသားဖခင်က သူ့သားကို ကျောက်ခဲထု စားချင်စားရပါစေ။ လက်ရှိ အုပ်ချုပ်မှုအောက်မှ ဘလိန်းကောလိပ်တွင်မူ ကျောင်းမထားလိုပါဟု တောက်တောက်ခါးခါး ပြောကြားလိုက်သည်။

သတင်းစာ ခေါင်းကြီးပိုင်းကလည်း ဝက်စ်၏ စာသည် ယောကျာ်းပီသစွာ ပြန်လည်ရုပ်သိမ်းခြင်း၊ ဝန်ခံခြင်း တည်းဟူသော သိက္ခာကိုမျှ ထိန်းရကောင်းမှန်း မသိသောအမှား ဝန်ခံချက်ဖြစ်ကြောင်းဖြင့် ရေးသားပြီး ]]ဝက်စ် နှပ်ပစ်ခံရခြင်း}} ဟူ၍ ခေါင်းစဉ်တပ်လိုက်သည်။

ခရော်နီကယ်၏ ဦးဆောင်မှုကို ခံယူသော ပြည်နယ်သတင်းစာ အများအပြားကလည်း သံယောင်လိုက်၍ ရေးကြသည်။ ရီပတ်ဘလစ်ကန် ပါတီဝင်များကလည်း အမြတ်ဝင်ထုတ်ကြသည်။ တဖြည်းဖြည်းနှင့် အရေးအခင်းကြီး တရပ်ဖြစ်လာသည်။

ထိုနေ့ နေ့လယ်ပိုင်းတွင် ပို့စ်သတင်းစာသို့ ဝက်စ် ရောက်သွားသည်။ ဗိုလ်မှူးကြီးကောင်း မကျန်းမမာဖြစ်နေ၍ ကွိက ခေတ္တအယ်ဒီတာလုပ်ပြီး ခေါင်းကြီးများကို တာဝန်ယူရေးနေသည်။

]]ခင်ဗျားသတင်းစာကို ကျွန်တော်နေ့တိုင်း ဖတ်နေပါတယ်}} ဝက်စ်က ပြောသည်။ ]]မြှောက်ပြောတာ မဟုတ်ပါဘူး။ ခင်ဗျားလုပ်တာ ကိုင်တာ ကျွန်တော် အံ့တောင် အံ့ဩတယ်။ ပို့စ်သတင်းစာရဲ့ အစဉ်အလာကို အဟုတ် ထိန်းနိုင်ပါပေတယ်။ ခင်ဗျား အသက်အရွယ်နဲ့ဆိုရင် တကယ့် စွမ်းဆောင်ချက် တခုပါဗျာ}}

ကွိသည် ချီးကျူးစကားကြောင့် ကျေနပ်သွားသော်လည်း ချက်ချင်း စကားလမ်းကြောင်း ပြောင်းပစ်လိုက်သည်။ ဝက်စ်လုပ်ငန်းကိုင်ငန်း ဖြောင့်ဖြူး လိမ့်မည်ဟု မြှော်လင့်ကြောင်း အလ္လာပ သလ္လာပ ပြောသည်။
ဝက်စ်က စိတ်ရ လက်ရ ရယ်လိုက်ပြီး
]]မဖြောင့်ပါဘူးဗျာ။ ခင်ဗျားတို့ မိတ်ဆွေကြီး ညနေ သတင်းစာက ကျွန်တော့်ကို ဝိုင်းတွယ်နေတာ ခင်ဗျားလဲ တွေ့နေသားပဲ။ ဒါထက် ပို့စ်ကလဲ ဘာမှ မရေးပါလားဗျ}} ဟု စိတ်ကောင်း သဘောကောင်းနှင့် မေးသည်။

]]ဟုတ်ကဲ့ မရေးဘူး}} ကွိက တလုံးချင်းပြောသည်။ ခဏတုံ့ဆိုင်းနေပြီးမှ ]]ခင်ဗျား စိတ်ကြိုက်တွေ့အောင်လဲ ကျွန်တော်မရေးနိုင်ဘူး။ ဒါကြောင့် ဘာမှ မရေးဘဲ နေတာ}}
ဝက်စ်က လန့်ဖျပ်သွားသလို လက်နှစ်ဖက်ကို မြှောက်ကာ ]]လာပြန်ပြီ တယောက်။ ချကြပါဗျာ။ ကျွန်တော့်မှာ မိတ်ဆွေကို မရှိတော့ဘူး}} ဟု ညည်းသည်။

ကွိက ပြုံးနေလိုက်သည်။
]]ကျွန်တော်လဲဗျာ၊ ခင်ဗျားတို့ သတင်းစာက အဲဒီနေ့က ကြုံးဝါးတဲ့အတိုင်း မတတ်တတတ်နဲ့ လိုက်လုပ်မိတာပါ}}
]]ကျွန်တော်လဲ စိတ်မကောင်းပါဘူးဗျာ}} ကွိက ပြောသည်။
]]ဒီလောက်အထိလဲ ဖြစ်လာလိမ့်မယ် မထင်ခဲ့ဘူး။ ကျွန်တော်ကလဲ ကိုယ့်နယ်သတင်းကို အသားပေးရေးရမယ်ဆိုတဲ့ ဗိုလ်မှူးကြီးရဲ့ ဩဝါဒအတိုင်း လုပ်လိုက်တာပဲ}}

ဝက်စ်က ရယ်ရယ်မောမောနှင့် ပြန်ရန် ထလိုက်ပြီးမှ
]]ဗိုလ်မှူးကြီး မရှိတော့ ခင်ဗျားလဲ အလုပ်အတော်ပိမှာပဲ။ ခေါင်းကြီးတွေ တနေ့ သုံးကော်လံ ရေးနေရတာ ခင်ဗျား ဘယ်လိုများ နိုင်အောင် လုပ်နေသလဲ}}
]]မနက် ရှစ်နာရီကတည်းက စလုပ်တာပဲ}}
]]ဘယ်အချိန်မှ ပြန်ရသလဲ}}
]]သတင်းစာ စက်ပေါ် တင်ပီးမှပဲပေါ့ဗျာ}}
]]ဒီအတိုင်းဆို ခင်ဗျား လဲလိမ့်မယ်ဗျို့။ ကျွန်တော် ကူမယ်လေ။ ခု ရေးပေးမယ်လေဗျာ}}

ဝက်စ်၏ ဆောင်းပါးများကို ဗိုလ်မှူးကြီးကောင်း ကိုယ်တိုင် လိုလိုလားလား လက်ခံလေ့ရှိသည်ကို ကွိ အမှတ်ရကာ
]]ဝမ်းသာပါတယ်။ ရေးပေါ့}} ဟု ဖိတ်ခေါ်လိုက်သည်။
ဝက်စ်သည် ခဏစဉ်းစားပြီး နာရီဝက်ခန့် ဆောင်းပါး ထိုင်ရေးသည်။

]]အဲဒီမှာ ကောလိပ်အကြောင်း ဖြည့်စာကလေးပေါ့ဗျာ။ ကျွန်တော် ချိန်းထားတာရှိနေလို့ သွားလိုက်ဦးမယ်။ နက်ဖြန်လဲလာခဲ့ဦးမယ်။ ကိစ္စရှိရင်လဲ ညကျ တယ်လီဖုန်းဆက်ပေါ့ဗျာ။ ကူညီခွင့်ရတာ ကျေးဇူးပါပဲ}}

ကွိက သူ့ဆောင်းပါးကို ဂရုတစိုက် ဖတ်ကြည့်သည်။ ကောလိပ်အရေးအခင်းကို ပိုင်ပိုင်နိုင်နိုင် ကာကွယ် ရေးသားထား၏။

ကွိသည် အတော်ကြာကြာ အတွေးနယ်ချဲ့နေသည်။ သူသည် ယခင်ကကဲ့သို့ အရာရာ ငါသိ ငါတတ် မဟုတ်တော့။ ဝက်စ်၏ အာဘော်သည် ခိုင်လုံ၏။ ထို့ပြင် ဝက်စ်သည် ပို့စ်သတင်းစာ၏ ပိုင်ရှင်တစ်ဦး၊ ဒါရိုက်တာ တဦးလည်းဖြစ်၏။ သို့သော် သူ့ဆောင်းပါးကို ကွိ လက်မခံနိုင်။

ဂိုဏ်းဟောင်း သတင်းစာဆရာကြီး ဗိုလ်မှူးကြီးကောင်း၏ လက်ကတုံး တောင်ဝှေး တရားသေကလေးတခု ရှိသည်။ ကွိကလည်း တရားသေကလေးကို ကျင့်သုံးသည်။ ထိုတရားသေကလေးမှာ သတင်းစာ အာဘော် ကော်လံတွင် ဖော်ပြသမျှ ခေါင်းကြီး၊ ဆောင်းပါး၊ အယူအဆများအတွက် အယ်ဒီတာက တာဝန်ခံရမည်။ ထိုကော်လံကို အစဉ်သဖြင့် စင်ကြယ်သန့်ရှင်းနေစေရန်အတွက် အယ်ဒီတာ၏ ကိုယ်ပိုင်ယူဆချက်များအား စစ်မှန်စွာ ထင်ဟပ်သည့် စာကိုသာ ထည့်သွင်းဖော်ပြရမည် ဟူသတည်း။

ထို့ကြောင့်လည်း ဗိုလ်မှူးကြီးကောင်းသည် ဒါရိုက်တာများက ရေးပေးသော ခေါင်းကြီးများ၊ ဆောင်းပါးများကို ကြိမ်ဖန်များစွာ ပြောင်ပြောင်တင်းတင်း ငြင်းပယ်ခဲ့ခြင်းဖြစ်သည်။ ထိုငြင်းပယ်ချက်များနှင့်အတူ သူ့နုတ်ထွက်စာကို တပါတည်း ပူးတွဲပေးပို့လေ့ရှိသည်။
လတ်တလေအချိန်တွင် ကွိသည် ဗိုလ်မှူးကြီးကောင်းကိုယ်စား အယ်ဒီတာ တာဝန်ထမ်းနေရသည်။ လွန်ခဲ့သည့်လေးရက်ကပင် ဗိုလ်မှူးကြီးကောင်းက သူ့ကို တယ်လီဖုန်းဆက်၍ ဒွိဟ ဖြစ်သည့် ကိစ္စများကိုသာ သူ့ထံ သို့မဟုတ် ဒါရိုက်တာများထံ မေးမြန်းရမည်။ ကိုယ့်ခြေထောက်ပေါ် ကိုယ် မြဲမြဲ မြံမြံ ရပ်ပြီး လုပ်ကိုင်သွားရမည်ဟု မှာထားခဲ့သည်။

ကွိ၏ သိပ္ပံပညာရှင်ရင်ထဲတွင် အစွဲအလမ်းရှိသည်ဆိုလျှင် ထိုအစွဲအလမ်းသည် မတွန့်မဆုတ်သော အမှန်တရားအတွက်သာ ဖြစ်သည်။ ယခု အရေးအခင်းတွင် ပို့စ်သတင်းစာက ရေငုံနှုတ်ပိတ်လုပ်နေရသည့်အတွက်ပင် သူ၏ အမှန်တရားစိတ်ကို ညစ်နွမ်းပန်းလျစေလှပြီ။ ရိုးသားဖြောင့်မတ်သော သတင်းစာ ဟူသည် ကိုယ့်ပတ်ဝန်းကျင်မှ ပြဿနာတခုအပေါ်တွင် ထင်မြင်ဝေဖန်ချက်ပေးသင့်သည်ဟု သူ့လိပ်ပြာက စေ့ဆော်နေသည်။

ယခု ဝက်စ်၏ ဆောင်းပါးကို အာဘော်ကော်လံအဖြစ် ဖော်ပြရမည်ဆိုလျှင် သူ၏ အမှန်တရားစိတ်ကို ပြိုကွဲပျက်ယွင်းစေတော့မည်။ မိမိမှ လွဲ၍ တခြား တပါးသူတို့ သိသည်ဖြစ်စေ။ မသိသည်ဖြစ်စေ။ ပို့စ် အယ်ဒီတာသည် မိမိသဘောမတူသော ဝက်စ်၏ အယူအဆကို လက်ခံသည်ဟူ၍ ဆိုရာရောက်စေပေတော့မည်။

ည ၈ နာရိတွင် ဝက်စ်ထံတွင် တယ်လီဖုန်းဆက်၍ ]] မစ္စတာဝက်စ်၊ ခင်ဗျားဆောင်းပါးကို ကျွန်တော် မထည့်နိုင်ပါဘူး။ ဝမ်းနည်းပါတယ်}}

]]အလို ရန်သူဆိုတာ ကိုယ့်မိသားစုထဲမှာ ရှိတယ်ဆိုတာ ဒါမျိုးပါလား။ ဘာဖြစ်လို့လဲ အယ်ဒီတာကြီးရဲ့}}

ကွိက သူ့သဘောထားကို ရှင်းပြသည်။

]]ကျေနပ်စရာမရှိဘူးလို့ ယူဆရင် ကျွန်တော့်နုတ်ထွက်စာကို အခုတခါတည်း တင်ပါတယ်။ သတင်းစာကို ခင်ဗျားပဲ ခုချက်ချင်း လာကိုင်ပါတော့}}

]]ကိစ္စမရှိပါဘူးလေ။ အမှိုက်ခြင်းထဲသာ ထည့်လိုက်ပါတော့။ တခုမေးပါရစေ။ ခရော်နီကယ် သတင်းစာက ရေးနေတာတွေ ခင်ဗျား သဘောတူသလား}}
]]မတူဘူး}}
]]ဒါဖြင့် ခင်ဗျား သဘောမတူတာ နက်ဖြန်ခါကျ မဖော်ပြတော့ဘူးလား}}
]]ဒါတော့ ကျွန်တော် လုပ်နိုင်တာပေါ့}}

နောက်တနေ့ထုတ် သတင်းစာအတွက် ကွိ ခေါင်းကြီးရေးသည်။ သတင်းစာရောင်းကောင်းစေရုံ သက်သက်မျှဖြင့် လူတန်းစား မုန်းတီးရေးကို လှုံဆောင်ရန် မသင့်ကြောင်း ဝေဖန်သည်။
ခရော်နီကယ် သတင်းစာက ပို့စ်သည် ဝက်စ်ဘက်မှ ဝင်၍ မိုးကြိုးပစ်ရာ ထန်းလက်ကာသည်။ ဝက်စ်၏ လက်ကိုင်တုတ်သတင်းစာကပင် သူတို့ အချစ်တော်ကလေးကို ဝံ့ဝံ့စားစား မထောက်ခံနိုင်သည်မှာ အံ့ဩစရာမရှိ။ ခရော်နီကယ်၏ မကြောက်တမ်း မရွံ့တမ်း ဖွင့်ချမှုကြောင့် လူထုကြီးက ဒေါသအိုးပေါက်ကွဲနေပြီ ဖြစ်သည် စသဖြင့် တုံ့ပြန်တိုက်ခိုက်လေသည်။

ဝက်စ်သည် အပြုံးမပျက် စိတ်ချုပ်တည်းနိုင်သည်။ ရှာလီဝေလင်က သူ့ကို အပြည့်အဝ ထောက်ခံသည်။ သူလုပ်သမျှ မှန်သည်ဟု ယုံသည်။ သို့သော် မစ္စအေဗာရီ၏ စကားကို ဝက်စ် နားပိုဝင်သည်။

]]သူတို့က ရှင့်ကို အကောင်းထင်တာမဟုတ်ဘူးရှင့်။ ဒီလိုဖြစ်ရတာ နယ်သစ် ပယ်သစ်ရှာချင်တဲ့ ရှင့်မှာလဲ တာဝန်ရှိတယ်။ ရှင့်မိတ်ဆွေတွေမှာလဲ တာဝန်ရှိတယ်}}

စနေနေ့တွင် ကောလိပ်ဂေါပကအဖွဲ့အစည်းအဝေးကျင်းပသည်။ ခရော်နီကယ် သတင်းစာကမူ မှန်မှန်ကြီး တိုက်ခိုက် ရေးသားလျက်ရှိသည်။ ထိုနေ့ထုတ် သတင်းစာတွင် ]]ကောလိပ်ဥက္ကဌ အလိုရှိသည်။ လူတန်းစား ဥက္ကဌ အလိုမရှိ}} ဟူသော ခေါင်းစဉ်ဖြင့် ခေါင်းကြီးရေးပြီး ကောလိပ် အုပ်ချုပ်ရေးသစ် ပြောင်းလဲသင့်ပြီဖြစ်ကြောင်း ဂေါပကအဖွဲ့ကို ပွင့်လင်းစွာ တိုက်တွန်းသည်။ ဂေါပကအဖွဲ့ဝင်အချို့က အူယားဖားယား လိုလိုလားလား လက်ခံမည့် တိုက်တွန်းချက်ပင်ဖြစ်တော့သည်။

မစ္စတာဝင်းတားက ဝက်စ် တာဝန်ထမ်းဆောင်ခြင်းမှ ခေတ္တရပ်နားနေရန် အစည်းအဝေးတွင် အဆိုတင်သွင်းသည်။ ဝက်စ်က ငြင်းသည်။
ဥက္ကဌအား မှိုချိုး မျှစ်ချိုး ပယ်ပယ်နယ်နယ် ဝေဖန်တိုက်ခိုက်မှုများ ပြုလုပ်သည့် ဝင်းတားက ဥက္ကဌကြီး တာဝန်ဆက်လက်ယူခြင်းသည် ဘလိန်းကောလိပ်၏ အကျိုးစီးပွားကို ဆန့်ကျင်ကြောင်း အဆိုတင်သည်။ ၉ မဲ ၃ မဲ ဖြင့် အဆိုရှုံးသွားသော်လည်း ဝက်စ်အဖို့ ထို အစည်းအဝေးသည် သူ့တသက်တာတွင် စိတ်မချမ်းမြေ့ဖွယ် အကောင်းဆုံးဖြစ်ရပ်တခုအဖြစ် အမှတ်ထင်ထင် စွဲကျန်ရစ်တော့သည်။ ဝက်စ်သည် အစည်းအဝေးမှ စိတ်ဆိုး မာန်ဆိုး စိတ်ပျက်လက်ပျက် ထွက်လာခဲ့လေ၏။

ဝက်စ်သည် သူ့ကိုယ်သူ အနှိပ်ကွပ်ခံ မျိုးချစ်တယောက်အဖြစ် မြင်သည်။ ကောလိပ်ဥက္ကဌ ရာထူးကို လက်ခံခဲ့သည့်အတွက် တနှစ်ဝင်ငွေ ဒေါ်လာ ငါးထောင် လက်လွတ်ခဲ့ရသည်။ ယခု ဤအဖြစ်မျိုးဖြင့် ကျေးဇူးဆပ်ခံရသည်။

သူ့ရုံးခန်းတွင် ထိုင်ကာ သူ့ဘဝကံအကြောင်း မလှပုံများ အတွေးနယ်ချဲ့နေစဉ် ဧည့်သည်တစ်ယောက် ဝင်လာသည်။ မြို့တော် နိုင်ငံရေးလောက၏ နာမည်ကျော် ထိပ်သီး ပလိုနီနီးဖြစ်၏။ ဝက်စ်၏ အကြံပေးချက်ဖြင့် ပို့စ်သတင်းစာက ခေါင်းကြီး တခုတွင် သူ့ကို ]သတင်းပုပ်သော အဂတိဝိဇ္ဇာ} ဟု ကင်ပွန်းတပ်ခဲ့ဖူးသည်။ နီးက သူ့ကို မဖွယ်မရာ ရေးသည်ဟု ယူဆခဲ့သည်။ သို့သော် နီးသည် ရန်ငြိုးတစ်ခုကို ထပ်တွန်းအတိုးဖြင့် မဆပ်နိုင်သေးသရွေ့ မေ့ပျောက်ထားနိုင်သူဖြစ်သည်။

ဂျိမ်းအီးဝင်းတားကို ဘလိန်းကောလိပ် ဂေါပကအဖွဲ့မှ ဖြုတ်ပစ်ရန် အလွန်လွယ်ကြောင်း ပြောရန် လာလည်ခြင်းဖြစ်သည်ဟု နီးက ဆိုသည်။ ထိုကိစ္စကို ပြောကြဆိုကြပြီးနောက် ဝက်စ်က အခြားကိစ္စတခုကို စကားစပ်ပြောသည်။

]]ခရော်နီကယ် သတင်းစာက ခင်ဗျား ခြေထောက်တွေ အငှားသုံးပြီး ကျွန်တော့်ကို ခုန်အုပ်နေတာ တွေ့တယ် မဟုတ်လား}} ဝက်စ်က မရယ်ချင့် ရယ်ချင် ရယ်၍ ပြောသည်။ ]]ဒီလူတွေ ဘာကြောင့် သဲကြီး မဲကြီး လုပ်နေရတာလဲဗျာ။ ပြီးတာလဲ ပြီးပါစေတော့လား}}
]]ဒီလူတွေကို ဘယ်သူမှ အရေးမစိုက်ပါဘူးဗျာ။ ဆယ်ဒေါ်လာ လက်ငင်းနဲ့ ဒေါ်လာတရာပေးမယ်ဆိုရင် နှုတ်ပိတ်လို့ ရပါတယ်။ ဒေါ်လာအစိတ် လက်ငင်းနဲ့ ဒေါ်လာနှစ်ရာပေးရင် ခင်ဗျားအကြောင်း တပတ်သုံးခါ ဘုန်းတော်ဘွဲ့ ရေးခိုင်းလို့ ရပါတယ်။ ကျွန်တော် သူတို့သတင်းစာကို ပရိဘောဂတွေပို့ရင် ထုပ်လို့ ပယ်လို့ ကောင်းတာနဲ့ ဝယ်နေတာပါ}}

နီးသည် ခရော်နီကယ် တစောင်တည်းသာ မှန်မှန်ဝယ်ဖတ်သူဖြစ်သည်။ သို့သော် ထိုသတင်းစာကို ကွယ်ရာ၌ စကားတင်းဆိုရန်ဝန်မလေး။
]]ဒီကိစ္စ ကျုပ်ဝင်မရှုပ်ချင်ပါဘူးဗျာ။ မိတ်ဆွေ တယောက်အဖြစ်နဲ့ ပြောရရင် ခင်ဗျား ဘာဖြစ်လို့ ဒီကလေး ကစားစရာ ကိစ္စတွေနဲ့ ခေါင်းရှုပ်ခံနေရတာလဲ}}
]]ဘာ ကလေးကစားစရာလဲဗျ}}
]]ဒီကောလိပ်ကိစ္စပေါ့။ ခင်ဗျား အဲဒီမှာ ဗိုလ်မဟုတ်ဘူးဗျ။ တနှစ်နေလို့ အတွေးသစ်တခု မပေါ်တဲ့ သမရိုးကျသမားတွေက ခင်ဗျားခေါင်းပေါ် ခွစီးနေတာ။ ဒီမသာကောင်တွေနဲ့တော့ ဂဘရီရယ် ဆင်းလာလဲ အလုပ်ဖြစ်မှာ မဟုတ်ဘူး။ ဘာဖြစ်လို့ အဲဒီ ကျစ်စာကျင်းထဲက ထွက်ပြီး တန်းမစီချင်ရတာလဲဗျာ}}

ဂဘရီရယ်။ ။ ခရစ်ယာန် ဘာသာထာဝရဘုရား၏ အကြီးမြင့်ဆုံး တမန်တော် ]]ကောင်းကင်တမန်က ငါသည် ဘုရားသခင် ထံတော်၌ ခစားသော ဂါဗြေလ ဖြစ်၏}}

]]တန်းစီရမယ် ဟုတ်လား}}
]]ခင်ဗျား အဲဒီမှာ အရိုးဆွေးမှာပဲ။ အခု ခင်ဗျားက လမ်းပေါ် လျှောက်အော်နေတဲ့ သတင်းစာ ကိစ္စကို ပြောနေတယ်။ ကိုယ်ပိုင်သတင်းစာနဲ့ ကိုယ်ပိုင်စိတ်ကူးတွေ ဖော်ထုတ်ပြီး လောက်လောက်လားလား လုပ်ငန်းတွေကို အောင်အောင်မြင်မြင် လုပ်နိုင်မယ့် ကိစ္စကျတော့ ဘာဖြစ်လို့ မလုပ်သလဲ}}
]]ပို့စ်ကို ပြောတာလား}}
]]ပို့စ်သတင်းစာ အယ်ဒီတာက တန်းစီနိုင်တယ်။ ဘလိန်း အထက်တန်းကျောင်း ဥက္ကဋ္ဌက တန်းမစီနိုင်ဘူးပေါ့ဗျ}}
]]ပလိုနီ၊ တန်းစီတယ်ဆိုတာ ခင်ဗျား ဘာကို ဆိုလိုတာလဲ}}
]]ဒီလိုပြောလဲ ဖြစ်တာပဲ။ ဟိုလိုပြောလဲ ဖြစ်တာပဲပေါ့ဗျာ။ ခင်ဗျားနိုင်ငံရေးများ တခါမှ စိတ်ကူးထဲ မထည့်ဘူးလား}}
]]ယေဘူယျ သဘောလောက်တော့ စိတ်ကူးဖူးတာပေါ့ဗျာ}}
မစ္စတာနီးက တံခါးဝရောက်မှ
]]ထပ်စဉ်းစားဦးပေါ့ဗျာ။ နိုင်ငံရေးရုံခါချိန်တော့ နီးနေပြီထင်တာပဲ။ လူတွေက နိုင်ငံရေးမှာ ကျုပ်ကို ဩဇာရှိတယ်လို့ ထင်ကြတယ်။ တကယ်တော့ မဟုတ်ပါဘူး။ လူတွေပေးတဲ့ မဲဆန္ဒထက် ပိုပြီးတော့ ဩဇာမရှိပါဘူး။ လူတွေက လက်ရှိငနုံတွေကိုတော့ ငြီးငွေ့နေတာ အမှန်ပဲ။ တိုးတက်တဲ့ လူငယ် လူသစ်တွေကို အာဏာအပ်တော့မယ် ထင်တာပဲ}}
ဘလိန်းကောလိပ် ဥက္ကဋ္ဌကလေးသည် ပျော်မြူးကျန်ခဲ့သည်။ ပလိုနီနီး၏ စကားသည် ဒါထက် ပို၍ မပြတ်သားနိုင်။ တန်းစီလျှင် ရာထူးကြီးပေးမည်ဟု သူ့ကို လေသံပစ်သွားခြင်းဖြစ်သည်။ မြို့တော်ဝန် ရာထူးကို ပြောချင်တာဖြစ်မည်။ မြို့တော်ဝန်ရာထူးမှ တဆင့် နောက်လေးနှစ်ကြာလျှင် ပြည်နယ်ဘုရင်ခံ ဖြစ်နိုင်သည်။
ဝက်စ် အတွေးဈာန် ဝင်စားနေသည်။ လက်ရှိရာထူးကို လက်ခံမိသည့်အတွက် သူ့ကိုယ်သူ အံ့ဩမိသည်။ ဤရာထူးသည် ဘောင်ကျဉ်းလွန်းသည်။ အခွင့်အလမ်း ကန့်သတ်လွန်းသည်။ ဒေသစိတ်ကြီးလွန်းသည်။ ပုံပန်းပျက်လွန်းသည်။ ကောလိပ် ဥက္ကဋ္ဌ လုပ်နေသမျှ ကာလပတ်လုံး သူ အညတရသာ ဖြစ်နေလိမ့်မည်။ စက်ဆုပ်စရာ ကောင်းသော ဂေါပကအဖွဲ့မှ တဇောက်ကန်းများ လက်လှမ်းမမှီသော ကောလိပ် ပရဝုဏ်ပြင်ပမှ ပြည်သူတို့က သူ့ကို စင်တော်ကောက်နေပြီ။ သူသည် သန့်ရှင်းသော ဩဇာကြီးသော။ အကြောက်တရားကင်းသော ပြည်သူ့ဝန်ထမ်း အမျိုးအစားသစ် ဖြစ်လာနိုင်သည်။ စိတ်ပျက် အားငယ်နေသော ပြည်သူတို့အား သန့်ရှင်းသော နိုင်ငံရေးလောကသို့ ဦးဆောင်လမ်းပြမည့် မိုးဇက် ဖြစ်လာနိုင်သည်။

မိုးဇက်။ ။ ထာဝရဘုရား၏ မိန့်ကြားချက်အရ ရှေးခေတ်ဟောင်း အစ္စရေးလူမျိုးတို့အား အီဂျစ်ပြည်သူမှ ရှေ့ဆောင်ကယ်ဆယ်ပြီး ထာဝရဘုရားက ပေးမည်ဟု ကတိပြုထားသော နိုင်ငံသို့ ပို့ဆောင်ပေးသူ။ သမ္မာကျမ်းစာ ထွက်မြောက်ရာကျမ်းတွင် မောရှေဟူ၍ ゞင်း၊ ဣသရေလလူမျိုးဟူ၍ゞင်း၊ အဲဂုတ္တုပြည်ဟု ゞင်း၊ ပေးမည်ဟု ကျိန်ဆိုသော ပြည်ဟူ၍ゞင်း ရေးသည်။

သူ့စိတ်အာရုံတွင် မြက်ခင်းဖြူကြီးများ ပေါ်လာပြန်သည်။ ယခုတကြိမ်တွင် သူဂန္တဝင်စာပေးအကြောင်းမဟော။ နိုင်ငံရေးကလိန်ခြုံများအကြောင်းကို ဖွင့်ချပြီး ဟောပြောနေလေ၏။

ဝက်စ်ခေါင်းထဲ၌ ဤအတွေးမြင်မပြတ်မီ ဂျွန်လ ၁ ရက် ည ၁၁ နာရီတွင် ဗိုလ်မှူးကြီးကောင်းသည် ရေချိုးခန်းထဲ၌ လဲကျ သေဆုံးသွားသည်။ ပို့စ်သတင်းစာကို အယ်ဒီတာ မရှိဘဲ ထားရစ်ခဲ့လေသည်။

အခန်း (၁၇)

(၁၇)
ဖီဖီ့ မြေပုံကလေးသည် မြှုပ်နှံပြီးစကကဲ့သို့ အမြင်မဆိုးတော့။ မြက်ပင်ကလေးများ လွှမ်းဖုံးစ ပြုလာပြီ။ နှင်းဆီချုံကလေးများကလည်း လေယူရာ ယိမ်းနေသည်။
ရှာလီသည် မြေပုံပေါ်တွင် ပန်းများကို အသာအယာချလိုက်သည်။

ကိုက် ၁၀ဝ ခန့်အကွာရှိ တံတားပေါ်တွင် လူတယောက်ရပ်နေသည်။ တံတားပေါ်မှ ရှာလီဖြတ်လျှောက်သွားသည်။ ထိုအချိန်တွင် သူ့အမည်ကို ခ်ါသံကြားရသည်။

]]မစ္စဝေလင် နေထိုင်ကောင်းရဲ့လား}}
ရှာလီ လှည့်ကြည့်လိုက်သည်။ အံ့အားသင့်သွားသည်။
]]မစ္စတာကွိ}}
သူတို့ လက်ဆွဲ နှုတ်ဆက်ကြသည်။

]]ရှင့်ကို မတွေ့ရတာ ကြာလှပီ}} ရှာလီက သွက်သွက်ကလေးပြောသည်။ ]]ရှင် သိပ်ပြောင်းလဲနေတာပဲ}}
လူမှုရေး သိပ္ပံပညာကြီးမှ ငါးမိုင်ဝေးသော ဤတံတားပေါ်သို့ အလည်အပတ်ရောက်နေသည့် ကွိ၊ အမျိုးသမီးကို ကိုယ်က စ၍ နှုတ်ဆက်ဖော်ရတတ်လာသည့် ကွိကို ရှာလီ စူးစူးစမ်းစမ်း ကြည့်နေသည်။ ကွိ တကယ်တသွေးတမွေး ပြောင်းလဲနေသည်။ အရပ်ထွက်လာသည်။ ရင်မောက်ကာ ပခုံးကျယ်လာသည်။ ကိုယ်လုံးပြည့်ဖြိုးလာသည်။ ခါးလည်း မကိုင်းတော့။

ကွိသည် နက်ပြာရောင်ဝတ်စုံကို ဝတ်ဆင်ထားသည်။ ဦးထုပ်ဆောင်းထားသည်။ ဆံပင်ကလည်း သပ်သပ်ရပ်ရပ်။ အသားအရည် စိုစိုပြေပြေ။ အံ့ဖွယ် အကောင်းဆုံးမှာ မျက်မှန်မတပ်တော့ခြင်းဖြစ်သည်။ ပုံပျက်ပန်းပျက် မျက်မှန်းဝိုင်းကြီးမရှိတော့သဖြင့် သူ့မျက်လုံးများ ပါမောက္ခမဆန်တော့။

သိပ္ပံမဆန်။ မျက်မှန်မပါသော ကွိအပေါ် ရှာလီ အနှစ်ခြိုက်ဆုံးအချက်မှာ သူနှင့်ပတ်သက်၍ ရှို့တိုးရှန့်တံ့ လုံးဝ မရှိခြင်း ဖြစ်သည်။

]]ဒီနေ့မနက် ဘုရားရှိခိုးကျောင်းမှာ ဗိုလ်မှူးကြီးကောင်းနဲ့ ကျမ တွေ့ခဲ့တယ်။ ရှင့်အကြောင်း ပြောပြသွားတယ်။ ချီးကျူးပါတယ်ရှင်}}

]]ခင်ဗျား ကျွန်တော့ ခေါင်းကြီးတွေ ဖတ်သေးသလား}}
ရှာလီက
]]ပို့စ်ကို နှစ်ပေါင်းများစွာကတည်းက ကျမ အစအဆုံး ဖတ်တာပဲရှင်}} ဟု ဖြေသည်။

]]ကျွန်တော် ခေါင်းကြီးတွေနဲ့ ဗြိတိသျှ စွယ်စုံကျမ်း ကွာပါပီနော်}}
]]အရစ္စတိုတယ်တို့၊ ပလေတိုတို့တွေ ထည့်မရေးရင် ဗိုလ်မှူးကြီးကောင်းရဲ့ ခေါင်းကြီးနဲ့တောင် ခွဲမသိနိုင်ပါဘူးတဲ့ ရှင်။ ဓာတ်ရထားထွက်ချိန် နီးပီ။ ရှောက်သွားကြရအောင်}}
]]ဒီတစ်နွေလုံး ကျွန်တော် ခြေကုန်လက်ပန်းကျနေတဲ့ ပန်းရန်သမားတွေအကြောင်း ကောင်းကောင်းစဉ်းစားတယ်။ ပန်းရန်သမားတယောက်ကိုတောင် သိနေပီ။ ဒါပေမယ့် ခြေကုန်လက်ပန်းကျတာတော့ မတွေ့ရပါဘူးဗျာ}}

ပန်းရန်သမားအကြောင်း ကွိ သတိရနေခြင်းကို ရှာလီကျေနပ်သည်။ ထိုစကားလုံးသည် သူ့ကို ရည်ရွယ်ပြောသော ကျေးဇူးတင်စကား ဖြစ်လေမလားဟု တွေးမိသည်။ ဤကိစ္စ စကားမဆက်တော့၍ ပျောက်ချက်သား ကောင်းသွားသော မျက်မှန်ကြီးအကြောင်း စကားရောက်သွားသည်။
]]စားပွဲပေါ်က ကျကွဲသွားတာနဲ့ ပစ်ထားလိုက်တာပဲ။ အတော်ဟန်ကောင်းတဲ့ မျက်မှန်ဗျာ}}

ရှာလီက
]]ဒါဖြင့် ရှင့်မျက်စိက မြင်ရရဲ့လား}}
]]မြင်ပါတယ်}} ကွိက စကားဆက်သည်။ ]]အဲဒီမျက်မှန်ကြီးက ဟန်သာ ကောင်းနေတာ။ ရိုးရိုးမှန်တွေပါ။ ကျွန်တော် ၁၂ နှစ်သားတုန်းက ကုန်ပဒေသာတိုက်က ဝယ်တပ်ခဲ့တာ}}
]]ဘာဖြစ်လို့ တပ်ရတာလဲ}}

စာကြည့်တိုက်ကို မှန်မှန်လာတဲ့လူတိုင်း မျက်မှန်တပ်တာ တွေ့တာနဲ့ ကျွန်တော်လဲ ဝယ်တပ်လိုက်တာပဲ။ နောက်တော့ အကျင့်ဖြစ်နေရော။ တကယ်တော့ ကျွန်တော့်မျက်လုံးက လူတကာထက်ကောင်းပါတယ်}}

သူဖွင့်ပြောဖူးသမျှထဲတွင် ဤစကားသည် ကရုဏာ သက်စရာ အကောင်းဆုံး စကားဟု ရှာလီထင်မိ၏။

]]ခင်ဗျား ဘုရားရှိခိုးကျောင်းဝင်းထဲ ရောက်ခဲ့တယ်မဟုတ်လား}} ကွိက မေးသည်။ ]]ကျွန်တော်လဲ ခင်ဗျား မလာခင်ကလေးတင် ရောက်ခဲ့တယ်။ အုတ်ဂူတွေက စာတွေက စိတ်ဝင်စားစရာပဲ။ အိမ်ရောက်မှ ပြန်ဖတ်ရဦးမယ်။ ဒီဆောင်းဦးမှာ ခင်ဗျားတို့ သမ္မာကျမ်းစာကို ကျွန်တော် အသေးစိတ် လေ့လာနေတယ်။ ခရစ်ယာန် အယူဝါဒါတွေကို ခင်ဗျား အားလုံး လိုက်နာတာပဲလား}}
ရှာလီက တွန့်ဆုတ်ဆုတ်ဖြစ်နေပြီးမှ
]]အဖြေရခက်သားလားပဲရှင်။ တိုက်ရိုက်ကြီး ဟုတ်ကဲ့လို့လဲ မဖြေနိုင်ဘူး။ ဟင့်အင်းလို့လဲ မဖြေနိုင်ဘူး။ ပညတ်ချက်အားလုံးကို ကျမ ယုံတယ်။ ကျမရဲ့ ဆင်ခြင်တုံတရားနဲ့ အပ်စပ်အောင်တော့ ဟိုနေရာနဲနဲ ဒီနေရာနဲနဲတော့ လိုတိုးပိုလျော့ လုပ်ရတာပေါ့}}

]]အား၊ ဒီလိုဆိုတော့ ခရစ်ယာန် အယူဝါဒတွေက ပြုပြင်လို့ရတယ် ဆိုရမှာပေါ့}}
]]ဒါပေါ့။ ရှင်ဆိုရင်ကော မပြင်ဘူးလား။ ကျမကော မပြင်ရဘူးလား။ ရှင်သန်နေတဲ့ အရာဝတ္တုတိုင်းဟာ မွမ်းမံပြုပြင်မှုကို ခံရမှာချည်းပဲ။ ဒီတရားတော်တွေက ဘဝကို အခြေခံတဲ့ သဘောတရားတွေဖြစ်လို့ အဆင့်ဆင့်ပြောင်းလဲ တိုးတက်တာပဲပေါ့ရှင်}}
]]ဒီလိုဆို ခင်ဗျားလဲ အဆင့်ဆင့်ပြောင်းလဲတိုးတက်မှု ဝါဒီပဲပေါ့လေ}}

]]ဟုတ်ပါ့ရှင်။ ဒါပေမယ့် ရှင်ပြောတဲ့ လူ့အဖွဲ့အစည်းကလေးတွေ၊ နိုင်ငံတွေ၊ လူမျိုးတွေ ဆိုတာ ငဖြူ၊ ငနီ၊ ငကြောင်၊ ငကျားတွေနဲ့ ပေါင်းစပ်ထားတာပဲ မဟုတ်လား။ ကျမတို့ သမ္မာကျမ်းစာက လူတဦးချင်းစီနဲ့ ဆက်ဆံတယ်။ တခြားနည်းဆက်ဆံစရာလဲ မရှိဘူးလေ။ လူတဦးချင်းစီရဲ့ လိပ်ပြာဟာ အရာရာတိုင်းရဲ့ မူလဘူတပဲ မဟုတ်လားရှင်}}

]]အား၊ ခင်ဗျားပြောတဲ့ လိပ်ပြာဆိုတာကို ပိုပြီး ထိန်းချုပ်နိုင်တာအပေါ်မှာ ခင်ဗျားရဲ့ အဆင့်ဆင့် ပြောင်းလဲတိုးတက်မှုဆိုတာက တည်နေတာပေါ့။ ဟုတ်လား}}

]]ဒီလိပ်ပြာဆိုတာအပေါ်မှာတော့ အားလုံး တည်ချင်မှ တည်မှာပေါ့။ တွေးခေါ်ဥာဏ်ပေါ်မှာလဲ တချို့တဝက် တည်သေးတယ်လို့ ထင်ပါတယ်}}

]]အဲဒီမှာ ခင်ဗျား သွက်သွက်ခါအောင် မှားတော့တာပဲ}}
]]ဘာဖြစ်လို့လဲရှင့်။ တွေးခေါ်ဥာဏ်ရင့်သန်လေ အရင့်မာစား လူတွေ ပေါ်လာလေ မဟုတ်ဖူးလား}}
]]ဖြေးဖြေး လျှောက်ကြရအောင်ဗျာ}} ကွိက ခေါင်းပေါ်မှ သစ်ကိုင်းခြောက် တကိုင်းကို ချိုးချလိုက်ပြီး ဆက်ပြောသည်။
]]လူအမျိုးအစားကို ခင်ဗျား ဘယ်လိုတိုင်းတာသလဲ။ အရင့်မာစားလူတွေလို့ ပြောတာ ဘာကို တိတိကျကျ ဆိုလိုတာလဲ}}

]]အရင့်မာစား လူဆိုတာက}} ရှာလီက သူကိုယ်တိုင်လည်း ခြေခြေမြစ်မြစ် သိဟန်မတူပဲ ဆက်ပြောသည်။ ]]တခြား လူစားတွေထက် အသိဥာဏ်၊ တွေးခေါ်ဥာဏ်မြင့်မားတာကို ပြောချင်တာပါရှင်}}

]]အနာဂတ် လူ့ယဉ်ကျေးမှုကို အအောင်မြင်ဆုံး ဖန်တီးနိုင်မယ့်လူတွေ၊ စိုးမိုးဘို့၊ မျိုးမပြုတ်ဖို့ အထိုက်တန်ဆုံး လူတွေလို့ ခင်ဗျား ဆိုလိုတယ်ပြောပါလေ။ ဒါပေမယ့် သမိုင်းကို ပြန်ကြည့်ရင် တွေးခေါ်ဥာဏ် ရင့်သန်ရုံနဲ့ အဲဒီလို လူစားမျိုးတွေ ဖြစ်လာနိုင်ဘို့ အာမခံချက် မရှိသေးဘူးဆိုတာ ခင်ဗျားတွေ့ပါလိမ့်မယ်}}
]]ဒါတော့ ကျမလဲ မသိပါဘူး မစ္စတာကွိ}}

]]ဒီလိုဆို ကျွန်တော် ရှင်းပြမယ်။ ပြင်သစ်တွေကို ကြည့်။ ဥရောပလူမျိုးတွေထဲမှာ တွေးခေါ်ဥာဏ် အထက်မြက်ဆုံး လူတွေပဲ။ သူတို့ ဒီနေ့ တခြား လူမျိုးတွေနဲ့ ပခုံးချင်း ယှဉ်နိုင်ရဲ့လား။ အဆင့်ဆင့် ပြောင်းလဲတိုးတက်မှု ပညာရှင်တွေက ပြင်သစ် လူမျိုးမှာ ဆုတ်ယုတ်မှု လက္ခဏာတွေ တွေ့နေရတယ်။ ဂရိတွေကို ကြည့်။ ဂရိလူမျိုးတွေဟာ ဒီနေ့ ကမ္ဘာကြီးကို ကြီးစိုးနေတဲ့ လူမျိုးတွေထက် တွေးခေါ်ဥာဏ် ကြီးရင့်တယ်ဆိုတာ ကျောင်းသား ကလေးတိုင်းသိတယ်။ ဒီနေ့ အင်္ဂလိပ်အနွယ် လူမျိုးတွေနဲ့ ပရီကခေတ် ဂရိတွေရဲ့ တွေးခေါ်ဥာဏ် အဆင့်ကွာခြားမှုဟာ ဒီနေ့ အာဖရိက လူရိုင်းတွေနဲ့ အင်္ဂလိပ် လူမျိုးတွေ ကွာခြားသလောက် ကွာခြားတယ်ဆိုတာ မနုဿဗေဒ ပညာရှင်တိုင်း သိတယ်။ အရစ္စတိုတယ်တို့။ ပလေတိုတို့၊ ဆိုခရားတီးတို့နဲ့ တွေးခေါ်ဥာဏ်ချင်း ယှဉ်နိုင်တဲ့ ဒီခေတ်သားတယောက်ကို ပြနိုင်ပါ့မလား။ သူတို့ရဲ့ တွေးခေါ်ဥာဏ်မြင့်မားမှုက သူတို့ကို ကယ်နိုင်ခဲ့ရဲ့လား။ ဒီနေ့ ဂရိတွေ သစ်သီးရောင်းနေရတယ်။ ပလေတိုရဲ့သား မြေး မြစ်တွေ ကမ္ဘာလှည့်ပြီး ဖိနပ်တိုက်နေရတယ်။ တွေးခေါ်ဥာဏ် ရင့်သန်မှုဟာ လူမျိုးကြီးကျယ်မှုအတွက် လိုအပ်တယ်ဆိုတဲ့ အယူအဆကို သူတို့ ပယ်ဖျက်ပြနေတာပဲ။ ဒါဖြင့် အောင်မြင်တဲ့ အဆင့်ဆင့် ပြောင်းလဲတိုးတက်မှုရဲ့ အခြေခံမူက ဘယ်မှာလဲလို့ မေးစရာရှိတယ်။ ဟာဒါ လူမှုရေး စီမံချက်တိုင်းရဲ့ အခရာကိစ္စပဲ။ သမိုင်းဦးကာလနေပြီး လူတွေတိုးတက်ပေါ်ထွက်လာပုံကို သုံးသပ်ကြည့်ရအောင်}}

ပရီကခေတ် ။ ။ ဂရိပြည် အေသင်မြို့ နိုင်ငံ အထွန်းကားဆုံးခေတ်၊ ခရစ်နှစ် ငါးရာစု။

ကွိသည် ဆောင်းဦး၏ တောအုပ်ကလေးထဲတွင် တကမ္ဘာလုံး တယောက်သာ သူသိသော မိန်းကလေးနှင့် အတူ လမ်းလျှောက်ရင်း သမ္မာကျမ်းစာမှ တဆင့် တွေးခေါ်ဥာဏ်မြင့်မားမှုတခုတည်းဖြင့် လူမျိုးနှင့် ယဉ်ကျေးမှု အရှည် မတည်တံ့နိုင်ပုံများကို အကျယ်တဝင့် ရှင်းပြလာသည်။

စကားခဏပြတ်ချိန်တွင် ရှာလီက ကွိ စာအုပ်ကြီးအကြောင်းကို မေးသည်။ ကွိက မေလမှ စက်တင်ဘာလထိ တလုံးတပါးဒမျှမရေးဖြစ်ကြောင်း ဖြေသည်။

]]ဒါပေမယ့် တနေ့ ခြောက်နာရီတော့ အချိန်ပေးနိုင်ပါပြီ။ ဒါလဲ နှောင့်နှေးအုံးမှာပါပဲ။ ဘာဘဲဖြစ်ဖြစ် ဒီတနွေလုံး အချိန်ဖြုန်းပစ်လိုက်ရတယ်လို့တော့ မထင်မိပါဘူး}}

]]ဟုတ်ကဲ့၊ ရှုခင်းက လှလိုက်တာနော်}}
ကွိက ရှာလီ လှမ်းမျှော်ကြည့်နေသည့် နေဝင်ချိန် ရှုခင်းကို လိုက်ကြည့်ပြီး
]]မလှပါဘူး။ သိပ်ငြိမ်လွန်းနေတော့ ငြီးငွေ့စရာ ကောင်းတယ်။ ရှုခင်းဆိုတာက ပင်ကိုယ်စရိုက်၊ ပင်ကိုယ်ဟန် ရှိမှပေါ့။ ကျွန်တော်ကတော့ ခင်ဗျားကို လှတယ် ထင်တယ်}}

ရှာလီတုန်သွားသည်။ ရှက်သွေးဖြန်းသွားသည်။ သို့သော် ကွိ အသံက ပုဂ္ဂလဒိဌာန် လုံးဝမဟုတ်၍ တော်သေး။

]]အော် ရှင်က ဒီလိုထင်သလား။ ကျေးဇူးပါပဲရှင်။ လူတော်တော်များများကတော့ အဲဒီလို မထင်ကြပါဘူး}}
ရှာလီက စကားကို ချက်ချင်း လှီးလွှဲလိုက်သည်။
ကွိက ငြိမ်မြဲငြိမ်နေသည်။ ရှာလီက ]]ရှင် တခြားလူတွေရဲ့ အင်္ဂါရုပ်ကို သတိပြုမိတတ်မှန်း ကျမမသိဘူး}} ဟုပြောသည်။

]]ကျွန်တော်မှတ်မိသလောက်တော့ အရင်က ကျွန်တော်လဲ ဒါမျိုး ဘယ်တော့မှ အမှတ်မထားတတ်ပါဘူး။ ကျွန်တော်ထင်တော့ လွင်ပြင်ထဲ လှမ်းကြည့်နေတဲ့ ခင်ဗျားရဲ့ မျက်လုံးတွေက ကျွန်တော့်ကို အမှတ်ထားမိအောင်လုပ်တယ် ထင်တာပဲ။ အဲဒီ မျက်လုံးတွေကို ဂရုတစိုက် ကြည့်လိုက်မှ ခင်ဗျားလှတာကို ကျွန်တော် သတိပြုမိတာပါ}}

ချီးချီးပပ ပြောပုံက ထူးခြားလှသည်။ အပြစ်ကင်းလှသည်။ ထပ်ပြောလျှင် ပျက်ပြယ်သွားနိုင်သည်။ ထို့ကြောင့်
]]မစ္စတာကွိ၊ ဒီနေ့ပါတဲ့ ကယ်ဆယ်ရေးဂေဟာ ခေါင်းကြီးအတွက် ကျမတို့ ဌာနက ဗိုလ်မှူးကြီးနဲ့ ရှင့်ကို ဘယ်သူ့ ကျေးဇူးတင်ရမလဲဟင်}}

]]နှစ်ယောက်လုံး တင်ပေါ့။ သူက အကြံပေးတယ်။ ကျွန်တော်က ရေးတယ်။ ကျွန်တော်တို့ နှစ်ယောက်ကို ခွဲပြောလို့ မဖြစ်ဘူး}}
ရှာလီက ခေါင်းညိတ်လိုက်ပြီး
]]ဒီဂေဟာအတွက် ကျမတို့ ဒီတဆောင်းလုံး အလုပ်လုပ်ကြရမှာပဲ။ ပြည်နယ်တစ်ခုလုံးက ဂေဟာအပေါ် စိတ်ညွှတ်လာအောင် လုပ်ရမယ်။ လွှတ်တော်ကျင်းပတဲ့အခါ ဂေဟာအတွက် ငွေကို မငြင်းနိုင်အောင်ကို လုပ်ထားရမယ်။ ဒီဂေဟာကိစ္စ ပီးသွားရင် ကျမ လုပ်ချင်တာတွေ ထောင်သောင်းချီပီး ရှိနေသေးတယ်။ ရှင် ငွေမလိုချင်ဘူးလားဟင်။ သမုဒ္ဒရာ အတန်တန်လောက်ကို များတဲ့ငွေတွေလေ}}
]]မလိုချင်ပါဘူးဗျာ}}

]]ကျမကတော့ လိုချင်တယ်ရှင့်။ ပြည်နယ်ထဲမှာ ဂေဟာတွေ အဖွဲ့အစည်းတွေကို ငြုပ်ကောင်းမှုန့်ဖြူးသလို ပြန့်ကြဲဖွင့်ပစ်လိုက်ချင်လို့။ ကျမတို့လဲ တခါတုန်းက ငွေအထုတ်အထည်ကလေး တော်တော်များများ ရှိခဲ့ပါရဲ့။ ကျမ တလသမီးလောက်ကပေါ့လေ}}

]]ဟုတ်ကဲ့ ကြားဖူးပါတယ်။ ဟင်နရီဂျီဆာဖေ့အကြောင်းက မကြားချင်လို့မှ မနေရတာ။ ခင်ဗျားက နှမြောနေလို့လား}}
]]ကျမအဖေ သိမသွားတာပဲ ဝမ်းသာလှပါပီရှင်}}
မြို့ထဲသို့ ပြန်မည့် ဓာတ်ရထားရောက်လာသည်။
]]မစ္စဝေလင်}} ကွိက ရုတ်တရက်ပြောလိုက်သည်။ ]]ခင်ဗျားနဲ့ ပထမအကြိမ်တွေ့တုန်းက ကျွန်တော့်ကိုယ်ရေးကိုယ်တာ အတွင်းရေးကိစ္စတခု ခင်ဗျားကိုပြောပြခဲ့တယ်။ အဲဒီတုန်းက ဒါအတွင်းရေးကိစ္စပါလို့ မပြောခဲ့မိဘူး။ ဒါပေမယ့်}}
]]ကျမက ရှင်မပြောလဲ အတွင်းရေးလို့ပဲ သဘောထားခဲ့ပါတယ်ရှင်။ ဘယ်သူ့မှလဲ ပြန်မပြောမိပါဘူး}}

ယခင်က သူတို့နှစ်ဦးသား ပွင့်လင်းစွာ ဆွေးနွေးခဲ့သည့် ဤကိစ္စကို ယခု သူတို့နှစ်ဦးစလုံး မပြောဝံ့ဝံ့ ပြောဝံ့ဝံ့ ဖြစ်နေခြင်းသည် မစ္စတာကွိ မည်မျှ ပြောင်းလဲနေကြောင်း ရှာလီအဖို့ အတိုင်းအတာပင် ဖြစ်ပေတော့သည်။
ရှာလီသည် အဝေးသို့ မျှော်ငေးကြည့်နေရင်းကွိကို မေးခွန်းတခုမေးချင်နေသည်။
ထိုအချိန်မှာပင် ကွိက မမေးရသော ရှာလီ၏ မေးခွန်းကို စိတ်မချမ်းမမြေ့ ဖြေလိုက်သည်။

]]ကျွန်တော့်အဖေနဲ့ပတ်သတ်ပြီး ကျွန်တော့်မှာ စိတ်ကူးသုံးမျိုးရှိတယ်။ တမျိုးက ကျွန်တော့်အဖေမှာ ထူးထူးဆန်းဆန်း သားသမီး မွေးမြူနည်း အယူအဆတွေ ရှိတယ်လို့ ထင်တယ်။ ဒုတိယတမျိုးက ကျွန်တော့်ကို လက်ရှိအခြေအနေနဲ့ သူမွေးဘို့ စိတ်ကူးမရှိဘူးလို့ ထင်တယ်။ တတိယတမျိုးကတော့ သူ့ကို လက်ရှိအခြေအနေနဲ့ ကျွန်တော်က အဖေလို့ သဘောထားချင်မှာ မဟုတ်ဘူးလို့ သူထင်နေတယ်ထင်တယ်။ ခင်ဗျားကို ကျွန်တော် ပြတဲ့စာ ရပြီးကတည်းက နောက်ထပ် ဘာစာမှ မရတော့ဘူး။ ကျွန်တော်ထင်တော့ သူ သေပီနဲ့ တူပါရဲ့}}

]]မသေရင်တော့ ရှင်တို့ တနေ့ တွေ့ကြမှာပဲလို့ ကျမ ထင်ပါတယ်ရှင်။ သူက အတွေ့မခံချင်တာ ဆိုရင်တော့ ရှင့်ကို နယူးယောက်ကနေပြီး ဒီမြို့ကို ခေါ်မှာ မဟုတ်ပါဘူး။ ရှင် အဲဒီလို မထင်ဘူးလား}}

ကွိက ရှာလီ ဓာတ်ရထားပေါ် တက်သည်ကို အကူအညီ တစုံတရာ မပြုဘဲ ဆက်ပြောသည်။
]]ကျွန်တော်သာ ခင်ဗျားတို့ ဘာသာရေး အယူဝါဒတွေကို ယုံရင် ကျွန်တော့ အဖေဟာ ဘုရားသခင်ရဲ့ အလိုတော်အတိုင်း ပြုမူတာပဲ။ ကျွန်တော့်ကို ဒီမြို့ ရောက်အောင်လုပ်တာ ဘုရားသခင်ရဲ့ အလိုတော်ပဲလို့ ကျွန်တော်ယုံကြည်မှာပဲ}}

ဓာတ်ရထား တရွေ့ရွေ့ ထွက်စပြုချိန်တွင် ရှာလီက
]]ရှင်ကော မလိုက်ဘူးလားဟင်}}
]]မလိုက်တော့ဘူး။ လမ်းလျှောက်ပြန်မှာ}} ကွိသည် ကမြောသောပါး ဦးထုပ်မြှောက်ပြကာ နှုတ်ဆက်လိုက်သည်။
သူတို့ ခွဲခွာရခြင်းသည် ဤကမ္ဘာပေါ်တွင် နောင် ဘယ်သောအခါမှ ပြန်လည် မတွေ့ဆုံကြရတော့မည့် ခွဲခွာခြင်းမျိုး ဖြစ်လေသည်။
]]မကြာခင် ပြန်တွေ့ကြဦးမယ်လို့ မြှော်လင့်ပါတယ်}} ဟူသော လောကဝတ်စကားမျှ မပြောလိုက်ရခြင်းကို မိုင်ဝက်ခန့် လမ်းလျှောက်မိမှ ကွိ စဉ်းစားမိသည်။ ဤအမှားကို အဖတ်ဆယ်၍ရမည့်လမ်း သူမမြင်။ ရှာလီဝေလင်အဖို့ သူနှင့် နောက်ဆုံးခွဲခွာခြင်း ခွဲခွာရန် နှုတ်ဆက်ခြင်း ဖြစ်သည်ဟုသာ တထစ်ချ ယူဆပေတော့မည်။

တညတွင်မမျှော်လင့်ဘဲ ညစာစားခန်းထဲသို့ ကွိဝင်လာသည်။ ၈ နာရီခန့် ရှိပြီ။ သတင်းစကားတခု ပြောစရာရှိ၍ လာသည်ဟု ဆိုသည်။

ရှာလီက ကွိကို မျှော်နေသည်ဟု ပြောသည်။ မစ္စက်ပိန်တာအိမ်သို့ ရှာလီရောက်သည့် အကြိမ်ပေါင်း မည်မျှရှိပြီကို ကွိအားခန့်မှန်းခိုင်းသည်။ ထိုသို့ အကြိမ်ကြိမ် လာနေသဖြင့် ဘေးလူများက စကားတင်းဆိုနေကြကြောင်း ပြောပြသည်။ ရှာလီ မကြာခဏလာခြင်းသည် မစ္စတာကွိကို ကာအိနြေ္ဒမဲ့မဲ့လာတွေ့နေခြင်း ဖြစ်သည်ဆိုသော စကားတင်းဖြစ်သည်ဟု ပြောပြသည်။
ရှာလီက နှုတ်ခမ်း ဆတ်ဆတ်တုန်လျှက် ပြောပြနေသည်။ အလွန်အမင်းရှက်နေပုံရသည်။

ကွိက မနေတတ် မထိုင်တတ် ဖြစ်နေသည်။ ထိုသို့သော သိမ်ဖျင်းမှုများကို စကားတခွန်းတည်းနှင့် သူချေဖျက်ပစ်နိုင်သည်ဟု ပြောသည်။ ရှာလီဘက်ကလည်း အခြေအမြစ်မရှိသော စကားတင်းများကို ငြင်းဖို့ ဘာမျှ ခက်စရာမလိုဟု ပြောသည်။
]]ကျမ မငြင်းနိုင်ဘူး။ ဘာဖြစ်လို့လဲ သိလား}} ရှာလီက သူ့ စကားကို ဖြတ်ကာ ရီဝေဝေအပြုံးနှင့် ပြောသည်။ ]]သူတို့ပြောတာက မှန်နေတာကိုး}}

ရှာလီသည် လှစ်ကနဲ ထသွားသည်။ ပစ္စည်းများကို ရွှင်ရွှင်မြူးမြူး သိမ်းဆည်းနေသည်။ ကွိက မကျေမချမ်းနှင့် ငြိမ်ထိုင်နေပြီး ရှာလီကို ကြည့်နေသည်။

]]ရှင် ဘာပြန်ပြောရမလဲ စဉ်းစားနေတုန်း လူမှုရေး ပြဿနာကလေးတခုအတွက် အကြံဥာဏ် တောင်းပါရစေ။ လော်ရာတို့ ကိစ္စပါ}}

ကွိက စိတ်မရှည်သံဖြင့်
္စ]ဘယ်သူလဲ လော်ရာ ဆိုတာက}}
]]လော်ရာက မစ္စက်ပိန်တာရဲ့ ထမင်းချက် ကပ္ပလီမလေးပါ။ သူ့ယောကျာ်းက ပစ်ပြေးတယ်။ အခုတော့ ခိုးမှုနဲ့ ထောင်ကျနေတယ်။ လော်ရာက နောက်တစ်ယောက်နဲ့ ယူမလို့ လုပ်နေတယ်။ ဒါပေမယ့် လင်မယားကွာရင် ဆယ်ဒေါ်လာ ကုန်မယ်။ သူက အကုန်မခံချင်ဘူး။ နောက်ယူမယ့် လူက အကုန်ခံသင့်တယ်လို့ ပြောနေတယ်။ ရှင့်သိပံ္ပပညာက ဒီလို အသဲနှလုံး ပြဿနာကို ဘယ်အဖြေမျိုးပေးမလဲ}}

]]လက်သုတ်ပုဝါတွေ ချထားလိုက်ဗျာ။ ငြိမ်ငြိမ်ရင်လဲနေ။ ခင်ဗျား တဖျက်ဖျက် လုပ်နေရင် ကျွန်တော် စကားပြောလို့ မရဘူး}}
ရှာလီက သေဝပ်စွာ ထိုင်လိုက်သည်။ ဝတ်ပြုသလို လက်စုံယှက်ထားသည်။ ကွိက မတ်တပ်ရပ်ပြီး သူ့ကို စိုက်ကြည့်နေသည်။

]]ခင်ဗျားကို မစ္စက်ပိန်တာရဲ့ အလုပ်ကိုယ်စားလှယ်အဖြစ်နဲ့ စကားပြောချင်တယ်။ ပါမောက္ခ နီကိုလိုဖီးယပ်က နွေဦးပေါက်ရင် အိမ်ပြောင်းတော့မယ်။ ကျွန်တော့်ကိုလည်း သူနဲ့လိုက်နေဖို့ ကမ်းလှမ်းတယ်}}
]]အော်၊ ရှင်က ငြင်းလိုက်ရောလား}}
]]မငြင်းဘူး။ ချက်ချင်း လက်ခံလိုက်တယ်}}
ရှာလီက အံ့အားသင့်သွားပြီး
]]ရှင့်ကို သူခင်အောင် ရှင်ဘယ်လိုများ လုပ်ထားလဲ။ လူတကာကို မုန်းတဲ့လူကြီးပဲ။ ကျမကို သိပ်မုန်းတာတော့ ကျမ သိတယ်}}
]]ကျွန်တော်ကလွဲရင် သူ လူတိုင်းကို မုန်းတယ်လို့ ထင်တယ်}}
]]ဆန်းလိုက်တာရှင်}} ရှာလီက ပြုမည့်သူ မရှိ၊ စုမည့်သူ မရှိ။ နေပတိုင်း ဘဲဥပြုတ်၍ စားနေကြရမည့် ပညာရှင် နှစ်ယောက်ကို စိတ်ထဲ၌ မြင်ယောင်နေသည်။

]]ဒီလူကြီးက လူတွေနဲ့ ကင်းကွာတာတော့ မှန်တယ်။ ရောက်ခါစက ကျွန်တော်နဲ့လဲ လမ်းမှာ တွေ့ရင်တောင် စကားပြောတာ မဟုတ်ဘူး။ တဖြေးဖြေးနဲ့ ကျွန်တော့်ကို ခင်လာတာပဲ}}
]]ဒါနဲ့ ရှင်က သူ့ဆီ လိုက်နေတယ် ဆိုပါတော့}}
]]မဟုတ်ပါဘူး။ ကျွန်တော့အတွက် အဆင်ပြေလို့ သဘောတူလိုက်တာ}}
]]အော်}}
]]ကျွန်တော်လခပေးနေမှာပါ။ ဒီမှာ ပေးရသလောက်ပဲ ပေးရမယ်။ ဒါပေမယ့် ပိုပြီး တိတ်ဆိတ်မယ်။ သက်တောင့်သက်သာ နေရမယ်။ လွတ်လပ်မယ်}}

ရှာလီက ကွိကို စေ့စေ့စပ်စပ်ကြည့်ရင်း ပါရဂူကလေး တကယ်မှ ပြောင်းလဲလာသေးရဲ့လားဟု သံသယဖြစ်နေမိသည်။

]]ရှင်ပြောင်းမယ်ဆိုတာ ကျမ စိတ်မကောင်းပါဘူးရှင်}}
]]ခင်ဗျား ဝမ်းသာပေးဖို့တောင် ကောင်းသေးတယ်}}
]]ဘာပြုလို့လဲ}}
]]သူက တယောက်ထဲနေဖို့ ငွေလဲ မတတ်နိုင်ဘူး။ ငွေတတ်နိုင်တောင်မှ တကိုယ်ရေနေလို့ မဖြစ်ဘူး။ နှလုံးရောဂါဆိုလားရောဂါရှိတယ်။ ခင်ဗျား သူ့ဇာတ်လမ်းသိသလား}}
]]ဘာမှ မသိပါဘူးရှင်}}
]]ကျွန်တော် အကုန်သိတယ်}}

ကွိသည် မရေမရာဖြစ်နေသည်။ မျက်မှောင်ကြုတ်ထားကာ စဉ်းစားနေသည်။ စိတ်ဂဏှာမငြိမ် ဖြစ်နေသည်။
]]ဒီမှာ၊ ကျွန်တော် ပြောင်းသွားရင် ခင်ဗျား အဒေါ်ကို ထိခိုက်မှာလား}}
အလုပ်ကိုယ်စားလှယ်မကလေးက တဟားဟားရယ်လိုက်၏။ ကွိက ကြောင်ကြည့်နေသည်။
]]ဒီအခန်းတွေကို တနာရီအတွင်း လူငှားတင်လို့ရပါတယ်။ ရှင်တို့ နှစ်နေရာစာက အမြဲလူပြည့်မနေတောင် အိမ်ငှားလုပ်ငန်းသိပ်တွင်ကျယ်နေတယ်ဆိုတာ ရှင်သိသားပဲ။ လူတွေကို ငြင်းတောင် လွှတ်နေရတာပါရှင်။ ရှင့်ဆီက ကျမ ဒေါ်လာ နှစ်ဆယ်တောင်းတဲ့ညက အဖြစ်ကို ရှင်သတိရတယ်မဟုတ်လား}}
]]အော်၊ ဒါထက် ခင်ဗျားရဲ့ အပျော်ခွေးကြီး ဘယ့်နှဲ့ နေသလဲ}}
]]ကျေးဇူးပါပဲရှင်။ တနေ့တခြား ကြီးသထက်ကြီး။ ပျော်စရာ ကောင်းသထက် ကောင်းနေပါတယ်။ ညနေတိုင်း ငါးနာရီဆိုရင် ကျွန်မတို့ လမ်းလျှောက်တယ်။ လမ်းလျှောက်တိုင်း ကျမအတွက် လူတယောက်တယောက်တော့ သူ တိုးလှဲပေးနေတာပဲ။ ပျော်စရာကြီးရှင့်။ ဒါပေမယ့် ရှင့်ကို တိုးလှဲရတာလောက် သူမပျော်ရှာဘူးနဲ့ တူပါရဲ့ရှင်}}

ကွိက မျက်နှာထားတည်တည်ဖြင့် တံခါးဝသို့ ထွက်သွားပြီး
]]ကျွန်တော် အလုပ်လုပ်ဦးမယ်။ ခင်ဗျား အဒေါ်ကို ကျွန်တော်ပြောင်းတော့မယ်ဆိုတာ ပြောပြပေးပါ။ မင်္ဂလာညပါ}}
]]မင်္ဂလာညပါ မစ္စတာကွိ}}

တံခါးပိတ်သွားသည်။ ချက်ချင်းပင် တံခါးပြန်ပွင့်လာကာ ကွိ ကိုယ်တပိုင်း ပေါ်လာသည်။
]]ဒါထက် မနေ့က ဖြစ်ပုံကလေး ခင်ဗျားစိတ်ဝင်စားမှာပဲ။ ပို့စ်ထဲမှာ ဖတ်ပီးပလား။ ကွိ နှစ်ယောက်ဆိုတဲ့ သတင်းလေ}}
]]ဟင့်အင်း၊ ရှင်နဲ့ တင်မ် ကွိ အကြောင်းလား}}

]]တင့်မ် အကြောင်းပါ။ ကျွန်တော် မပါပါဘူး။ တလောတုန်းက တင်မ် ကင်းလှည့်တဲ့ နေရာ ပြောင်းသွားတယ်။ မနေ့မနက်ကတော့ သူ့နယ်ထဲမှာ ဘဏ်ဖောက်နေတာ တွေ့ရတယ်။ ဒါနဲ့ ဝင်ဖမ်းတယ်။ မှောင်ထဲမှာ သူခိုးနဲ့ ပက်ပင်းတွေ့တာပေါ့။ တခြားရဲတွေရောက်လာပြီး မီးဖွင့်ကြည့်တော့မှ သူခိုးက သူ့ညီ မာဇီဖြစ်နေတာ တွေ့ရတယ်တဲ့}}

သို့သော် လမကုန်မီမှာပင် မစ္စက်ပိန်တာ၏ ညစာဝိုင်းများသို့ ရှာလီဝေလင် ရောက်လာသည်။ ဆောင်းကာလ တလျှောက်လုံးပင် တလတကြိမ် နှစ်ကြိမ်ဆိုသလို ရောက်လာလေ့ရှိသည်။
]]အဆင့်ဆင့် ပြောင်းလဲ တိုးတက်မှု ပညာရှင်က လူမှုရေးအဖွဲ့အစည်းကလေးတွေ၊ နိုင်ငံတွေ၊ လူမျိုးတွေ၊ ဆိုတာတွေကို သုံးသပ်တာ။ ခင်ဗျားတို့ သမ္မာကျမ်းက ငဖြူ၊ ငနီ၊ ငကြောင် ငကျားတွေနဲ့ ဆက်ဆံတာပဲ။ တခြားစီပါ}}

အခန်း (၁၆)

(၁၆)
နွေရာသီတလျှောက်လုံး ရှာလီဝေလင်ထံသို့ ဓာတ်ပုံ ပို့စ်ကဒ် အမြောက်အမြား ရောက်လာသည်။ ပို့စ်ကဒ်များကို ကြည့်ကာ ကမ္ဘာဟောင်းတွင် ချားလ်စ် ဂါဒင်နီယာဝက်စ် တယောက် ဇွဲနဘဲကြီးကြီး လေ့လာနေပုံကို သိရသည်။

ဂျွန်လဆန်းတွင် ရောမမှ စခဲ့သည့် သူ့ခရီးသည် ဩဂုတ်လလယ်ပိုင်းတွင် လန်ဒန်မြို့၌ တစခန်းထောက်သည်။ ရှာလီဝေလင်ထံသို့ လန်ဒန်မြို့အနီးအနားမှ သူ ပို့စ်ကဒ်တစောင် ပို့လိုက်သည်။

]သမိုင်း အပြောင်ဆုံးခရီး ပြီးဆုံးပြီ။ ၂၁ ရက်တွင် သင်္ဘောစီးမည်။ အားအင်နှင့် စိတ်မာန် မပြည့်စဖူး ပြည့်နေသည်။ အလှအပဆုံး စီမံကိန်းများကို ပြန်လည် သုံးသပ်နေရသည်}

သို့သော် ဩဂုတ်လ ၂၁ ရက်တွင် ဝက်စ်မပြန်ဖြစ်။ မူလက ဩဂုတ် ၁၅ ရက်တွင်ပင် ပြန်ရန် စီစဉ်ထားခဲ့၏။ လန်ဒန်တွင် တွေ့ရသော ကောလိပ်ပညာရေးစနစ်က စွဲမက်စရာ ကောင်းလွန်း၍ မပြန်နိုင်။ ဩဂုတ်လ ၂၅ ရက်တွင်မှ ပြန်နိုင်သည်။ စက်တင်ဘာ ၃ရက်တွင် မြို့ကို ပြန်ရောက်သည်။ စက်တင်ဘာ ၄ ရက်တွင် ရှာလီ့ရုံးခန်းသို့ ဝင်လာသည်။

ရုံးခန်းတွင် သူတို့နှစ်ယောက်သာ ရှိသည်။
]]ကျွန်တော်ပို့တဲ့ ပို့စ်ကဒ်တွေ ရတယ်နော်}}
]]အထပ်လိုက်ပါပဲရှင်။ ဒီစားပွဲလောက်ရှိတဲ့ ဓာတ်ပုံစာအုပ်ထဲမှာကို ကပ်ထည့်ရတာ စနေ နေ့တဝက်ကို ကုန်ပါရောလား။ ရှင့်ခရီးတလျှောက်လုံး ဘာအကြိုက်ဆုံးလဲ ဟင်}}

]]ကျွန်တော်ထင်တယ်}} ဝက်စ်က သူ့မျက်လုံးပြာကြီး တစုံလုံးကို ရှာလီ့အပေါ် လွှမ်းခြုံလိုက်ပြီး ]]ပြန်လာရတာ အကြိုက်ဆုံးပဲ}}
ရှာလီက ရယ်သည်။
]]ရှင့်အဖို့ သိပ်ကောင်းတယ်ထင်တယ်။ ရှင့်ကြည့်ရတာ တောင်ကြီးတွေကို ဖြိုတော့မယ့်ဟန်ပဲ}}
]]တောင်ထွတ် တောင်ညွှန့်ကိုတောင် ကိုက်ကိုစားမှာဗျ}}
ရှာလီက အလုပ်အသစ် စပြီလားဟု မေး၍
]]သင်္ဘောပေါ်ကနေ တခါထဲ အလုပ်ထဲ ဂျွမ်းထိုးဝင်ခဲ့တာ}}ဟု ဖြေသည်။

ဝက်စ်က ဘလိန်းကောလိပ်အတွက် သူမျှော်လင့်ချက်ထားသမျှကို အိတ်သွန်ဖာမှောက် ထက်ထက်သန်သန်ကြီး ပြောပြနေသည်။ အခက်အခဲများက ယခုကတည်းက ပေါ်သည်။ ယနေ့ ဂေါပကအဖွဲ့ဝင် လူကြီးများ၏ စိတ်သဘောက အသိရခက်သည်။ ကောလိပ်၏ ပြုပြင်ပြောင်းလဲမှုများကို ကြော်ငြာရန် စီစဉ်သည်။ သို့သော် ဘာပြုပြင်ပြောင်းလဲရေးမျှ မလုပ်ရသေး။ ဘလိန်းကောလိပ်ကပေးမည့် ကျောင်းသား အခွင့်ထူးများ ကိစ္စ ဆွေးနွေးသည်။ ပေးစရာ ဘာအခွင့်ထူးမျှ မရှိ။ သို့သော် မှန်မှန် ကန်ကန် လုပ်ကိုင်သွားလျှင် ဤအခက်အခဲများကိုရော အခြား အခက်အခဲများကိုပါ ကျော်လွန်နိုင်မည်ဟု သူ ယုံကြသည်။

ရှာလီက စိတ်ထက်သန်စွာဖြင့်
]]ဘာပဲဖြစ်ဖြစ်လေ ငါးနှစ်အတွင်း ကျောင်းသား သုံးလေးဆ တိုးလာမယ်ဆိုတာနဲ့ပဲ အားရစရာ ကောင်းလှပါပီဘဲရှင်}}
]]ကျောင်းသားတိုးဖို့ ကျွန်တော် သိပ်စိတ်မသန်တော့ဘူး။ ဒီလေ့လာရေးခရီးမှာ ကျွန်တော် အမြင်ပြောင်းသွားတာဘဲ။ ဧရာမအကြီးဆုံး ကောလိပ်ဖြစ်ဖို့ မမှန်းတော့ဘူး။ ပညာရေး အဆင့်အတန်း အမြင့်ဆုံး ကောလိပ်ဘဲ ဖြစ်ချင်တော့တယ်။ ထူးချွန်ထင်ရှားတဲ့ မဟာဌာနတွေ ရှိရမယ်။ ထက်မြက်ထက်ြွကတဲ့ ကျောင်းသားအင်အား ရှိရမယ်။ ကျောင်းသားကို စည်းကမ်း တင်းတင်းကျပ်ကျပ်နဲ့ ရွေးမယ်။ အဆင့်အမြင့်ဆုံး ပညာဆည်းပူးမှု တံဆိပ်အဖြစ် တပြည်လုံးက အသိအမှတ်ပြုရတဲ့ ဘွဲ့မျိုး နှင်းမယ်။ ဒါတွေဖြစ်အောင် ကျွန်တော် အားထုတ်မှာပဲ။ ကျွန်တော့် အမြင့်မားဆုံး ရည်မှန်းချက်က...}} ဝက်စ်က အိပ်မက်မက်နေသလိုပြောသည်။ ]]ဘလိန်းကောလိပ်ကို ပြင်သစ်ပြည်က ပဲရစ် တက္ကသိုလ်လိုဖြစ်အောင်လုပ်ဖို့ပဲ}}

စကားဆုံးလျှင်ဆုံးချင်း ထလိုက်ပြီး ပြန်ရန် ခွင့်တောင်းသည်။ ဗိုလ်မှူးကြီးကောင်းထံ ဝင်၍ နှုတ်ဆက်ဦးမည်ဟု ပြောသည်။
]]ဒါထက် အဖိုးကြီးကော ဘယ့်နှယ့်နေလဲ}}
]]စိတ်ကတော့ ခါတိုင်းလိုပဲ။ အလုပ်ကိုလဲ ကြုံးလုပ်နေတာပဲ။ ဒါပေမယ့် အသက်ကလေးတော့ နည်းနည်း အကြောင်းပြလာပီပေါ့ရှင်}}

]]သူ့အသက်ကလည်း ခုနှစ်ဆယ် နီးနေပြီကိုး။ စကားမစပ် သူ့လက်ထဲ ပုံအပ်ထားတဲ့ သူ့ကူဖော် လောင်ဖက် ကလေးကရော။ နာမည် ဆနုးဆန်းနဲ့ လူဆန်းဆန်း ကလေးလေ}}

ထိုလူဆန်းကလေးကို ကာကွယ်ရန် ရှာလီအား သူပေးခဲ့သည့် သူ့ကတိကို ဥက္ကဌကြီးဝက်စ် မေ့နေပြီဖြစ်ကြောင်း ရှာလီသိလိုက်သည်။
]]ရှင်တို့ နောက်တပတ် ဒါရိုက်တာ အစည်းအဝေးမှာ သူ့ကို အမြဲတမ်း လက်ထောက် အယ်ဒီတာတောင် ခန့်တော့မှာရှင့်}}
]]ဟုတ်လား၊ ကျွန်တော်က ဖြုတ်တောင်ပီးနေပြီ ထင်နေတာ}}
]]ဂုတ်ပေါ် ဓားဝဲနေတော့ သူ့ခမြာလဲ သူ့ဖာသာသူ ပြင်လာတယ်နဲ့ တူပါတယ်။ နေ့ချင်း ညချင်း ရေးတတ် သားတတ် ဖြစ်လာတာပဲတဲ့ရှင့်။ ဗိုလ်မှူးကြီးကောင်းကိုသာ မေးကြည့်ပေတော့}}

]]ကျွန်တော်ကတော့ မအံ့ဩဘူး။ ဒီသူငယ် အဖြစ်ရှိမှာပဲဆိုတာ ကျွန်တော်ယုံတတယ်လို့ ဆောင်းတွင်းတုန်းက ခင်ဗျားကို ကျွန်တ်ာပြောဖူးသားပဲ။ အင်း။ ကိုယ့်မြို့ ကိုယ်ပြန်လာရတာ တယ်လဲ ကျက်သရေ ရှိပါလား}}

ဝက်စ်သည် ပန်းခြံထဲမှ ဖြတ်၍ လျှောက်လာသည်။ သစ်ပင်များကို သူမမြင်။ အတွေြးွကယ်သူတို့ ပြောလေ့ရှိသည့် အနာဂတ်ကိုသာ သူမြင်နေရသည်။

သူစင်မြင့်ပေါ်၌ ရပ်နေသည်။ သူ့ကို မော်ကြည့်နေကြသည့် မျက်နှာများသည် မြက်ခင်းဖြူကြီးပမာ ဖြစ်သည်။ မြက်ခင်းဖြူကြီးကို သူ မိန့်ခွန်းခြွေသည်။ သူ့မိန့်ခွန်းမှာ ]ပညာရေးနှင့် လူထုနိုးကြးမှု} ဖြစ်သည်။ လူထုကြီးက တရားပွဲများတွင် မကြုံစဖူးသော ထက်သန်တက်ြွကမှုမျိုးဖြင့် ထက်သန် တက်ြွကနေသည်။

ညစာစားပွဲ စားပွဲရှည်ကြီး၌ သူ မတ်တပ်ရပ်လိုက်သည်။ အတန်းလိုက် အတန်းလိုက် စားပွဲရှည်ကြီးများကို မြင်ရသည်။ ညစာစားပွဲ တက်သူများသည် ကုလားထိုင်ကို ရွှေ့ကာ သူ့ဘက်သို့ လှည့်ပြီး နားထောင်နေကြသည်။ သူ့မိန့်ခွန်း နိဂုံးချုပ်လိုက်သောအခါ လုပ်ငန်းရှင်ကြီးများသည် အလှူငွေ ထည့်ရန် ချက်လက်မှတ်များကို ထုတ်ရေးတော့သည်။ ဂဏန်းနောက်မှ သုညများစွာကို တသီကြီးရေးချရန် ကော်ဖီပန်းကန်များကိုပင် တွန်းရွှေ့နေကြသည်။

ဗိုလ်မှူးကြီးကောင်းက သူ့ကို ကြောင်ကြည့်နေသည်။
]]ခေါင်းကြီးရေးနည်း ကျွန်တော်လေ့လာနေသည်။ ညတိုင်နှစ်နာရီအထိထိုင်ပြီး ပို့စ်အဟောင်းတွေ ပြန်လှန်တယ်။ ခင်ဗျားခေါင်းကြီး ဘယ်လိုရေးသလဲဆိုတာ လေ့လာတယ်}}
ဗိုလ်မှူးကြီးကောင်း၏ အကြည့်သည် အရှိန်ပျော့သွားပြီး
]]ချီးကျူးပါတယ်ဗျာ။ ခင်ဗျား ဘယ်လောက် စိတ်ကူးမှန်သလဲ။ ရေးနည်း ကျွမ်းကျင်သလဲ ဆိုတာတော့ စောင့်ကြည့်ရမှာပေါ့။ ဒါပေမယ့် ဒီခေါင်းကြီးကတော့ ခင်ဗျား ပို့စ်အတွက်ရေးခဲ့သမျှ ခေါင်းကြီး အားလုံးထက် ပိုကောင်းတယ်}}
]]ခင်ဗျား ကြိုက်တယ်ဆိုရင် ဝမ်းသာပါတယ်}}
ဗိုလ်မှူးကြီးသည် စားပွဲကို ဗြန်းကနဲ ရိုက်လိုက်ပြီး
]]စိတ်လိုက်မာန်ပါ ထက်ထက်သန်သန်လုပ်။ ပေါ်ပေါ်လွင်လွင် မြင်တတ်အောင်ကြည့်။ စိတ်ကောင်းနှလုံးကောင်းထား။ ဒါပေမယ့် စာရေးရင် ချုပ်တီးထားနိုင်လို့သာ အော်ဟစ် မပစ်ရသလို အရူးအမူးရေး၊ မှတ်ထား}}

ထိုနေ့မှာ မေလဆန်းပိုင်းဖြစ်၏။ အယ်ဒီတာအိုကြီးသည် အဖိုးတန်လာမည့် အလားအလာကောင်း၊ အရည်အချင်းကောင်းများနှင့် ပြည့်စုံသော လူငယ်ကလေးအား အခွန်စနစ်နယ်ပယ် ငွေကြေးစနစ်နယ်ပယ်မှ ဆွဲထုတ်ကာ နေ့စဉ် သတင်းစာထဲမှ ပေါ်လာသော ကိစ္စရပ်များကို ရေးရန် တာဝန်ပေးလာသည်။

မေ ၁၅ ရက်တွင် အယ်ဒီတာကြီးက ကွိကို မဖြုတ်။ ဤအတိုင်း အလားအလာကောင်းရှိနေသရွေ့ ဆက်ခန့်မည်ဟု ပြောသည်။ ဗိုလ်မှူးကြီးသည် လူငယ်ပိုင်းကို ရှေ့တွင် ချီးကျူးလိုသူမဟုတ်။ ကွယ်ရာတွင်မူ အမွှန်းတင်သည်။ သို့ဖြင့် သူ့သူငယ်ချင်း ဂျွန်းရန်းဒေါ့ဝေလင်၏ သမီးကလေးက ကွိ၏ တက်လမ်းကို ကြိုတင်သိနေခြင်းဖြစ်လေသည်။

ကွိအဖို့ တနွေလုံး အလုပ်များသည်။ နေ့စဉ် ဘဝနှင့် ဆက်စပ်နေသော ခေါင်းကြီးများရေးနိုင်ရန် ရေးသူကိုယ်တိုင် နေ့စဉ် ဘဝနှင့် ဆက်စပ်မှုရှိရမည်ဟု သူ တစိမ့်စိမ့် သဘောပေါက်လာသည်။

ဂျွန်လတွင် မာကျူရီအားကစား အသင်းပြုပြင်ဖွဲ့စည်းသည်။ ကစားဖော်တို့ စနေနေ့ညတိုင်း ဆုံကြသည်။ ကွိလည်း စနေနေ့ညတိုင်း ထိုတွေ့ဆုံပွဲများသို့ တက်ပြီး အခြားသူများနှင့် ယှဉ်ပြိုင်ဖို့ အခွင့်ကြုံလာသည်။ ဆရာကြီးကလင်ကာက တပည့်ကွိကို လက်ဝှေ့သင်ပေးသည်။ စောစောပိုင်းတွင် ကွိ တဘိုင်းဘိုင်းလဲသံသည် စတပ်ဆိုင်ခန်းမကြီးကို တုန်ဟီးနေစေသည်။

ကလင်ကာက ကြပ်ကြပ်မတ်မတ် သင်ပေး၍ နွေလလယ်လောက်တွင် သိပ္ပံနည်းကျ တိကျမှုရှိသူအဖြစ် ကွိနာမည်ထွက်လာသည်။
ယခုအခါ ကွိ အလွန်သန်မာတောင့်တင်းလာသည်။ မာကျူရီကလပ်ကလည်း ခန္ဓာကိုယ် ဖွံ့ထွားမှုထက် ပို၍ ကြီးမားသောနည်းဖြင့် သူ့အဖို့ အသုံးဝင်လာသည်။

ဤကလပ်တွင် ဘဝနှင့် ဖိဖိစီးစီး ထိတွေ့မှုရှိသော လူငယ်များနှင့် ကွိတွေ့ဆုံသည်။ ထိုလူငယ်များကလည်း သူ့ကို ကာယဗလအရာတွင် တန်းတူရည်တူ ဆက်ဆံသည်။ သတင်းစာပညာလုပ်ငန်းနှင့် ပတ်သက်၍လည်း လေးလေးစားစားဆက်ဆံသည်။ ဘတ်ကလည်း လူတွေ့တိုင်း ]]ပို့စ်အယ်ဒီတာနဲ့ နှုတ်ဆက်ပါအုံး}} ဟု သူ့လူကို သာသာထိုးထိုး မိတ်ဆက်ပေးသည်။

စနေနေ့လက်ဝှေ့ပွဲများ၊ စွမ်းရည်ပြပွဲများ ပြီးတိုင်း စကားဝိုင်းဖွဲ့ကြသည်။ ထိုစကားဝိုင်းများမှ အဖိုးတန် သတင်းအချက်အလက်များကို ကွိ အမြဲရသည်။ အသင်းသားအချို့သည် သတင်းစာတွင် ဖော်ပြသည့် အတိုင်းအတာထက် မြို့တော်၏ နိုင်ငံရေးကို ပိုသိကြသည်။

ဂျင်မီဝါထရောက်ဆိုလျှင် ပလိုနီနီး၏ ညာလက်ရုံးအဖြစ် နာမည်ထွက်စ ပြုနေသူဖြစ်သည်။ ဂျင်မီသည် မာကျူရီ အသင်းဝင်များနှင့် တွေ့လျှင် ရင်ဖွင့်လေ့ရှိသည်။ မကြာခဏဆိုသလို မစ္စတာနီးကိုယ်တိုင် မာကျူရီကလပ်သို့ ပေါက်လာတတ်သည်။ ခေါင်းဆောင်ကြီး ပလိုနီနီးသည် မြို့တော်ကို သူ့လက်ခုပ်ထဲက ရေပမာ ချယ်လှယ် ကြိုးကိုင်သူ ဖြစ်သည်။

ဗိုလ်မှူးကြီးကောင်းအား တအံ့တဩ အကြိုက်တွေ့စေသည့် ကွိ၏ခေါင်းကြီးများစွာသည် စတပ်ဆိုင် နောက်ဖေးခန်းရှိ မာကျူရီကလပ်တွင် မွေးဖွားခဲ့ကြသည်။

ဤကိစ္စအားလုံးသည် အချိန်ယူသည်။ အချိန်စားသည်။ သူနှင့် သူ့နောင်လာ နောက်သားများသည် အလှည့်ဖျား ခံနေရပြီလား၊ မပြင်နိုင်တော့သော မဟာအမှားတော်ပုံကြီးကို သူကျူးလွန်မိပြီလား ဟူသော အတွေးများဖြင့် ချွေးသီး ချွေးပေါက်ကျကာ မျက်လုံးကြောင်သည့် ညပေါင်းများစွာကို ကွိ ကြုံနေရသည်။

မေ၊ ဂျွန်၊ ဂျူလိုင်လများသည် ပါရဂူကလေးအဖို့ စိတ်ကယောက်ကယက် အဖြစ်ဆုံး လများပေတည်း။ ထိုလများအတွင်း သူ့စာအုပ်အတွက် စာတလုံး မရေးဖြစ်။ သူ့စာအုပ်ကြီးနှင့် အချိန်ဇယားကြီးသည် စားပွဲအံဆွဲထဲ၌ အလုံပိတ်ခံနေရသည်။

ခေါင်းကြီးရေးသိပ္ပံပညာ အတွက် တနေ့ ၁၃ နာရီသုံးသည်။ ကာယဗလသိပ္ပံပညာအတွက် တနေ့ ၂ နှစ်နာရီသုံးသည်။ ပေါင်းသင်းဆက်ဆံရေးသိပ္ပံပညာအတွက် တနေ့တနာရီ (ပျမ်းမျှခြင်း) သုံးသည်။ သို့သော် သိပ္ပံပညာတကာတို့၏ သိပ္ပံပညာအတွက်ကား ဘယ်တနေ့မှာမျှ ဘယ်တနာရီပင် မသုံးနိုင်။ ကျန်သည့် အချိန်မှာ စားချိန်နှင့် အိပ်ချိန်။

ဤသို့ နေလာခဲ့သည်မှာ သုံးလကြာခဲ့သည်။
ဂျွန်လကုန်ပိုင်းသို့ရောက်သောအခါ ခေါင်းကြီးရေးအတတ်ပညာသည် သူ့လက်ဖျားမှာ ရှိနေပြီ။ ထို့ကြောင့် စံနမူနာခေါင်းကြီးများအား လေ့လာချိန်ကို စိတ်ချလက်ချ လျှော့ပစ်လိုက်နိုင်သည်။ အကြောင်းအရာ၊ အချက်အလက် ရှာဖွေစုဆောင်းချိန်ကို ပို၍ပေးနိုင်လာသည်။ စာအများကြီး ဖတ်နိုင်လာသည်။ သမိုင်း၊ အတ္ထုပ္ပတ္တိ၊ ကိုယ်ရေးမှတ်တမ်း၊ စစ်မှတ်တမ်း၊ ဌာနဆိုင်ရာ အစီရင်ခံစာများကို ကျွမ်းကျွမ်းကျင်ကျင် မှတ်ဥာဏ် ရွှင်ရွှင်ဖတ်ဖို့ အချိန်ရလာသည်။

ဂျူလိုင်လကုန်တွင် နယ်ကုန် ပယ်ကုန် ဖတ်ရှုပြီးပြီ ဖြစ်၍ စာဖတ်အလုပ်ကို လျှော့နိုင်လာသည်။ ဩဂုတ်လဆန်း တရက်တွင် သူ့စားပွဲအံဆွဲကို ဖွင့်နိုင်တော့သည်။ အချိန်ဇယားကြီးကို ပြန်လည်နေရာပေးနိုင်ပြီ။ ဒေါက်တာကွိသည် ထိုရက်မှ စ၍ ညစဉ် ၉နာရီခွဲမှ ၁ နာရီခွဲအထိ သူ့ပိဋကတ်ခန်းတွင် ထိုင်ကာ သူ့အချစ်ဦးနှင့် ပိုက်ထွေး ကြည်နူးနိုင်ပြန်လေပြီ။

နွေပြယ်၍ ဆောင်းဦးပေါ်လာသည်။ ပေါင်းသင်း ဆက်ဆံရေး သိပ္ပံပညာကိုကား ကွိ စွဲစွဲမြဲမြဲ ကျင့်သုံးဆဲ ဖြစ်သည်။

ဤရက်များတွင် ကွိအဖို့ ဗိုလ်မှူးဘရွတ်၏စကားများကို အောင့်အည်း နားထောင်ရခြင်းမျိုး မဟုတ်တော့ရုံမက ကြားရအောင်ပင် ရေလာမြောင်းပေး လုပ်နေ၏။ ၁၈၇၀-၇၅ ခုနှစ်များအတွင်း ရီပတ်ဘလစ်ကန်ပါတီများအပေါ် ဗိုလ်မှူးဘရွတ်အောင်ပွဲဆင့်ခဲပုံများကို စိတ်ပါလက်ပါ နားထောင်သည်။ ပါမောက္ခ နီကိုလိုဗီးယပ် အခန်းသို့လည်း နှစ်ကြိမ်ဖိတ်လျှင် တကြိမ်သွားလည်သည်။

ဗိုလ်မှူးဘရွတ်၏ ရှေးဟောင်းနှောင်းဖြစ်များ၊ နီကိုလိုဗီးယပ်၏ ပညာပြည့်ဝသောစကားများတွင် မှတ်သားဘွယ်ရာများ ပါဝင်သည်။ သူ့အဖို့ကား နားထောင်သမား သက်သက်ဖြစ်သည်။ ဤကမ္ဘာ၌ အပြောသမားက လိုတာထက် ပိုနေသည် မဟုတ်လား။

အောက်တိုဘာလတွင် ဘတ်က သူ့တပည့်ကို အတတ်ကောင်းသင်ပေးသည်။ မစ္စမီလာနှင့် ရုပ်ရှင် စုံတွဲကြည့်ရန် ဖြစ်သည်။
ကွိသည် ထိုပညာကို မယူဖြစ်သော်လည်း စိတ်ထဲမှာကား မရဲဘဲနှင့် ကျွဲပြဲစီးကြည့်နေမိလေသည်။

ယခုအခါ ကွိ၏ခေါင်းကြီးများသည် ပို၍ ပို၍ ဖတ်ပျော်လာသည်။ လူထု ထင်မြင်ချက်၊ ပြည်နယ်လွှတ်တော်၏ ထင်မြင်ချက်ကို ဆွဲဆောင်ဖန်တီးနိုင်လာသည်။ သူငယ်စဉ်က စာဖတ်သင့်ခဲ့ရသည့် ဝက်သားထုပ်သော နယူးယောက်မြို့မှ သတင်းစာ၌ကိုးကား ဖော်ပြခြင်းခံရသည့် ရေးချက် ရေးလက်မျိုးကိုပင် သူသိလာသည်။

အောက်တိုဘာ ၁၀ ရက်တွင် ပို့စ်သတင်းစာ ဒါရိုက်တာ အစည်းအဝေး ကျင်းပပြီး ကွိအား လစာငွေ တနှစ်ဒေါ်လာ ၁၅၀ဝ ဖြင့် လက်ထောက်အယ်ဒီတာခန့်ရန် ဆုံးဖြတ်လိုက်သည်။
ကွိက မဆိုင်းမတွပင် လက်ခံသည်။

မဟြွာကားလုံးကြီးက မှန်လေပြီ။
စနေနေ့တွင်အလုပ်ရပြီးနောက် တနင်္ဂနွေနေ့တွင် လက်ထောက်အယ်ဒီတာ အသစ်စက်စက်ကလေးသည် မြို့ပြင်သို့ လမ်းလျှောက်ထွက်လာခဲ့သည်။ ညနေ ၄ နာရီခန့်တွင် သူမြင်ခဲ့ဖူးသည်ဟု ချက်ချင်း မှတ်မိသော ထင်ရူးပင်တောအုပ်ကလေးသို့ ရောက်လာလေ၏။

ဘလိန်းကောလိပ်သည် ယခုအခါ မြို့ပြင်ရှိမှန်ထည် အဆောက်အဦကြီးသို့ ပြောင်းရွှေ့ဖွင့်သည်။ ဥက္ကဌကြီး ဝက်စ်မတိုင်မီက ကောလိပ်ဖွင့်ခဲ့ရသည့် တင်းကုတ် ကလေးမှာလည်း စကျင်ကျောက် အဆောက်အဦအဖြစ်သို့ ရောက်နေသည်။ ဥက္ကဌကြီးဝက်စ်သည် ခမ်းနားသော သူ့ရုံးခန်း၌ ပဲရစ် တက္ကသိုလ်မှ ကမ္ဘာကျော် ပါမောက္ခကြီးများ၏ ကိုယ်စားလှယ်အဖွဲ့ကို လက်ခံတွေ့ဆုံနေသည်။ ထိုအဖွဲ့သည် ဥက္ကဌကြီးဝက်စ်၏ ပညာရေးနည်းနာနိသျှများကို လေ့လာရန် ပြင်သစ်အစိုးရက စေလွှတ်လိုက်သည့် အဖွဲ့ ဖြစ်လေသတတ်။

အခန်း (၁၅)

(၁၅)
ဈာပန အခမ်းအနား၏ အလှသည် ကွိကို ဖမ်းစားလိုက်လေသည်။
ဖီဖီ၏ ဈာပနကို မြို့ပြင် တောအုပ်ကလေးများကြားရှိ ဘုရားရှိခိုးကျောင်းတွင် သရဏဂုံတင်သည်။ ဤနေရာတွင် ဖီဖီ၏ဖခင် မစ္စတာပိန်တာ မွေးဖွားကြီးပြင်းခဲ့သည်။ ဖီဖီလည်း နေထိုင်ကောင်းစဉ် ဥပုသ်နေ့တိုင်း ဤဘုရားရှိခိုးကျောင်းသို့ လာ၍ တနင်္ဂနွေ ကျောင်းတက်လေ့ရှိသည်။

တောအုပ်ကလေးများထဲတွင် လမ်းလျှောက်ရင်း ဝ၀ပြဲပြဲ မျက်နှာနီရဲရဲ လူကြီးတဦးနှင့် ကွိတွေ့သည်။ မော်တော်ကားမောင်းသမားကြီးဖြစ်သည်။ ဖီဖီနှင့် အလွန်ခင်သည်။ စေတနာရှင်မလေး ဖီဖီ့အကြောင်းကို စုံတကာစေ့အောင် လေကြောရှည်ဆွဲ၍ ပြောပြနေသည်။

လွန်ခဲ့သည့်နှစ်ပေါင်း ၂၀ကျော်က တင်မ်က သူ့ကို ဘုရားရှိခိုးကျောင်းတခုသို့ ခေါ်မသွားခဲ့ဘူးဆိုလျှင် ယခုအကြိမ်သည် ကွိအဖို့ ဘုရားရှိခိုးကျောင်းထဲသို့ ပထမဆုံးအကြိမ် ရောက်ဖူးခြင်းဖြစ်မည်။ ၁၄ နှစ်သားမှစ၍ ဘာသာရေးကို ယုံကြည်မှု၏ အထွတ်အထိပ် ဓလေ့တခုကို သူမျက်မြင်ကိုယ်တွေ့ ကြည့်နေရသည်။

ကွိသည် နှစ်နှစ်ကာကာ စိတ်ဝင်စားစွာ သူ့ပတ်လည်ကို လှည့်ကြည့်သည်။ အလင်းရောင်မှိန်မှိန်။ ကြေကွဲသော မျက်နှာများဖြင့် ခုံတန်းပေါင်းများစွာ၌ ထိုင်နေသော လူများ။ ထူးဆန်းပေစွ။ အံ့ဩစရာနှင့် အတိပြီးသည်တကား။ အသွေးအသား သေသော်လည်း လူမသေဟူသော အနိုင်မခံ အရှုံးမပေးသည့် ယုံကြည်ချက်။ ဆင်ခြင်တုံတရားကို အံတုသည့် စိတ်ဓာတ်။ မယုံကြည်နိုင်လောက်အောင် ကြီးမားသော မြတ်နိုးခင်တွယ်မှု ဗီဇစိတ်။ ဤဆန်းပြားသော အခြင်းအရာတို့၏ ထူးခြားချက်သည် အဘယ်နည်း။
ငါသည် ထမြောက်ခြင်း အကြောင်း၊ အသက်ရှင်ခြင်းအကြောင်း ဖြစ်၏။ ငါ့ကို ယုံကြည်သော သူသည် သေလွန်သော်လည်း ရှင်လိမ့်မည်။
ဟဓမ္မသစ်ကျမ်း။ ။ ရှင်ယောဟန် ခရစ်ဝင် ၁၁း၂၅။]

ကျယ်လောင် လှိုက်လှဲသော အသံသည် ရုတ်ချည်း ပေါ်လာသည်။ လူအများချက်ချင်း မတ်တပ်ရပ်လိုက်သည်။ ကွိလည်း အစောဆုံး ထရပ်လိုက်သည်။ သူ့မျက်လုံးသည် ဝက်ရုံဖြူ ဝတ်ဆင်၍ တလှမ်းချင်း လျှောက်လာသော လူငယ်တဦးအပေါ်သို့ ရောက်သွားသည်။ သူ့မျက်နှာသည် ပျို့သစ်စ နံနက်အရုဏ်ကဲ့သို့ လန်းဆန်းသည်။ သူသည် စာအုပ်တအုပ်ကို ဖွင့်လိုက်၏။ သို့သော် စာအုပ်ကို မကြည့်။ လောကပြင်ပသို့ မျှော်ကြည့်နေသယောင် ဦးခေါင်းကို မော့ထားသည်။
]ငါ့ဘက်၌ နေတော်မူသော ဘုရားသခင်ကို ငါ မြင်မည်။ သူတပါး မြင်သည်သာမက ငါသည် ကိုယ့်မျက်စိနှင့် ဖူးမြင်မည်}}
ဟဓမ္မဟောင်းကျမ်း။ ။ ယောဘဝတ္တု ၁၉း၂၇]
ထိုလူငယ်၏ ကျောဘက်တွင် ပန်းစည်းပန်းခွေများ အဆင့်ဆင့် ဖုံးနေသည့် ဖီဖီ၏ မသာခေါင်းရှိသည်။ ခရစ်ယာန်သံပြိုင်ဝတ်သီချင်းများ အပြန်အလှန် ဆိုကြပြီးနောက် ထိုလူငယ်က သမ္မာကျမ်းလာ ဓမ္မစာများကို ရွတ်ဖတ်သည်။ ထို့နောက် လေမှုတ်စန္ဒယားသံ ပေါ်ထွက်သည်။ သံပြိုင်ဝတ်သီချင်းဆိုသည်။

]သူတော်စင်တို့ လုပ်ငန်းခွင်မှ အနားယူကြပြီ}
သူတော်စင်။ ဖီဖီကို သူတို့ ဒီလိုပဲ အပြီးအပိုင် သတ်မှတ်နေကြပြီ။ စဉ်းစာသာ ကြည့်ပေတော့။ လွန်ခဲ့သည့် ရက်သတ္တပတ်ကပင် ဖီဖီကို သူ နှင်းဆီပန်းများ ပို့ခဲ့သေးသည်။

လက်အိတ်နက် စွပ်ထားသော လက်တခုက ကွိအား နောက်မှ နေ၍ ဖွင့်လျက်သား စာအုပ်တအုပ် ပေးလှာသည်။ စာအု့ပ်ကို သူအသာကိုင်ထားလိုက်သည်။ စောစောက တွေ့ခဲ့သည့် မော်တော်ကားသမားကြီးက ]]သူတို့ဆိုနေတာ ဒီသီချင်း}} ဟု စာအုပ်ပေါ် လက်ထောက်ပြရင်း လေသံဖြင့် ပြောသည်။
]ရန်အမှုတို့ ပြင်းပြချိန်၊ စစ်ပွဲတို့ ရှည်လျားချိန်တွင် အဝေးမှ အောင်တေးသံသည် နားထဲသို့ စိမ့်ဝင်လာသည်။ ရဲသွေးတို့ တက်ြွကလာသည်။ လက်ရုံးတို့ သန်မာလာသည်}

သရဏဂုံတင်အပြီးတွင် မသာခေါင်းကလေးကို ဘုရားရှိခိုးကျောင်းဝင်းထဲသို့ သယ်သွားသည်။ မြေမှုန့်မှ မြေမှုန့်အဖြစ်သို့ ရောက်စေလေပြီ။ အဝတ်နက် ဝတ်ဆင်ထားသော မိန်းမများ၏ ငိုရှိုက်သံပေါ်လာသည်။ ထိုအချိန်တွင် ခေါင်းပျဉ်ပေါ်သို့ ပထမဆုံး မြေစိုင်ခဲ ဒုတ်ကနဲ ကျသည့် ကြေကွဲဖွယ် အကောင်းဆုံး အသံကို ကြားလိုက်ရလေ၏။ စောစောက တွေ့ခဲ့သည့် မျက်နှာနီရဲရဲ ကားသမားကြီးပင် မျက်ရည်တွေ စီးကာ ငိုကြီးချက်မ ဖြစ်နေသည်။

ဟထာဝရအရှင် ဘုရားသခင်သည် ]သင်သည် မြေမှုန့်ဖြစ်၍ မြေမှုန့်သို့ ပြန်ရမည်} ဟု မိန့်တော်မူ၏ (သမ္မာကျမ်းစာ။ ကမ္ဘာဦးကျမ်း၊ ၃း၁၉)]

အိမ်အပြန် ဓာတ်ရထားပေါ်တွင်မူ ကွိသည် သူ့အတွေးများကို ဆင်ခြင်တုံတရား လမ်းကြောင်းပေါ်သို့ ပြန်လည် တည့်မတ်ပေးနိုင်တော့သည်။

ဝိညာဉ် ထာဝရ တည်မြဲသည်ဆိုသော သဘောတရားသည် ဆင်ခြင်တုံတရားပေါ်၌ မရပ်တည်နိုင်။ စိတ်ဆိုသည်မှာ ဓာတ်လေးပါးဖွဲ့စည်းမှုမှ ပေါက်ဖွားသော အရာသာဖြစ်သည်။ သေခြင်းတရား၌ အဆုံးရှိသော ဓာတ်လေးပါး အဖွဲ့အစည်း ပျက်ပြယ်သောအခါ စိတ်လည်း ကွယ်ပျောက်ရသည်။ ဖယောင်းတိုင်မှ မီးကို မှုတ်ငြိမ်းလိုက်သလို ဖြစ်သည်။ သို့ရာတွင် လူ့သမိုင်းတလျှောက်လုံး ဤသဘောတရားသည် တည်တံ့ နေခဲ့သည်မှာ မယုံနိုင်စရာ ဖြစ်၏

သိပ္ပံပညာသည် ထိုသဘောတရားကို အဖန်တလဲလဲ ချေဖျက်ခဲ့သည်။ သို့သော လူအပေါင်းတို့သည် သိပ္ပံပညာကို လက်မခံခဲ့။ သိပ္ပံပညာကို ကျိုးသင့် ကြောင်းသင့် အဖြေမပေးနိုင်သောအခါ ပုဆိန်များ၊ တံကျင်များနှင့် အဖြေပေးသည်။ ထူးဆန်းပေစွ။ သိပ္ပံပညာနှင့် ဘာသာရေး၏ ပဋိပက္ခသည် လူသားနှင့် သူ့ဆင်ခြင်တုံတရား၏ ပဋိပက္ခသာ ဖြစ်ပါပေသည်တကား။

ကယ်တင်ခြင်းခံရသော ခန္ဓာကိုယ်၊ ကယ်တင်ခြင်းခံရသော ဝိညာဉ်ဆိုသည့် သဘောတရားကို လူအပေါင်းတို့ ဧကန်ဧက ယုံကြည်ကြရဲ့လား။ ငွေဆိုသည်မှာ လောကီကိစ္စမျှသာ ဖြစ်သည်။ ဟု သူတို့ ပရိယာယ်မခိုဘဲ ယုံကြည်ရိုးမှန်ကြလျှင် သူတို့၏ လောကီတရား တို့သည် သူတို့ကို စောင့်ကြို နေမည့် ထာဝရ ဘုန်းကျက်သရေတို့နှင့် နှိုင်းစာသော် ပင်လယ်ကမ်းခြေမှ သဲတပွင့်လောက်ပင် အလေးထားစရာ မရှိ။

သို့သော် ယခုကားပေါ်၌ လိုက်ပါ လာသူတို့သည်ပင် နက်ဖြန်ဆိုလျှင် ရေပွက်ပမာ ကြာရှည် မတည်သော အကျိုးအမြတ်အလို့ငှာ အချင်းချင်း လည်ပင်း လှီးကြတော့မည်။ အချင်းများကြတော့မည်။ လိမ်ညာစဉ်းလဲ ကြတော့မည်။ အမနာပ ပြောကြတော့မည်။ အသရေဖျက်ကြတော့မည်။ မုသားဆိုကြတော့မည်။ ရန်ပွားကြတော့မည်။ ဘာသာရေးဟူသည် ကိုယ့်ကိုယ်ကို အိပ်မွေ့ချခြင်းမျှသာ ဖြစ်သည်။ လူ့လောက၏ ပရိဒေဝ သောကဗျာပါဒကို ဖြေဖျောက်၍ ရကောင်းစိမ့်သောငှာ တပါးသော လောကကို ဖန်ဆင်းခြင်း ဖြစ်သည်။

ဤသည်ပင် လူတို့၏ ဘာသာရေး သမိုင်း ဖြစ်ချေ၏။ လူအပေါင်းတို့ ကိုယ်တိုင်လည်း ထိုလောကပွား ဖန်ဆင်းမှု သဘောကို သိသည်သာ။

ဟာရုစပက်တို့လည်း သူတို့အချင်းချင်းတွေ့လျှင် တတောသော ရယ်မောကြမည်သာ။

ဟဟာရုစပက်။ ။ ရှေးဟောင်း ရောမခေတ်က ယာဇ်ပူဇော်ပသမှု အဆောင်အရွက်ဖြင့် အသက်မွေးသော လူတန်းစား။]

မစ္စက်ပိန်တာအိမ်တွင် ညစာ စောစောစားကြသည်။ ကွိသည် ခြေဖွဖွနင်းကာ သူ့အခန်းသို့ ပြန်တက်လာသည်။ မစ္စက်ပိန်တာ အခန်းရှေ့သို့ ရောက်သောအခါ အခန်းတွင်းမှ ကျိတ်၍ ငိုရှိုက်နေသံကို ကြားရသည်။ ရင်သွေးတို့ အတွက် ပရိဒေဝမီး တောက်လောင်ကာ ငိြုွေကးသော ရာခယ် ၏ ငိြုွေကးသံမျိုးပင်ဖြစ်သည်။

ကွိသည် အခန်းတံခါးကို ပိတ်ကာ ဓာတ်ငွေ့မီးကို ထွန်းညှိလိုက်သည်။ စားပွဲတွင် ၁၉၀၂ မတ်လထုတ် ပို့စ် သတင်းစာ အဟောင်းတွဲက သူ့စူးစမ်းရှာဖွေမှုကို အသင့် ငံ့လင့်နေသည်။ သို့သော် ခါတိုင်းနှင့်မတူ တမူခြားကာ သူအိပ်ရာပေါ်တွင် လှဲအိပ်လိုက်လေ၏။

သူ ယနေ့ည သေသွားလျှင် သူ့အတွက် ဘယ်သူ ဒီလိုငိုပါ့မလဲ။

တခါကမူ ကွီသေလျှင် သူဝမ်းနည်းမည်ဟု ဖီဖီက ပြောခဲ့ဖူးသည်။ သို့သော် ဖီဖီက အရင်ဆုံးရှာပြီ။ သူ့ကတိ တည်စရာ မလိုတော့ပြီ။

ဟရာခယ်။ ။ ခရစ်ယာန် ဓမ္မဟောင်းကျမ်းလာ ဂျကော့၏မယား။ ဂျိုးဆက်နှင့် ဘင်ဂျမင်တို့၏ မိခင်။ သမ္မာကျမ်းစာ ကမ္ဘာဦးကျမ်း (၂၉း၃၅) တွင် ယာကုပ်၏ မယားရာခေလ ဟူ၍ゞင်း၊ ရာခေလသားကား ယောသပ်နှင့် ဗင်ယာမိန်းတည်းဟူ၍ ゞင်းရေးသည်။ ဓမ္မသစ်ကျမ်း၊ ရှင်မသည်း ခရစ်ဝင်တွင် ]ရာခေလသည် မိမိသားတို့ မရှိသောကြောင့် ငို၍ စိတ်မပြေနိုင်ဟူသော စကားသည် ထိုအခါ၌ အမှန်မကျသတည်း} (၂း၁၈) ဟု ဖော်ပြသည်။]

ဖီဖီသေသော်လည်း သူ့အတွက် ဝမ်းနည်းမည့် မိတ်ဆွေများစွာ ကျန်ခဲ့သည်။ သူသေလျှင် တင်မ်နှင့် မာဖီနှစ်ယောက်သာ ဝမ်းနည်းမည့်သူရှိသည်။ မသာပို့ရန်တော့လာနိုင်ကြမည် မထင်။
သူ့ သင်္ချိုင်းဘေးသို့ ရောက်နိုင်ကောင်းဘွယ်ရှိသူမှာ ဘတ်ကလင်ကာ တဦးသာ ဖြစ်သည်။ သို့သော် ကလင်ကာ ငိုလိမ့်မည်ဟု မြှော်လင့်ရန်မှာမူ ရလေလိုလေ အိုတစ္ဆေ လုပ်လွန်းရာ ရောက်မည်။ လူတယောက်တည်းသာ ပို့မည်သူရှိသော မသာဖြစ်ရမှာကလည်း အတော်မျက်နှာပန်းမလှ။ လူကြောင် သူကြောင်မို့သာ သေချိန်တွင် ရှားရှားပါးပါး မိတ်ဆွေ တယောက်တည်း ကျန်ခဲ့တာဖြစ်မည်ဟု ဖြတ်သွားဖြတ်လာ လူတကာတို့က မသာကို ကဲ့ရဲ့သဂြိုလ်စကားတင်း ဆိုဘွယ်ဖြစ်သည်။ သို့သော် သေလမ်း သေနားကို သူစဉ်းစားစရာမလို။ လူရိုင်း သူရိုင်းတို့၏ ထုံးဓလေ့သည် သူနှင့် မအပ်မရာကိစ္စသာဖြစ်သည်။ ဘတ်က စီစဉ်ပေးနိုင်မည်။ အလောင်း မီးရှို့ စက် အနီးတွင် ငိြုွေကးနေမည့် ဘတ်၏ ပုံပန်းကို သူစိတ်ကူးကြည့်သည်။ ပုံမပေါ်။

သူ့အဖေ ရှိသေးသည်။ တကမ္ဘာတည်း အတူနေနေကြသော်လည်း ၂၄ နှစ်လုံးလုံး သူနှင့်တခါမျှ မျက်နှာချင်း မဆုံဖူးသေးသည့် သူ့အဖေ။ သူ့အဖေလုပ်ပုံသည် နည်းနည်း ဂွကျသည်။ ကမ္ဘာ့ထုံးတမ်းအတိုင်း ပြောရလျှင် ကိုယ့်သားကို ကိုယ် လက်မခံသူ ဖြစ်သည်။

ယင်းသို့ လုပ်မြဲဓမ္မတာ မဟုတ်သော လူ့ကျင့်ဝတ် ဖောက်ဖျက်ခြင်းအတွက် အကြောင်းပြချက် ရှိရမည်။ အခြေအနေ အရပ်ရပ်က တခုတည်းသော လမ်းကိုသာ ညွှန်ပြနေသည်။ ထိုလမ်းမှာ သူ့အမေသည် သူ့အဖေနှင့် တရားဝင်လက်မထပ်ခဲ့ဆိုသော လမ်းဖြစ်သည်။ သူ့မိဘများ၏ လက်ထပ်ပွဲသို့ တက်ရောက်ခဲ့ရသည်ဆိုသော တင်မ်၏အဆိုကို သူအမြဲတစေ သံသယ ဖြစ်ခဲ့သည်။ သို့သော် ထိုကိစ္စကို ယခု သူလုံးဝ မစဉ်းစားတော့ ကိုယ်ကျင့်တရားတာဝန်မှာ သူ့၌မတည်။

နာမည်ကိစ္စမှာလည်း ကွိဆိုသော အမည်သည် အခြားအမည်များ ကောင်းသလောက်ပင် ကောင်းသည်။ ကိုယ့်ဘဝပတ်ဝန်းကျင်နှင့် အခြေအနေ၏ တံဆိပ်ကပ်ခြင်းမှ ကင်းလွတ်ရအောင် လုပ်နိုင်သူအဖို့ အိတ်စ်နာမည် ယူယူ၊ ဝိုင်နာမည် ယူယူ ကောင်းသည်ချည်းသာ။

သူသေသွားလျှင် မစ္စက်ပိန်တာက ဖီဖီ့အတွက် ငိုသလို သူ့အဖေသာ အသက်ရှင်နေလျှင် သူ့အတွက် သူ့အဖေပေါ်လာပြီး ငိြုွေကးလိမ့်မည်ဟု ထင်မိ၏။ သူ့အလောင်း မီးသဂြိုလ်မည့် မီးရှို့စက်ဘေးတွင် သူ့အဖေ ငိုနေမည့်ပုံပန်းကို စိတ်မှန်းနှင့် တွေးကြည့်ပြန်၏။ သူ့အဖေ၏ အင်္ဂါရုပ်နှင့် စပ်လျဉ်း၍ မပီဝိုးဝါးမှုက လွှမ်းထားခြင်းကြောင့် တစိတ်တဒေသ ဖြစ်ကောင်း ဖြစ်မည်။ သူ့စိတ်ကူးထဲမှာ ပုံမပေါ်။

သူ့အဖေသည် သူတရားမျှတစွာ ထမ်းဆောင်ရမည့်တာဝန်ကို ရှောင်သည်ဟု ကွိခံစားရ၏။ ]]ဟောဟိုမှာ ငါ့အဖေ}} ဟု တစုံတယောက်ကို သတ်သတ်မှတ်မှတ် လက်ညှိုးထိုးပြနိုင်လျှင် သူ့အဖို့ ကောင်းလေစွဟုလည်း သူ့တသက်တွင် ပထမဆုံး အကြိမ်တွေးတောမိ၏။

သူနှင့်ဘတ်သာ ကျန်ကြတော့သည်။ လောကအလယ်တွင် သူတို့နှစ်ဦးသားသာ အတူတကွ ရှိကြသည်။
သူသည် မီးရောင်ထိန်ထိန်တွင် အတွေးခြာခြာလည်နေ၏။
သူ့ဘဝတွင် သူ့ကို ဝေဖန်ထောက်ပြသူ သုံးဦးသာရှိခဲ့သည်။ သုံးဦးစလုံးက သူ၏ ဘဝအမြင်ကို တလေသံတည်း ထိုးနှက်ခဲ့ကြသည်။ သုံးဦးစလုံးက ပတ်ဝန်းကျင်လောကနှင့် ဆက်ဆံထိတွေ့ရန် သူ့ကို တိုက်တွန်းခဲ့ကြသည်။

သူ့ဘဝအောင်မြင်မှု၏ အတိုင်းအတာသည် သူ့ကိုယ်သူ ပတ်ဝန်းကျင်နှင့် အိုးစားကွဲအောင် လုပ်ထားနိုင်သည့် အတိုင်း အတာနှင့် အမျှဖြစ်ကြောင်း ပြန်လှန် မချေပနိုင်အောင် သူပြသခဲ့၏။ သို့သော် ထိုသုံးဦးက ထိုအတိုင်းအတာသည် သူ့ဘဝဆုံးရှုံးမှု၏ အတိုင်းအတာဖြစ်သည်ဟု စိုက်လိုက်မတ်တတ် ဆိုကြသည်။
သူက သူ့အဆိုပြုချက်ကို သက်သေပြသလို သူတို့က သူတို့၏ အဆိုပြုချက်ကို သက်သေမပြနိုင်ကြ။ သို့သော် သူတို့၏ ကျိုးကြောင်း ယုတ္တိကင်းမဲ့မှုသည် သူတို့၏ အဆိုပြုချက်ကို တုတ်တုတ်မျှ မလှုပ်မရွေ့စေနိုင်။ ကွိ၏ ဆင်ခြင်တုံတရားနှင့် ကွိကို ဝေဖန်သူတို့၏ ဗီဇစိတ်တို့အကြား ထင်ရှားသော ဝိရောဓိ တခုပါပေ။

သူသိရသလောက် သူ့ကို ဘယ်သူကမျှ ချီးကျူးလေးစားခြင်းမရှိ။ သူ့လုပ်ငန်းကို လေးစားချင်လေးစားမည်။ လူပုဂ္ဂိုလ်အရမူ သူ့အတွက် ဝမ်းနည်းသူ သို့မဟုတ် သူ့ကို ပြစ်တင်ရှုတ်ချသူသာ ရှိသည်။ သူ့လုပ်ငန်းကို လေးစား ချီးကျူးသူကလည်း နည်းလှသေးတော့သည်။ ပို့စ်သတင်းစာက ကျေနပ်လောက်သော သက်သေအထောက်အထား ပြခဲ့ပြီ မဟုတ်လား။

လူ့ဘောင်အဖွဲ့အစည်း၏ ညွှန်ပိုင်ကြားပိုင်သူ ဧရာမပုဂ္ဂိုလ်ကြီးတဦးအဖို့ သူကိုယ်တိုင် သဘောတရားရေးအရ စီမံကွပ်ကဲနေသည့် လူ့ဘောင်အဖွဲ့အစည်းတွင် ပုဂ္ဂိုလ်ရေး ဒွေးရောယှက်တင် ပါဝင်လှုပ်ရှားနေမှ ပိုမို ကြီးမြတ်သော ညွှန်ပိုင်ကြားပိုင်သူ ဖြစ်လာနိုင်လေသလား။

ဧကစာ ကျင့်သုံးခြင်းနှင့် အချိန်ဇယားကို ဘိန်းစွဲသလိုစွဲနေခြင်းက သူ့တွင် အရေးကြီးသော လစ်ဟင်းချက်များရှိနေစေသလား။
ရှာလီဝေလင်ပြောသလို အခြေခံကစ၍ သူမှားနေသည်ဟု ဆိုနိုင်စရာ အကြောင်းရှိနေသလား။
ပါရဂူကလေးသည် အိပ်ရာပေါ်တွင် မလှုပ်မယှက် အတွေးကျွံနေသည်။ မိနစ်ကို နာရီစားလာသည်။

သူ့စာအုပ်ကြီးကို သူ အသက် ၂၇ နှစ်တွင် ရေးသားပြုစုပြီးစီးသွားလျှင် ကျန်နေသေးသော ဘဝတာကို ဘယ်လိုကုန်လွန်စေမလဲ။ စာအုပ်အပေါ် ဝေဖန်ချက်များကို တုန့်ပြန်ဖြေကြားရန်မှတပါး အခြားလုပ်စရာမရှိ။ သူ့စာအုပ်ကြီးသည် ဒဿနိကဗေဒ၊ သမိုင်းနှင့် သိပ္ပံပညာအားလုံး၏ အခေါင်အထွက် အဆီအနှစ်ဖြစ်၍ လူသား၏ အမြင့်မားဆုံး ဥာဏပညာ၊ ပရမတ္တ၊ ပဋိဘာန် ဖြစ်သည်။ ထိုစာအုပ်ကြီးပေါ်လာလျှင် ကမ္ဘာ့လုပ်ငန်းစခန်းသိမ်းပြီဟု ဆိုနိုင်ပေတော့မည်။ ဤသို့ဆိုလျှင် ကျန်ရှိနေသော သူ့ဘဝသက်တမ်း နှစ်ပေါင်း ၃၀ ကျော် ၄၀ ကို မည်သို့ ကုန်ဆုံးရအံ့နည်း။

ယခု သူအသက်၂၄နှစ်ရှိပြီ။ ပဲ့ပြင်သွန်သင်မှု လုံးဝ မခံယူရဘဲ တကောင်ြွကက်အဖြစ် ကြီးပြင်းခဲ့ရသည်။ သူ့ခန္ဓာကိုယ်ရော စိတ်ဝိညာဉ်ကိုပါ စာအုပ်များ၏ အကူအညီဖြင့် သူ့ဖာသာသူ ပျိုးထောင်ခဲ့ရသည်။ သူတပါးသင်ပြသည့် ပညာဆို၍ ရှာလီဝေလင်က နာရီဝက်ကြာ နာနာကျည်းကျည်း ပြောလိုက်သည့် စကားများသာ ရှိသည်။

သူ၏ အပယ်ခံ လူငယ်ဘဝသည် ထြွကလာပြီး သူ့ကို တိုက်ခိုက်သည်။ သို့သော် သူ အသိအမှတ်မပြု။ သူ့ကို တိုက်ခိုက်သည့် ထို အပယ်ခံလူငယ်ဘဝသည် ဝံ့ဝံ့စားစား ရှိသည်ဟုသာ သူအသိအမှတ်ပြုသည်။ ထိုဘဝနှင့် သူ လက်ချင်းချိတ်လိုက်သည်။ ထို့နောက် အသူတရာချောက်ထဲသို့ ကျသွားကြလေ၏။

နံနက် ၂ နာရီတွင် လူပျိုဝိုင်းမှ ပြန်လာသည့် ဘတ်ကလင်ကာသည် ပိဋကတ်ခန်း၌ မီးထိန်ထိန်လင်းနေသည်ကို မြင်၍ တက်လာသည်။ အခန်းထဲတွင် ဖိနပ်မစီးဘဲ လမ်းရှောက်နေသည့် ပါရဂူကလေးကို တွေ့ရသည်။ ကွိသည် ဘတ်ကို မြင်သောအခါ လမ်းလျှောက်ရပ်လိုက်သည်။ ဘတ်ကို မသိသလို စူးစူးဝါးဝါး စိုက်ကြည့်နေသည်။သူ့မျက်နှာသည် သွေးမရှိသလို ဖြူဆွတ်ကာ တင်းတင်းမာမာ ခက်ခက်ထန်ထန် ဖြစ်နေ၍ ဘတ်က]]မင်လာညပါ။ ဒေါက်}} ဟု ပြောရုံပြောကာ ပြန်ထွက်သွားတော့လေသည်။

အခန်း (၁၄)

အခန်း (၁၃)

အခန်း (၁၂)

အခန်း (၁၂)

အခန်း (၁၁)

အခန်း (၁၁)